کے پاپ کے عالمی شہرت یافتہ گروپ بی ٹی ایس (BTS) نے گوگل جیمنی کی نئی تشہیری مہم میں بھارتی مداحوں کو ہندی میں مخاطب کرتے ہوئے ’نمستے‘ کہا اور بتایا کہ انہیں مداحوں کی بہت یاد آئی۔ گروپ کے اس خصوصی پیغام کے بعد بھارتی آرمی (ARMY) میں ایک بار پھر بی ٹی ایس کے ممکنہ بھارت دورے کی امیدیں بڑھ گئی ہیں، تاہم گروپ کے باضابطہ ’’اری رینگ ورلڈ ٹور‘‘ کے شیڈول میں فی الحال بھارت شامل نہیں ہے۔

کے پاپ کے معروف گروپ بی ٹی ایس (BTS) نے اپنے ہندوستانی مداحوں کو ’نمستے‘ کہہ کر خوش آمدید کہا اور ہندی میں بتایا کہ انہیں ان کی بہت یاد آئی۔ یہ پیغام گوگل جیمنی (Google Gemini) کی ایک نئی تشہیری مہم کا حصہ ہے، جس کے بعد ایک بار پھر یہ قیاس آرائیاں زور پکڑ گئی ہیں کہ شاید یہ گروپ جلد ہندوستان کا دورہ کرے گا۔ تشہیری مہم کی ویڈیو میں بی ٹی ایس کے تمام سات ارکان آر ایم، جن، شوگا، جے ہوپ، جمن، وی اور جنگ کوک نے ہندوستانی مداحوں کو ہندی میں مخاطب کرکے حیران کردیا۔ ویڈیو میں وہ کہتے ہیں، ’’کیسے ہو آپ؟ ہم نے آپ کو بہت مس کیا۔‘‘

 

 

 

 

 

View this post on Instagram

 

 

 

 

 

 

 

 

 

 

 

A post shared by Google India (@googleindia)

ویڈیو سامنے آنے کے فوراً بعد مداحوں میں یہ قیاس آرائیاں شروع ہوگئیں کہ کیا ہندی میں دیا گیا یہ پیغام بی ٹی ایس کے ہندوستان میں پہلی مرتبہ پرفارم کرنے کا کوئی اشارہ ہے؟ بی ٹی ایس کے ہندوستانی مداحوں میں گروپ کے ہندوستانی آنے کی امید پہلے ہی کافی زیادہ ہے، خاص طور پر اس وقت جب گروپ کے رکن وی اس سے قبل بھی بھارتی مداحوں کو ’نمستے‘ کہہ کر مخاطب کرچکے ہیں۔ تاہم بی ٹی ایس کے باضابطہ ’اری رینگ ورلڈ ٹور‘ (Arirang World Tour) کے شیڈول میں ہندوستان کو شامل نہیں کیا گیا ہے۔ گروپ کے ارکان کی جانب سے ہندوستانی مداحوں کے ساتھ مسلسل خصوصی انداز میں رابطے اور ہندوستان سے متعلق بڑھتی ہوئی قیاس آرائیوں کے باوجود ملک اب بھی بی ٹی ایس کے وسیع عالمی دورے کی فہرست میں شامل نہیں ہے۔ اسی وجہ سے گوگل جیمنی کی تازہ تشہیری مہم نے ہندوستانی آرمی (ARMY) کو جوش و خروش اور محتاط امید کے درمیان تقسیم کردیا ہے۔ مداح یہ سوچ رہے ہیں کہ ہندی میں دیا گیا پیغام محض اشتہاری مہم کا حصہ ہے یا پھر بی ٹی ایس کے ممکنہ ہندوستانی دورے کی جانب ایک اور اشارہ ہے۔

یہ بھی پڑھئے: شرمیلا ٹیگور کے بیان پر کنگنا رناوت کا ردعمل، کہا’’ہندو مسلم ذہنیت سے باہر آئیں‘‘

حال ہی میں بی ٹی ایس نے آئندہ سال ہونے والی گریمی ایوارڈز کی تقریب سے دستبرداری کا اعلان بھی کیا۔ بدھ کو گروپ کے تمام ارکان نے اپنے اپنے انسٹاگرام اکاؤنٹس پر ایک جیسے بیانات جاری کرتے ہوئے یہ فیصلہ سامنے رکھا۔ ارکان نے کہا کہ وہ چاہتے ہیں کہ ان کی موسیقی کو خطے یا زبان کی بنیاد پر تقسیم کیے بغیر سنا اور سراہا جائے۔ بی ٹی ایس کا گریمی ایوارڈز سے دستبردار ہونے کا فیصلہ اس وقت سامنے آیا جب ریکارڈنگ اکیڈمی نے ۶۹؍ ویں گریمی ایوارڈز کے لیے ’’بیسٹ ایشین پاپ میوزک پرفارمنس‘‘ (Best Asian Pop Music Performance) کے نام سے ایک نیا ایوارڈ متعارف کرایا۔ ۶۹؍ ویں گریمی ایوارڈز کی تقریب ۷؍ فروری ۲۰۲۷ء کو منعقد ہوگی۔