بالی ووڈ کے طاقتور جوڑی دپیکا پڈوکون اور رنویر سنگھ ایک بار پھر ساتھ نظر آئے، مگر اس بار ایک منفرد انداز میں۔ دونوں نے ابوظہبی ٹورزم کے نئے اشتہار میں عربی لک میں جلوہ گر ہو کر مداحوں کا دل جیت لیا۔ اشتہار میں دپیکا حجاب میں اور رنویر عربی ڈاڑھی میں مشرق وسطیٰ کے حسین مناظر کے درمیان نظر آئے۔

بالی ووڈ کے معروف ستارے دپیکا پڈوکون اور رنویر سنگھ حال ہی میں ابوظہبی کی سیاحت کو فروغ دینے والے ایک نئے اشتہار میں ایک ساتھ دکھائی دیئے۔ اشتہار میں دپیکا خوبصورت حجاب میں نظر آرہی ہیں جبکہ رنویر کی ڈاڑھی روایتی عربی انداز میں ہے۔ دونوں کو ابوظہبی کے دلکش مقامات کے درمیان گھومتے دیکھا جا سکتا ہے۔ اشتہار سامنے آتے ہی مداحوں نے اس پر زبردست ردعمل دیا۔ سوشل میڈیا پر شائقین نے نہ صرف جوڑے کی کیمسٹری کی تعریف کی بلکہ ان کے عربی لک کو بھی بے حد پسند کیا۔
رنویر سنگھ نے یہ ویڈیو اپنے انسٹاگرام اکاؤنٹ پر شیئر کرتے ہوئے لکھا:’’میرا سکون #InAbuDhabi‘‘مداحوں کے تبصروں نے ویڈیو کو وائرل کر دیا۔ ایک صارف نے لکھا:’’ہیپی ڈیپ ویر ڈے!‘‘ جبکہ ایک اور مداح نے کہا:’’سب سے خوبصورت جوڑی اور سب سے خوبصورت لیجنڈز!‘‘ایک مداح نے خوشی کا اظہار کرتے ہوئے لکھا:’’میں نے ہمیشہ آپ دونوں کو عرب لباس میں دیکھنے کا خواب دیکھا تھا، اور آج وہ پورا ہو گیا!‘‘ جبکہ ایک اور نے مزاحیہ انداز میں تبصرہ کیا: ’’دعا کے خوبصورت والدین!‘‘

 

 

 

 

 

View this post on Instagram

 

 

 

 

 

 

 

 

 

 

 

A post shared by Ranveer Singh (@ranveersingh)

یہ بھی پڑھئے:وجے دیوراکونڈا سڑک حادثے میں بال بال بچ گئے، کہا بریانی سب سے مسئلہ حل کرسکتی ہے

دپیکا پڈوکون کے حالیہ پروجیکٹس
دپیکا پڈوکون حال ہی میں اس وقت خبروں میں آئیں جب انہوں نے سندیپ ریڈی وانگا کی فلم ’’اسپرٹ‘‘ اور ناگ اشون کی فلم ’’کالکی ۲‘‘ سے علاحدگی اختیار کی۔ تاہم، وہ فی الحال شاہ رخ خان کے ساتھ فلم ’’کنگ‘‘ میں کام کر رہی ہیں، جس کی شوٹنگ جاری ہے۔

رنویر سنگھ کے آنے والے منصوبے
دوسری جانب رنویر سنگھ کی اگلی فلم آدتیہ دھر کی ’’دھرندر‘‘ ریلیز کیلئے تیار ہے۔ اس کے بعد وہ فرحان اختر کی ہدایت کاری میں بننے والی ’’ڈان ۳‘‘ اور جئے مہتا کی زومبی فلم پر کام شروع کریں گے۔