دپیکا پڈوکون کے علاوہ ہالی ووڈ کے معروف اداکار ٹموتھی شالامے اور مائلی سائرس کو بھی ’’ہالی ووڈ کا واک آف فیم‘‘ میں شامل کیا جائے گا۔

ممبئی:
فلمساز سندیپ وانگا ریڈی کے ساتھ ۸؍ گھنٹے کام کرنے کے تنازع کے بعد دپیکا پڈوکون نے ثابت کردیا ہے کہ وہ در حقیقت ملکہ ہیں۔ انہیں ۲۰۲۶ء کیلئے ’’ہالی ووڈ واک آف فیم‘‘ کیلئے منتخب کیا گیا ہے۔ یہ اعلان لائیو اسٹریم کیا گیا جس کی میزبانی ہالی ووڈ چیمبر آف کامرس نے کی۔ اس طرح دپیکا پڈوکون ہالی ووڈ واک آف فیم میں شامل ہونے والی پہلی ہندوستانی شخصیت بن گئی ہیں۔ اگلے سال یہ اعزاز دپیکا کے ساتھ رشیل میک ایڈمز، اسٹینلی ٹوکی، ڈیمی مور، ٹموتھی شالامے، ریمی ملک، ایملی بنٹ اور مائلی سائرس کو بھی دیا جائے گا۔ دپیکا کا انتخاب عالمی سنیما میں ان کے کرداروں کی وسعت کی نشاندہی کرتا ہے۔

یہ بھی پڑھئے: ’’جاز‘‘ کی ۵۰؍ ویں سالگرہ؛ ۲۹؍ اگست کو عالمی سطح پر ری ریلیز، نیا ٹریلر جاری کیا گیا

اس موقع پر دپیکا پڈوکون نے کہا کہ ’’یہ صرف میرے لئے نہیں بلکہ ملک کیلئے ہے۔‘‘ واضح رہے کہ ۲۰۱۸ء میں دپیکا پڈوکون کو پہلی مرتبہ عالمی شہرت اس وقت حاصل ہوئی تھی جب ان کا نام ٹائمز کی ۱۰۰؍ بااثر شخصیات میں شامل کیا گیا تھا۔ بعد ازیں انہیں ٹائم ۱۰۰؍ کا امپیکٹ ایوارڈ دیا گیا۔ انہوں نے لگژری برانڈ لوئی ویتون کی پہلی ہندوستانی برانڈ ایمبیسیڈر بننے کا اعزاز بھی حاصل کیا ہے۔ کام کے محاذ پر دپیکا پڈوکون ایٹلی کی اگلی فلم میں نظر آئیں گی جس میں ان کے مدمقابل اللو ارجن بھی نظرآئیں گے۔ علاوہ ازیں، وہ شاہ رخ خان کی فلم ’’کنگ‘‘ کا بھی حصہ ہیں۔