پنجابی سپر اسٹار دلجیت دوسانجھ نے اعلان کیا ہے کہ وہ ایک بار پھر The Tonight Show Starring Jimmy Fallon میں نظر آئیں گے۔ دو سال بعد ہونے والی اس واپسی میں وہ اپنے نئے گانے ’’مورنی‘‘ پر پرفارم بھی کریں گے۔

عالمی سطح پر مقبول پنجابی گلوکار اور اداکار دلجیت دوسانجھ ایک بار پھر امریکی ٹی وی کے معروف پروگرام The Tonight Show Starring Jimmy Fallon میں واپسی کے لیے تیار ہیں۔ یہ ان کی پہلی پیشی کے تقریباً دو سال بعد ہو رہا ہے، جس نے بین الاقوامی سطح پر خاصی توجہ حاصل کی تھی۔ ۴۲؍ سالہ فنکار نے انسٹاگرام پر ایک ویڈیو شیئر کرتے ہوئے اپنی واپسی کا اعلان کیا۔ ویڈیو میں وہ نہ صرف شو کے میزبان جمی فالن کو بھانگڑا سکھاتے نظر آتے ہیں بلکہ اپنے مخصوص انداز میں مداحوں سے بھی مخاطب ہوتے ہیں۔

📽️WATCH | Diljit Dosanjh teaches Bhangra steps to Jimmy Fallon as he appeared as guest on The Tonight Show Starring Jimmy Fallon pic.twitter.com/8JWl06oP8F

— The Tatva (@thetatvaindia) April 28, 2026

کلپ کے آغاز میں دلجیت مسکراتے ہوئے کہتے ہیں: ’’کیا لگتا نہیں لوٹیں گے؟‘‘ اس کے بعد وہ مزید کہتے ہیں: ’’کہا تھا نہ کہ ایک بار پنجابی آ جائیں تو چھیٹھی نہیں جاتے… جمی فالن آ گئے اوئے۔‘‘ ویڈیو میں آگے چل کر وہ اپنے نئے ٹریک ’’مورنی‘‘ پر بھانگڑا کرتے بھی دکھائی دیتے ہیں، جس نے مداحوں کا جوش مزید بڑھا دیا۔ دوسری جانب جمی فالن نے بھی شو کے سیٹ سے تصاویر شیئر کرتے ہوئے لکھا کہ ’’آج رات: دلجیت دوسانجھ اپنے البم AURA اور ورلڈ ٹور کے بارے میں بات کریں گے، اور ’’مورنی‘‘ پرفارم کریں گے۔‘‘

یہ بھی پڑھئے: بالی ووڈ کے معروف اداکار بھرت کپور ۸۰؍ برس کی عمر میں چل بسے

دلجیت کی اس واپسی پر مداحوں نے سوشل میڈیا پر زبردست ردعمل ظاہر کیا۔ کئی صارفین نے اسے پنجابی میوزک کی عالمی سطح پر بڑھتی ہوئی مقبولیت کی علامت قرار دیا، جبکہ کچھ نے اسے ’’ہالی ووڈ میں پنجابی نمائندگی‘‘ کا بڑا لمحہ کہا۔ یاد رہے کہ دلجیت نے ۲۰۲۴ء میں اسی شو میں ڈیبیو کیا تھا، جہاں انہوں نے اپنے گانوں ’’G.O.A.T‘‘ اور ’’Born To Shine‘‘ کی شاندار پرفارمنس سے ناظرین کو متاثر کیا تھا۔ سفید دھوتی کُرتا اور پگڑی میں ملبوس ان کی انٹری کو عالمی میڈیا نے بھی خوب سراہا تھا۔

یہ بھی پڑھئے: فلم ’’راجا شیواجی ‘‘ کی ریلیز سے قبل وکی کوشل اور رتیش دیشمکھ کی ملاقات

کام کے محاذ پر، دلجیت حال ہی میں ’’بارڈر ۲‘‘ میں نظر آئے، جس نے عالمی سطح پر تقریباً ۴۰۰؍ کروڑ روپے کا بزنس کیا۔ جلد ہی وہ امتیاز علی کی ’’میں واپس آؤں گا‘‘ میں جلوہ گر ہوں گے، جو ۱۹۴۷ء کی تقسیم کے پس منظر میں ایک محبت کی کہانی بیان کرتی ہے۔ دلجیت کی جمی فالن شو میں واپسی نہ صرف ان کے کریئر کا ایک اور اہم سنگ میل ہے بلکہ یہ بھی ظاہر کرتی ہے کہ ہندوستانی اور پنجابی میوزک عالمی سطح پر مسلسل اپنی جگہ مضبوط کر رہا ہے۔