دلجیت دوسانجھ نے ملائیشیا میں اپنے کنسرٹ کے دوران قومی میڈیا پر طنز اور تنقید کرتے ہوئے کہا کہ میری فلم ’’سردار جی ۳‘‘ کی شوٹنگ آپریشن سندور سے پہلے ہوئی تھی، ایشیاء کپ ابھی ہورہا ہے۔

۲۲؍ اپریل ۲۰۲۵ء کو پہلگام حملے کے بعد ہندوستان اور پاکستان کے درمیان تنازعات حد درجہ کشیدہ ہوگئے۔ اس درمیان دلجیت دوسانجھ اپنی فلم ’’سردار جی ۳‘‘ کے سبب تنازع میں گھر گئے جس میں پاکستانی اداکارہ ہانیہ عامر کے مرکزی کردار ادا کیا ہے۔ فلم کی ریلیز سے قبل فلم فیڈریشن آف انڈیا نے نہ صرف ’’سرادر جی ۳‘‘ بلکہ دلجیت دوسانجھ کے بائیکاٹ کا بھی مطالبہ کیا تھا۔ فلم ہندوستان میں ریلیز نہیں ہوئی مگر اس نے عالمی سطح پر زبردست کامیابی حاصل کی۔

Diljit Dosanjh responds to all the RW trolls during his Malaysia concert. Says, his film with Pakistani actor was shot in February before the Pahalgam attack in April but the Asia Cup matches are being played now. pic.twitter.com/AB9h7t3rN7

— Mohammed Zubair (@zoo_bear) September 25, 2025

دلجیت دوسانجھ نے اپنے حالیہ کنسرٹ میں اس معاملے پر طنز کیا۔ ملائیشیا میں اپنے کنسرٹ میں دلجیت دوسانجھ نے ایک شخص کو ہندوستانی پرچم لہراتے ہوئے دیکھا اور کہا ’’وہ میرے ملک کا پرچم ہے جس کیلئے ہمیشہ احترام رہے گا۔ ‘‘ اس کے بعد انہوں نے کہا کہ ان کی فلم کی شوٹنگ پہلگام حملے سے پہلے ہوئی تھی مگر ایشیاء کپ ۲۰۲۵ء ابھی کھیلا جارہا ہے۔ انہوں نے پنجابی میں کہا کہ ’’جب میری فلم ’’سردار جی ۳‘‘ فروری میں شوٹ ہورہی تھی تو اس وقت میچ کھیلے جارہے تھے۔پہلگام حملوں کے بعد ہم سب چاہتے ہیں کہ دہشت گردوں کو سزا دی جائے۔ اب فرق یہ ہے کہ میری فلم حملے سے پہلے شوٹ ہوئی مگر میچ تو اب بھی کھیلے جارہے ہیں۔ ‘‘

یہ بھی پڑھئے: بیڈز آف بالی ووڈ: رجت بیدی کی جدوجہد، مشکلات اور کم بیک پر گفتگو

میڈیا پر تنقید کرتے ہوئے کہا دلجیت نے کہا کہ ’’قومی میڈیا مجھے غدار وطن بیان میں کرنے میں کوئی کسر نہیں چھوڑ رہا تھا لیکن پنجابی اور سکھ کبھی بھی اپنے ملک کے خلاف نہیں جاسکتے۔ مَیں اتنے مہینوں خاموش رہا، میرے پاس کہنے کو بہت کچھ تھا مگر میں چپ رہا۔ جب بھی کوئی تمہارے بارے میں کچھ برا کہے، اسے اپنے اندر زہر نہیں بننے دو۔ کہنے کو بہت کچھ ہے مگر میں خاموش رہنا چاہتا ہوں۔ ‘‘خیال رہے کہ دلجیت دوسانجھ نے سنی دیول کی ’’بارڈر ۲‘‘ کی شوٹنگ مکمل کرلی ہے جو اگلے سال ریلیز ہوگی۔