دوسرے دن باکس آفس پر ’’وار ۲‘‘ کا غلبہ رہا اور رتیک روشن اور جونیئر این ٹی آر کی فلم نے رجنی کانت کو ’’قلی‘‘ کو پچھاڑ دیا۔

یش راج فلمز کی اسپائی یونیورس میں پہلے دن سب سے کم کاروبار کرنے والی رتیک روشن اور جونیئر این ٹی آر کی فلم ’’وار ۲‘‘ نے دوسرے دن رجنی کانت کی ’’قلی‘‘ کو پچھاڑ دیا۔ یوم آزادی پر ’’وار ۲‘‘ کی آمدنی میں ۶۰؍ فیصد کا اضافہ ہوا، اور ریلیز کے دوسرے دن فلم نے ہندی میں ۴۵؍ کروڑ (پہلے دن ۳۰؍ کروڑ) روپے کا کاروبار کیا۔ اس طرح ’’وار ۲‘‘ کا دوسرے دن کا کاروبار کم و بیش ۵۶؍ کروڑ روپے ہے۔ تاہم، یہ اسپائی یونیورس کی دیگر فلموں سے اب بھی پیچھے ہے۔

In Kabir`s world, battles may be won.. but the war goes on.

A character that came to life in 2019, has only fueled my fire as an Actor & Entertainer. Witnessing all your cheers & celebrations in cinema halls, only makes Kabir taller and my heart fuller. Kabir was and always… pic.twitter.com/Is2sSC4uEj

— Hrithik Roshan (@iHrithik) August 16, 2025

یہ بھی پڑھئے:سیف علی خان نے رومانی ہی نہیں کئی پیچیدہ کردار بھی ادا کئے ہیں

دوسری جانب، رجنی کانت کی ’’قلی‘‘ نے پہلے دن کے ۶۵؍ کروڑ روپے کے مقابلے دوسرے دن ۵۳؍ کروڑ روپے کا کاوربار کیا۔ اس طرح مقامی باکس آفس پر ’’وار ۲‘‘ کی آمدنی ۱۱۰؍ کروڑ اور ’’قلی‘‘ کی ۱۲۰؍ کروڑ روپے ہے۔ عالمی سطح پر ’’قلی‘‘ نے ۲۵۰؍ کروڑ روپے سے زائد جبکہ ’’وار ۲‘‘ نے ۱۵۰؍ کروڑ روپے کا کاوربار کیا ہے۔ ماہرین کے مطابق اتوار تک دونوں ہی فلمیں ۳۰۰؍ کروڑ کا ہدف پار کرلیں گی۔