اسٹار کھلاڑی لامین یامل کی شاندار گول اسکورنگ اور مارکس راشفورڈ کی بہترین معاونت کی بدولت بارسلونا نے الباسیٹے کو شکست دے کر کوپا ڈیل رے کے سیمی فائنل کے لیے کوالیفائی کر لیا ہے۔ ہانسی فلک کی زیرِ نگرانی بارسلونا نے پورے میچ میں کھیل پر اپنی گرفت مضبوط رکھی اور ایک کے مقابلے میں دو گول سے کامیابی سمیٹی۔

اسٹار کھلاڑی لامین یامل کی شاندار گول اسکورنگ اور مارکس راشفورڈ کی بہترین معاونت کی بدولت بارسلونا نے الباسیٹے کو شکست دے کر کوپا ڈیل رے کے سیمی فائنل کے لیے کوالیفائی کر لیا ہے۔ ہانسی فلک کی زیرِ نگرانی بارسلونا نے پورے میچ میں کھیل پر اپنی گرفت مضبوط رکھی اور ایک کے مقابلے میں دو گول سے کامیابی سمیٹی۔میچ کے آغاز سے ہی بارسلونا نے جارحانہ انداز اپنایا اور گیند پر مکمل کنٹرول حاصل کر لیا۔
 میچ کے ۳۹؍ویں منٹ میں ۱۸؍ سالہ نوجوان اسٹار لامین یامل نے حریف دفاع کو چیرتے ہوئے شاندار گول کیا اور ٹیم کو برتری دلائی۔ یہ رواں سیزن میں کوپا ڈیل رے میں ان کا پہلا اور مجموعی طور پر ۱۴؍واں گول تھا۔ دوسرے ہاف کے ۵۶؍ ویں منٹ میں مارکس راشفورڈ کے بہترین کارنر کِک پر رونالڈ آراوخو نے ہیڈر کے ذریعے گیند کو جال میں پہنچا کر برتری دُگنی کر دی۔
 میچ کے آخری لمحات میں الباسیٹے کے جاوی مورینو نے ۸۷؍ ویں منٹ میں ایک گول کر کے مقابلہ سنسنی خیز بنانے کی کوشش کی، مگر وہ ٹیم کو شکست سے نہ بچا سکے۔مارکس راشفورڈ اگرچہ خود گول کرنے میں ناکام رہے (جبکہ آٹھویں منٹ میں انہیں ایک آسان موقع بھی ملا تھا)، تاہم میچ کے دونوں گولز میں ان کا کلیدی کردار رہا۔
 بارسلونا اور الباسیٹے کی ٹیمیں ۲۰۰۵ء کے بعد پہلی بار کسی باضابطہ میچ میں ایک دوسرے کے مدمقابل آئیں۔اس فتح کے ساتھ ہی بارسلونا کی ٹیم خطاب کی دوڑ میں مزید قریب پہنچ گئی ہے اور اب فٹبال شائقین کو سیمی فائنل کے قرعہ اندازی کا انتظار ہے۔

In case you missed last night`s game 👇 pic.twitter.com/yC4tDOt5eJ

— FC Barcelona (@FCBarcelona) February 4, 2026

انگلش پریمیر لیگ: سندرلینڈ کی برنلے پر یکطرفہ فتح، پوائنٹس ٹیبل پر آٹھویں پوزیشن حاصل
انگلش پریمیئر لیگ  کے ۳۴؍ ویں سیزن میں سندرلینڈ نے شاندار کھیل کا مظاہرہ کرتے ہوئے برنلے کو ۰۔۳؍گول  سے  شکست دے دی۔ اس اہم فتح کے بعد سندرلینڈ نے لیگ میں اپنی ۹؍ویں جیت درج کر لی ہے، جس کے ساتھ ہی وہ پوائنٹس ٹیبل پر آٹھویں نمبر پر آ گئی ہے۔

یہ بھی پڑھئے:شہر ومضافات کے کئی علاقوں میں انہدامی کارروائی

سندرلینڈ کے ہوم گراؤنڈاسٹیڈیم آف لائٹ میں کھیلے گئے اس میچ میں میزبان ٹیم شروع سے ہی حریف پر حاوی رہی۔ میچ کے ۹؍ویں منٹ میں ایکسل توانزیبی نے گول کر کے ٹیم کو ابتدائی برتری دلائی۔۳۲؍ویں منٹ میں حبیب دیارہ نے گیند کو جال کی راہ دکھا کر اسکور ۰۔۲؍گول کر دیا۔ کھیل کے ۷۲؍ویں منٹ میں کیمسڈین تلبی نے تیسرا گول داغ کر برنلے کی واپسی کے تمام راستے بند کر دیے۔ برنلے کی ٹیم پورے میچ کے دوران ایک بھی گول اسکور کرنے میں ناکام رہی۔