بالی ووڈ اداکار سلمان خان کی آنے والی جنگ کی کہانی پر مبنی فلم ’’ماتربھومی: مے وار ریسٹ اِن پیس‘‘ اپنے ٹریلر کی ریلیز کے بعد سے موضوعِ بحث بنی ہوئی ہے۔ فلم میں ۲۰۲۰ء کے گلوان وادی تصادم اور ہندوستانی فوجیوں کی بہادری، قربانی اور وطن کے تحفظ کے لیے دی گئی لازوال خدمات کو پیش کیا گیا ہے۔

بالی ووڈ اداکار سلمان خان کی آنے والی جنگ کی کہانی پر مبنی فلم ’’ماتربھومی: مے وار ریسٹ اِن پیس‘‘ اپنے ٹریلر کی ریلیز کے بعد سے موضوعِ بحث بنی ہوئی ہے۔ فلم میں ۲۰۲۰ء کے گلوان وادی تصادم اور ہندوستانی فوجیوں کی بہادری، قربانی اور وطن کے تحفظ کے لیے دی گئی لازوال خدمات کو پیش کیا گیا ہے۔ فلم کے ٹریلر پر جہاں سوشل میڈیا صارفین کی جانب سے مختلف آرا سامنے آرہی ہیں، وہیں فوجی پس منظر رکھنے والی اہم شخصیات نے اس موضوع کو بڑے پردے پر پیش کرنے کے لیے سلمان خان اور فلم سازوں کی کوششوں کو سراہا ہے۔سینا میڈل سے سرفراز اور ملٹری انٹیلی جنس کے سابق افسر میجر مانک ایم جولی نے سوشل میڈیا پر فلم کے ٹریلر پر اپنے خیالات کا اظہار کرتے ہوئے سلمان خان کی تعریف کی۔ انہوں نے کہا کہ انہیں اس بات کی خوشی ہے کہ سلمان خان نے گلوان وادی جیسے اہم اور حساس موضوع پر فلم بنانے کا فیصلہ کیا۔

Just saw the trailer of #Matrubhumi and it’s a banger and all goosebumps…. I completely agree with @Manik_M_Jolly sir that the larger populace need to know the brave stories of our soldiers who have sacrificed themselves for this great nation 🇮🇳 No movies are perfect, no cinematography is perfect but the message need to be understood Kudos to @BeingSalmanKhan for bringing alive the story of Galwan for us all Salute the supreme sacrifices of our brave heroes 🫡 Jai Hind 🇮🇳

— Major Pawan Kumar, Shaurya Chakra (Retd) 🇮🇳 (@major_pawan) November 11, 2026

 میجر جولی کے مطابق فلم میں وی ایف ایکس (Visual Effects) کی خامیوں، سنیما کی ضرورت کے تحت لیے گئے تخلیقی فیصلوں یا فوجی معاملات کی عکاسی میں ممکنہ غلطیوں سے زیادہ اہمیت اس بات کی ہے کہ ملک کے بہادر سپاہیوں کی قربانیوں کی داستان عوام تک پہنچائی جائے۔انہوں نے اپنے پیغام میں لکھا کہ انہیں وی ایف ایکس یا فلمی آزادیوں کی زیادہ پروا نہیں، کیونکہ اصل مقصد ان کہانیوں کو لوگوں کے سامنے لانا ہے۔ کرنل بی سنتوش بابو اور ان کے ساتھیوں نے اس رات جن حالات کا سامنا کیا، وہ کسی بھی کہانی نویس کے تصور سے کہیں زیادہ مشکل اور ہولناک تھے۔ ان فوجیوں نے ملک کی سرحدوں اور آزادی کے تحفظ کے لیے جس غیر معمولی قربانی کا مظاہرہ کیا، اسے نئی نسل تک پہنچانا ضروری ہے۔

یہ بھی پڑھئے:سوئزرلینڈ نے جن فلسطینیوں کو ویزا نہیں دیا، انہی کی داستان آسکر تک پہنچ گئی

میجر جولی نے مزید کہا کہ ہندوستانی فلمی صنعت نے جنگی فلمیں بنانے کے معاملے میں ابھی بہت کچھ سیکھنا ہے۔ ہالی ووڈ نے اس صنف میں نمایاں مہارت حاصل کی ہے اور عالمی سطح پر کئی یادگار فلمیں پیش کی ہیں، لیکن ہندوستان میں بھی ایسی فلمیں بنانے کا سلسلہ جاری رہنا چاہیے۔ ان کے مطابق کوشش اور تجربے کے ذریعے ہی فلم ساز اس شعبے میں بہتر کام کرسکتے ہیں۔ انہوں نے زور دیا کہ حقیقی ہیروز کو عوام کے گھروں تک پہنچانا اور ان کی قربانیوں کو یاد رکھنا ضروری ہے۔ شوریہ چکر سے سرفراز ریٹائرڈ میجر پون کمار نے بھی ’’ماتربھومی‘‘ کا ٹریلر دیکھنے کے بعد اس کی تعریف کی۔ انہوں نے اپنے ردعمل میں کہا کہ ٹریلر دیکھ کر رونگٹے کھڑے ہوگئے اور وہ میجر مانک جولی کے اس خیال سے پوری طرح اتفاق کرتے ہیں کہ عام لوگوں کو ملک کے ان بہادر فوجیوں کی داستانوں سے واقف ہونا چاہیے جنہوں نے وطن کے لیے اپنی جانوں کا نذرانہ پیش کیا۔پون کمار کے مطابق کوئی بھی فلم یا اس کی عکاسی مکمل طور پر بے عیب نہیں ہوسکتی، لیکن اس کے پیغام کو سمجھنا زیادہ اہم ہے۔ انہوں نے سلمان خان اور پوری ٹیم کو گلوان وادی کے واقعے کو پردۂ سیمیں پر پیش کرنے کے لیے مبارکباد دیتے ہوئے فوجیوں کی عظیم قربانیوں کو سلام پیش کیا۔

یہ بھی پڑھئے:نیوزی لینڈ نے پہلے میچ میں ہندوستان کو ۰۔۵؍گول سے شکست دے دی

گلوان وادی کے واقعہ سے متاثر ہے فلم’’ماتربھومی: مے وار ریسٹ اِن پیس‘‘ ۲۰۲۰ء میں مشرقی لداخ کی گلوان وادی میں ہندوستان اور چین کی فوجوں کے درمیان ہونے والے تصادم سے متاثر ہے۔ اس فلم میں سلمان خان کرنل بی سنتوش بابو کا کردار ادا کررہے ہیں، جو اس وقت ۱۶؍ بہار رجمنٹ کی قیادت کررہے تھے۔ فلم میں بلند پہاڑی علاقے کے سخت حالات، فوجیوں کی جدوجہد، ان کے حوصلے اور ملک کے دفاع کے لیے ان کی قربانیوں کو کہانی کا حصہ بنایا گیا ہے۔فلم کی ہدایت کاری اپوروا لاکھیا نے کی ہے، جبکہ اسے سلمان خان فلمز کے بینر تلے سلمیٰ خان نے پروڈیوس کیا ہے۔ فلم میں سلمان خان کے ساتھ چترانگدا سنگھ، ثاقب سلیم، انکور بھاٹیہ، زین شاہ اور ابھلاش چودھری بھی اہم کرداروں میں نظر آئیں گے۔ فلم کی موسیقی ہیمیش ریشمیا نے ترتیب دی ہے۔۴؍ دسمبر کو سینما گھروں میں ریلیز ہوگی۔