شعیب ابراہیم نے بتایا کہ علاج کے دوسرے دن، دیپیکا کی زبان پر ہلکے چھالے پڑ گئے۔ دیپیکا کا کہنا ہے کہ ڈاکٹر نے انہیں پہلے ہی چھالوں کے بارے میں خبردار کیا تھا اور زیادہ پانی پینے کی ہدایت دی تھی۔

اداکارہ دیپیکا ککڑ، جنہوں نے مئی ۲۰۲۵ء میں جگر کے سرطان کے دوسرے اسٹیج کی تشخیص کا انکشاف کیا تھا، نے حال ہی میں ۱۴ گھنٹے جاری رہنے والے آپریشن کے بعد ٹارگیٹڈ تھیراپی شروع کی ہے جس کا مقصد ٹیومر کو ہٹانا ہے۔ اداکارہ کے شوہر شعیب ابراہیم نے بتایا کہ یہ سفر ان کے خاندان کیلئے بہت مشکل ہے۔ شعیب نے اپنے ولاگ میں کہا کہ آج سے دیپیکا کا ٹارگیٹڈ تھیراپی کے ذریعے علاج شروع ہوا ہے۔ یہ پہلا دن ہے اور اب تک وہ ٹھیک محسوس کر رہی ہیں۔ دیپیکا نے واضح کیا کہ وہ تھکاوٹ محسوس کر رہی تھیں کیونکہ انہوں نے سارا دن اپنے بیٹے روحان کے ساتھ باہر گزارا تھا۔ 

اگلے دن، شعیب نے مزید بتایا کہ آج علاج کا دوسرا دن ہے۔ دیپیکا کی زبان پر ہلکے چھالے پڑ گئے ہیں۔ دیپیکا نے جواب دیا کہ ”ڈاکٹر نے انہیں پہلے ہی چھالوں کے بارے میں خبردار کیا تھا اور زیادہ پانی پینے کی ہدایت دی تھی، تو میں وہی کروں گی، مجھے یقین ہے کہ یہ ٹھیک ہو جائے گا۔“ اس سے قبل، دیپیکا نے اپنے مداحوں کو بتایا تھا کہ سرجری کے بعد، اچانک سب کچھ میرے لئے بدل گیا ہے۔ میں صرف دعا کرتی ہوں کہ میرا جسم اس علاج کو مستقبل میں بھی اسی طرح برداشت کر سکے جیسے اب تک کرتا آیا ہے، کیونکہ ہر چیز کے ضمنی اثرات ہوتے ہیں اور مجھے یقین ہے کہ اس کے بھی ہوں گے۔

یہ بھی پڑھئے: ہنی سنگھ نے پہلی بار ٹیٹو بنوایا، ’’تیسرا ٹیٹو‘‘ اے آر رحمان کے نام

جگر کے سرطان کے تناظر میں اورل ٹارگیٹڈ تھیراپی کیا ہے؟

آشا اسپتال اور ریسرچ سینٹر کے بانی اور سینئر اونکولوجسٹ ڈاکٹر سری ناتھ کے مطابق، اورل ٹارگیٹڈ تھیراپی، علاج کی ایک ایسی شکل ہے جو جگر کے کینسر کی نشوونما میں شامل مخصوص جینیاتی مارکرز یا پروٹینز کی بنیاد پر خاص طور پر کینسر کے خلیوں پر حملہ کرتی ہے۔ روایتی کیموتھراپی، جو صحت مند اور کینسر والے دونوں خلیوں کو متاثر کرتی ہے، کے برعکس ٹارگیٹڈ تھراپی کو عام خلیوں کو زیادہ نقصان سے بچانے کیلئے ڈیزائن کیا گیا ہے۔ یہ علاج کو زیادہ درست اور مریضوں کیلئے اکثر زیادہ قابل برداشت بناتی ہے۔ منہ کے چھالے، اس تھیراپی کا ایک ضمنی اثر ہو سکتے ہیں، جنہیں سنبھالنے میں عام طور پر اچھے زبانی حفظان صحت، ہلکے اور الکحل سے پاک ماؤتھ رنس کا استعمال اور بعض اوقات دوائیوں والے جیل کا استعمال شامل ہوتا ہے تاکہ متاثرہ علاقے کو تسکین ملے۔ زیادہ پانی پینا، مسالہ دار یا تیزابی غذاؤں سے پرہیز اور باقاعدگی سے دانتوں کی دیکھ بھال بھی اس سلسلے میں مددگار ہے۔