دیوالی ۲۰۲۵ء پر باکس آفس پر ہرش وردھن رانے کی ’’ایک دیوانے کی دیوانیت‘‘ اور آیوشمان کھرانہ کی ’’تھاما‘‘ ٹکرائیں گی۔

’’صنم تیری قسم‘‘ کی ری ریلیز اور اس کی بلاک بسٹر کامیابی کے بعد ہرش وردھن رانے نے اپنی نئی فلم ’’ایک دیوانے کی دیوانیت‘‘ کا اعلان کیا تھا جس کے متعلق کہا گیا ہے کہ یہ شدید محبت کی ایک کہانی ہے جس میں سونم باجوہ ہیروئن کا کردار ادا کررہی ہیں۔ حال ہی میں فلمساز نے فلم کا پہلا پوسٹر جاری کیا ہے جس میں ہرش ثردھن اور سونم موم بتی کی روشنی میں نظر آرہے ہیں۔پوسٹر میں فلم کی ریلیز تاریخ ۲۱؍ اکتوبر بتائی گئی ہے۔ 

یہ بھی پڑھئے: ’’بیڈز آف بالی ووڈ‘‘ پریویو تقریب: آرین خان کی پہلی تقریر، نروس نظر آئے

اس پوسٹر کو انسٹاگرام پر جاری کرتے ہوئے ہرش وردھن رانے نے لکھا کہ ’’اس دیوالی دیئے نہیں، دل بھی جلیں گے۔ محبت سے ٹکرائے گی نفرت، آگ لگائے گی دیوانوں کی دیوانیت!‘‘ خیال رہے کہ فلم کا ٹیزر ۲۲؍ اگست کو ریلیز ہوگا۔ اعلان کے مطابق یہ فلم باکس آفس پر دیوالی پر آیوشمان کھرانہ اور رشمیکا مندانا کی ویمپائر والی فلم ’’تھاما‘‘ سے ٹکرائے گی۔
’’ایک دیوانے کی دیوانیت‘‘ کے ہدایتکار ملاپ ملن زویری ہیں جبکہ ’’تھاما‘‘ میڈوک ہارر کامیڈی یونیورس کی پانچویں فلم ہے۔ اس سے قبل اس کائنات سے ’’استری‘‘، ’’بھیڑیا‘‘، ’’منجیا‘‘ اور ’’استری ۲‘‘ ریلیز ہوچکی ہیں۔