ٹائیگر شروف کی فلم ’’باغی ۴‘‘کا ٹریلر ریلیز کردیا گیا ہے جس میں ٹائیگر شروف اور سنجے دت نے کلیدی کردار نبھائے ہیں۔

ساجد ناڈیا والا انٹرٹینمنٹ نے اپنی اگلی فلم ’’ باغی ۴‘‘ کا ٹریلر ریلیز کیا ہےجس میں ٹائیگر شروف، سنجے دت، سونم باجوا اور ہرناز سندھو نے کلیدی کردار نبھائے ہیں۔ یہ ’’باغی فرنچائز‘‘ کے سب سے خطرناک باب میں سے ایک ہے۔ ساجد ناڈیا والا گرینڈ سن انٹرٹینمنٹ کے تلے ریلیز کئے گئے ٹریلر سے اندازہ لگایاجاسکتا ہے کہ فرنچائز کی چوتھی فلم میں جذبے اور شدت کی ایک الگ دنیا بتائی گئی ہے۔ 

Baaghi 4 trailer is here #Baaghi4 #Baaghi4Trailer @duttsanjay @iTIGERSHROFF pic.twitter.com/T95kT8yL2v

— SAHENSHA (@SAHENSHAZ) August 30, 2025

’’باغی ۴‘‘ کی قیادت ٹائیگرشروف کریں گے۔ ٹریلر میں رونی کی ایسی جھلک دکھائی گئی ہے جو مداحوں نےکبھی نہیں دیکھی ہوگی۔ سینٹرل بورڈ آف فلم کلیریفکیشن (سی بی ایف سی) نے’’باغی ۴‘‘ کو ’’اے ‘‘سرٹیفکیٹ دیا ہے۔ رونی کے مدمقابل سنجے دت ہیں جنہوں نے سیریز میں ویلن کا کردار نبھایاہے۔ ٹائیگر شروف نے فلم کا ٹریلر شیئر کرتے ہوئے کیپشن میں لکھا ہے کہ ’’کہانی میں محبت کی شدت دکھائی گئی ہے۔ ہا ہا، یار عاشق ایک ویلن ہے۔ ’’باغی ۴‘‘ کا ٹریلر ریلیز کیا گیا ہے۔‘‘

یہ بھی پڑھئے: عامر خان نے کہا کہ ’’ایکشن فلمیں ہندوستانی سنیما کو ختم کر رہی ہیں‘‘

’’باغی ۴‘‘ کا اسکرین پلے ساجد ناڈیا والا نے لکھا ہے جبکہ اسے اے ہرشا نے ڈائریکٹ کیا ہے۔ یہ فلم ۵؍ ستمبر ۲۰۲۵ء کو سنیما گھروں میں ریلیز ہوگی۔