رنویر سنگھ کی فلم ’’دھرندھر: دی ریوینج‘‘ نے باکس آفس پر تاریخی کارکردگی جاری رکھتے ہوئے ۱۵؍ ویں دن تک عالمی سطح پر ۱۴۶۶؍ کروڑ روپے کا بزنس کر لیا ہے۔ آدتیہ دھر کی اس ایکشن فلم نے ابتدائی دنوں میں ریکارڈ توڑ کمائی کی، تاہم دوسرے ہفتے میں ۲۷؍ فیصد سے زائد کمی بھی دیکھی گئی۔ اس کے باوجود فلم ہندوستانی سینما کی بڑی کامیاب فلموں میں شامل ہو چکی ہے اور عالمی سطح پر بھی اپنی مضبوط موجودگی برقرار رکھے ہوئے ہے۔

بالی ووڈ کی حالیہ سب سے بڑی کامیابیوں میں شمار ہونے والی فلم ’’دھرندھر: دی ریوینج‘‘ نے باکس آفس پر اپنی مضبوط گرفت برقرار رکھتے ہوئے ۱۵؍ ویں دن ایک اور اہم سنگ میل عبور کر لیا ہے۔ تازہ اعداد و شمار کے مطابق رنویر کی اس فلم نے عالمی سطح پر ۱۴۶۶؍ کروڑ روپے کا بزنس کر لیا ہے، جو اسے حالیہ برسوں کی سب سے کامیاب فلموں میں شامل کرتا ہے۔ ابتدائی مرحلے میں فلم کی کارکردگی غیر معمولی رہی۔ پہلے دن ۱۰۲؍ کروڑ روپے کی کمائی کے ساتھ شاندار آغاز کرنے والی اس فلم نے دوسرے دن ۷۲ء۸۰؍ کروڑ روپے کمائے، جبکہ افتتاحی ویک اینڈ نے مجموعی طور پر ۲۰۰؍ کروڑ روپے کا ہندسہ عبور کر لیا۔ اس مضبوط شروعات نے واضح کر دیا تھا کہ آدتیہ دھر کی یہ فلم باکس آفس پر ایک بڑی طاقت ثابت ہونے والی ہے۔

یہ بھی پڑھئے: ’’رامائن‘‘ ٹیزر پر شدید تنقید، وی ایف ایکس اور کاسٹنگ توقعات کے برعکس

پہلے ہفتے کے دوران فلم نے غیر معمولی استحکام دکھایا، جہاں روزانہ کی کمائی مسلسل ۵۰؍ کروڑ روپے کے قریب رہی۔ اس تسلسل نے فلم کو اپنے پہلے ہفتے کے اختتام تک ۶۳۱؍ کروڑ روپے تک پہنچا دیا، جو ایک متاثر کن کارکردگی سمجھی جا رہی ہے۔ اس دوران فلم نے نہ صرف ملکی سطح پر بلکہ بین الاقوامی مارکیٹ میں بھی مضبوط پوزیشن حاصل کی۔ تاہم دوسرے ہفتے میں داخل ہوتے ہی فلم کی رفتار میں واضح کمی دیکھی گئی۔ رپورٹس کے مطابق مجموعی کمائی میں تقریباً ۶ء۲۷؍ فیصد کمی ریکارڈ کی گئی، جو بڑے بجٹ کی فلموں کیلئے ایک معمول کا رجحان ضرور ہے، لیکن اس کیس میں گراوٹ نسبتاً نمایاں رہی۔ دوسرے پیر کو فلم نے ۳۰ء۲۵؍ کروڑ روپے کمائے، جبکہ بدھ تک یہ تعداد مزید کم ہو کر تقریباً ۲۰؍ کروڑ روپے تک آ گئی۔

یہ بھی پڑھئے: ’’تیری باتوں میں ایسا الجھا جیا ۲‘‘ پر کام شروع، شاہد کریتی کی واپسی متوقع

انڈسٹری ٹریکرز کے مطابق فلم نے ۱۳؍ ویں دن ۲۷ء۷۵؍ کروڑ روپے کمائے، جس کے بعد ہفتے کے وسط میں اس کی کارکردگی مزید سست پڑ گئی۔ بیرون ملک مارکیٹس میں بھی کلیکشن میں کمی دیکھی گئی، جہاں کمائی سنگل ہندسوں تک محدود ہو گئی، جو ابتدائی دنوں کی رفتار کے مقابلے میں خاصی کم ہے۔ اس کے باوجود مجموعی تصویر اب بھی مثبت دکھائی دیتی ہے، کیونکہ فلم پہلے ہی ۱۳۰۰؍ کروڑ روپے کے پریکوئل کو پیچھے چھوڑ چکی ہے اور اب ایک نئی بلند سطح پر پہنچ گئی ہے۔ خاص طور پر شمالی امریکہ میں اس فلم نے ’’باہو بلی ۲: دی کنکلوژن‘‘ کا پرانا ریکارڈ بھی توڑ دیا، جو اس کی عالمی مقبولیت کو ظاہر کرتا ہے۔