شاہد کپور اور ترپتی ڈمری کی فلم کے حوالے سے خوشخبری سامنے آئی ہے۔ بمبئی سٹی سول کورٹ نے فلم ’او رومیو‘ کی ریلیز روکنے کی درخواست مسترد کر دی ہے۔۷؍فروری کو سنائے گئے اس فیصلے کے بعد فلم کی تھیٹر میں ریلیز کا راستہ مکمل طور پر صاف ہو گیا ہے۔

شاہد کپور اور ترپتی ڈمری کی فلم کے حوالے سے خوشخبری سامنے آئی ہے۔ بمبئی سٹی سول کورٹ نے فلم ’او رومیو‘ کی ریلیز روکنے کی درخواست مسترد کر دی ہے۔۷؍فروری کو سنائے گئے اس فیصلے کے بعد فلم کی تھیٹر میں ریلیز کا راستہ مکمل طور پر صاف ہو گیا ہے۔ یہ فیصلہ ایک طویل اور اہم سماعت کے بعد آیا، جس میں عدالت نے تخلیقی اظہار کے بنیادی حقوق اور پرائیویسی کے حقوق کے درمیان توازن قائم کیا۔
مرحوم حسین شیخ کی بیٹی نے درخواست دائر کی تھی۔ انہوں نے الزام لگایا تھا کہ فلم میں ان کے والد کی پرائیویسی اور ساکھ کی خلاف ورزی کی گئی ہے، لیکن عدالت نے اس دعوے کو مسترد کرتے ہوئے کئی اہم نکات بیان کیے۔ عدالت کا کہنا تھا کہ پرائیویسی کا حق ذاتی ہوتا ہے اور کسی شخص کی موت کے بعد یہ حق ختم ہو جاتا ہے۔ اسے خاندان کے افراد وراثت میں نہیں لے سکتے اور نہ ہی کسی فلم یا فن پارے کو روکنے کے لیے استعمال کر سکتے ہیں۔
فلم کو مکمل طور پر تخیلاتی کام قرار دیا گیا۔ فلم میں واضح ڈسکلیمر دیا گیا ہے کہ تمام کردار تخیلاتی ہیں اور کسی حقیقی شخص سے مماثلت محض اتفاق ہے۔ عدالت نے یہ بھی کہا کہ فلم کا اعلان ۲۰۲۴ء کے آخر میں پہلے ہی عوام کے سامنے آ چکا تھا، لیکن درخواست آخری وقت میں، ریلیز کے کچھ دن پہلے دائر کی گئی۔ ایسی صورت میں فلم کو روکنا پروڈیوسرز، فنکاروں اور دیگر متعلقہ افراد کو بھاری مالی نقصان پہنچائے گا۔

یہ بھی پڑھئے:فلم ’’بھوت بنگلہ ‘‘طے شدہ تاریخ سے ایک ماہ پہلے ریلیز ہوگی

عدالت نے مزید کہا کہ درخواست گزار نے خود مالی نقصان کا دعویٰ کیا تھا، یعنی ان کا مبینہ نقصان پیسے کی مد میں معاوضہ دے کر پورا کیا جا سکتا ہے، اس لیے ریلیز پر پابندی لگانے کا کوئی جواز نہیں بنتا۔ فلم کی نمائندگی بار اینڈ بریف ایٹارنیز نے ساجد ناڈیاڈوالا کی جانب سے کی  جبکہ وشال بھردواج کے حق میں سائی کرشنا اینڈ ایسوسی ایٹس نے کام کیا۔

یہ بھی پڑھئے:بارسلونا اور ریئل سوسائیداد کی فتوحات؛ شدید بارش سے لا لیگا کا شیڈول متاثر

’او رومیو‘ ایک رومانٹک ڈرامہ ہے، جسے وشال بھردواج نے ڈائریکٹ کیا ہے۔ فلم کو ساجد ناڈیاڈوالا  پیش کر رہے ہیں اور پروڈکشن ناڈیاڈوالا گرینڈسن انٹرٹینمنٹ کی طرف سے ہے۔ فلم میں شاہد کپور اور ترپتی ڈمری کے علاوہ نانا پاٹیکر، اویناش تیوری، تمنا بھاٹیا اور فریدہ جلال جیسے معروف اداکار اہم کرداروں میں ہیں۔وشال بھردواج کی یہ فلم حسین زیدی  کی کتاب ’مافیا کوئینز آف ممبئی‘ پر مبنی ہے، جس میں شاہد نے مافیا ڈان حسین اُسترا کا کردار ادا کیا ہے۔ ترپتی ڈمری نے سپنا کے کردار اداکیا ہے۔