سنیما گھروں میں نمائش اور ڈیجیٹل لانچ کے بعد، چھترپتی شیواجی مہاراج کی زندگی پر مبنی شاندار فلم’’راجا شیواجی‘‘ کا ٹیزر اب ملک بھر کے ناظرین کے لیے نیشنل ٹیلی ویژن پر پیش کیا جائے گا۔

سنیما گھروں میں نمائش اور ڈیجیٹل لانچ کے بعد، چھترپتی شیواجی مہاراج کی زندگی پر مبنی  شاندار فلم’’راجا شیواجی‘‘ کا ٹیزر اب  ملک بھر کے ناظرین کے لیے نیشنل ٹیلی ویژن پر پیش کیا جائے گا۔ یہ ٹیزر پہلی بار ‘بگ باس مراٹھی’ کے دوران نشر ہوگا، جسے رتیش  دیشمکھ ہوسٹ کر رہے ہیں، جس سے یہ پہلے سے ہی مقبول ٹائم سلاٹ اور بھی خاص بن جائے گا۔
ٹیزر کی پہلی جھلک رات ۸؍ بجے کلرز مراٹھی پر دکھائی جائے گی، جبکہ جیو ہاٹ اسٹار پر اس کی بیک وقت اسٹریمنگ بھی ہوگی، تاکہ ہر جگہ کے ناظرین اس خاص لمحے کا حصہ بن سکیں۔’’راجا شیواجی‘‘ چھترپتی شیواجی مہاراج کی زندگی کو ایک زندہ وراثت کے طور پر پیش کرتی ہے۔ اس فلم کی ہدایت کاری رتیش دیشمکھ نے کی ہے، جو اس میں مرکزی کردار بھی ادا کر رہے ہیں۔ مراٹھی سنیما میں پہلے کبھی نہ دیکھے گئے شاندار پیمانے پر بنائی گئی یہ فلم ایک ایسے عظیم شخصیت کی کہانی کو نئے انداز میں پیش کرنے کی کوشش ہے، جن کی زندگی اور وراثت آج بھی نسلوں کو متاثر کرتی ہے۔ مہاراشٹر کے مختلف مقامات پر فلمائی گئی اس فلم میں مضبوط اسٹار کاسٹ شامل ہے اور یہ ان کی زندگی کے اہم مراحل کے ساتھ ساتھ ان کے خیالات اور نظریات پر بھی روشنی ڈالتی ہے۔ بہت سے لوگوں کے لیے یہ ٹیزر اس کہانی کی پہلی جھلک ہے، جسے وہ بچپن سے سنتے آئے ہیں اور جو آج بھی اتنی ہی معنی خیز ہے۔ بگ باس مراٹھی پر اسے پیش کرنے کا فیصلہ اس کہانی کو براہ راست لوگوں کے گھروں تک پہنچاتا ہے۔

یہ بھی پڑھئے:جھانوی کپور فوٹوگرافرس پر برہم، کہا : آپ کو حد سے باہر نہیں جانا چاہئے

 شاندار سنیماٹک پیمانے پر بنائی گئی’’راجا شیواجی‘‘ میں ہائی آکٹین ایکشن، بھرپور ورلڈ بلڈنگ اور بہترین تکنیکی معیار دیکھنے کو ملے گا۔ مشہور موسیقار جوڑی اجے اتُل کا موسیقی اور بین الاقوامی شہرت یافتہ سنتوش سیون کی سنیماٹوگرافی اس فلم کو ایک شاندار بصری اور جذباتی تجربہ بناتی ہے۔ رتیش دیشمکھ کی قیادت میں اس فلم میں سنجے دت، ابھیشیک بچن، ودیا بالن، مہیش مانجریکر، سچن کھیڈیکر، بومن ایرانی، بھاگیہ شری، فردین خان، جتندر جوشی، امول گپتے اور جنیلیا دیشمکھ جیسے فنکار شامل ہیں۔

یہ بھی پڑھئے:نائٹ رائیڈرز کو واپسی کی تلاش، پنجاب کنگز فتوحات کی ہیٹ ٹرک کے لیے تیار

جیو اسٹوڈیوز کی پیشکش اور جیوتی دیشپانڈے و جنیلیا دیشمکھ کی جانب سے ممبئی فلم کمپنی کے بینر تلے تیار کی گئی ’’راجا شیواجی‘‘ یکم مئی ۲۰۲۶ء کو دنیا بھر کے سنیما گھروں میں مراٹھی، ہندی اور تیلگو زبانوں میں ریلیز ہوگی۔ یہ فلم بھارتی تاریخ کو شاندار انداز، جذبات اور اعلیٰ پیشکش کے ساتھ ایک نئے دور میں لے جانے کا وعدہ کرتی ہے۔