آرسنل نے پریمیئر لیگ میں اپنی گرفت مزید مضبوط کرتے ہوئے سنڈر لینڈ کو ہوم گراؤنڈ پر۰۔۳؍گول سے شکست دے دی۔ اس فتح کے ساتھ ہی آرسنل نے مانچسٹر سٹی اور آسٹن ولا پر ۹؍پوائنٹس کی واضح برتری حاصل کر لی ہے۔

آرسنل نے پریمیئر لیگ میں اپنی گرفت مزید مضبوط کرتے ہوئے سنڈر لینڈ کو ہوم گراؤنڈ پر۰۔۳؍گول  سے شکست دے دی۔ اس فتح کے ساتھ ہی آرسنل نے مانچسٹر سٹی اور آسٹن ولا پر ۹؍پوائنٹس کی واضح برتری حاصل کر لی ہے۔ میچ کے ۴۲؍ ویں منٹ میں مارٹن زوبیمینڈی نے لیونڈرو ٹروسارڈ کے پاس پر گول کر کے ٹیم کو برتری دلائی۔ دوسرے ہاف میں متبادل کھلاڑی کے طور پر آنے والے ویکٹر گیوکیرس نے شاندار کھیل کا مظاہرہ کیا اور کائی ہاورٹز کی مدد سے اپنا پہلا اور انجری ٹائم میں دوسرا گول اسکور کر کے ٹیم کی جیت یقینی بنائی۔
چیلسی بمقابلہ وولوز (۱۔۳؍گول) : کول پالمر کی شاندار ہیٹ ٹرک نے چیلسی کو وولور ہیمپٹن کے خلاف فتح دلائی۔ چیلسی نے نئے منیجر لیام روزینیئر کے تحت مسلسل چوتھی جیت حاصل کی ہے۔ آسٹن ولا بمقابلہ بورن مائوتھ (۱۔۱؍گول): آسٹن ولا اور بورن مائوتھ کا مقابلہ برابری پر ختم ہوا۔ مورگن راجرز نے ولا کے لیے گول کیا جبکہ ریان نے بورن مائوتھ کے لیے برابری کا گول داغا۔ ایورٹن بمقابلہ فلہم (۱۔۲): ایورٹن نے فلہم کو ایک سنسنی خیز مقابلے میں شکست دی۔ اس میچ کی خاص بات دو اون گولز  (اپنے ہی گول میں گیند ڈالنا) تھے۔
برینٹ فورڈ نے نیو کیسل کو ۲۔۳؍گول  سے ہرا کر ساتویں پوزیشن حاصل کر لی ہے جبکہ ویسٹ ہیم اور لیڈز یونائٹیڈ نے اپنے اپنے میچز جیت کر ریلیگیشن (نچلے درجے میں جانے) سے بچنے کی امیدیں روشن کر لی ہیں۔ دوسری جانب برنلے کی مشکلات برقرار ہیں جو گزشتہ ۱۶؍ میچوں سے کوئی کامیابی حاصل نہیں کر سکی۔

A super Saturday 🌟

Watch highlights from our 3-0 win over Sunderland 📺 pic.twitter.com/C5bgJP5U69

— Arsenal (@Arsenal) February 7, 2026

مانچسٹر یونائیٹڈ نے ٹوٹنہم کو ۰۔۲؍گول  سے ہرا دیا
مانچسٹر یونائیٹڈ کی شاندار کارکردگی کا تسلسل جاری ہے۔ اولڈ ٹریفورڈ میں کھیلے گئے پریمیئر لیگ کے ایک اہم مقابلے میں یونائیٹڈ نے ٹوٹنہم ہاٹ اسپر کو  ۰۔۲؍گول سے شکست دے کر کیرک کی قیادت میں مسلسل چوتھی جیت درج کی۔ اس فتح کے ساتھ ہی یونائیٹڈ نے ٹاپ فور میں اپنی پوزیشن مزید مستحکم کر لی ہے۔
میچ کا فیصلہ کن موڑ ۲۹؍ ویں منٹ میں آیا جب ٹوٹنہم کے کپتان کرسٹیان رومیرو کو کیسیمیرو پر خطرناک چیلنج کرنے کی پاداش میں ریڈ کارڈ دکھا کر میدان سے باہر بھیج دیا گیا۔ ارجنٹائنی ڈیفنڈر کے لیے یہ سیزن کا دوسرا اور ٹوٹنہم کے کیریئر کا چھٹا ریڈ کارڈ تھا۔ اس اخراج نے ٹوٹنہم کو عددی برتری سے محروم کر دیا، جس کا بھرپور فائدہ یونائیٹڈ نے اٹھایا۔

یہ بھی پڑھئے:فلم ’’بھوت بنگلہ ‘‘طے شدہ تاریخ سے ایک ماہ پہلے ریلیز ہوگی

مانچسٹر یونائیٹڈ کی جانب سے پہلا گول برائن مبیومو نے اسکور کیا، جنہوں نے فرنینڈس اور کوبی مینو کی ایک ہوشیار کارنر اسکیم کا فائدہ اٹھاتے ہوئے گیند کو جال کی راہ دکھائی۔ میچ کے اختتامی لمحات میں کپتان برونو فرنینڈس نے ڈیوگو ڈالو کے کراس پر گول کر کے اپنی ٹیم کی جیت پر مہر لگا دی۔ یہ یونائیٹڈ کے لیے فرنینڈس کا ۲۰۰؍ واں گول کنٹری بیوشن (گول یا اسسٹ) تھا۔

یہ بھی پڑھئے:بارسلونا اور ریئل سوسائیداد کی فتوحات؛ شدید بارش سے لا لیگا کا شیڈول متاثر

مانچسٹر یونائیٹڈ تیسرے نمبر پر موجود آسٹن ولا سے محض ۲؍ پوائنٹس پیچھے ہے اور چھٹے نمبر کی لیورپول پر  ۵؍ پوائنٹس کی برتری حاصل کر لی ہے۔ٹوٹنہم کی ٹیم کے لیے مشکلات برقرار ہیں اور وہ ٹیبل پر ۱۴؍ ویں نمبر پر آ گئی ہے۔ گزشتہ ۱۶؍ میچوں میں ٹوٹنہم کو صرف ۲؍ فتوحات حاصل ہو سکی ہیں۔