ہانیہ عامرنے ہندوستانی حکومت کے چند پاکستانی اداکاروں کے انسٹاگرام اکاؤنٹس بلاک کرنے کے بعد مبینہ طور پر اپنے ہندوستانی مداحوں کیلئے ایک نیا انسٹاگرام اکاؤنٹ بنایا ہے۔ ان کے اس اقدام کے بعد ان کے پاکستانی مداح شدید برہم ہیں۔

پاکستانی اداکارہ ہانیہ عامر نے ہندوستانی حکومت کے متعدد پاکستانی اداکاروں کے انسٹاگرام اکاؤنٹس بلاک کرنے کے بعد مبینہ طور پر اپنے ہندوستانی مداحوں کیلئے ایک نیاانسٹاگرام اکاؤنٹ بنایا ہے جس کے بعد ان کے پاکستانی مداح ان پر شدید برہم ہیں۔ ہانیہ عامر پر غصہ کرتے ہوئے ایک سوشل میڈیا صارف نے لکھا کہ ’’ مجھے بہت برا لگ رہا تھا کہ ہانیہ عامر کو ہندوستانیوں سے اتنی نفرت کا سامنا کرنا پڑ رہا تھا اور میں نے ان کا دفاع بھی کیا تھا۔ لیکن انہوں نے مبینہ طور پر اپنے ہندوستانی مداحوں کیلئے انسٹاگرام اکاؤنٹ بنایا۔ کیا آپ نے ان کے اکاؤنٹ پر ان کی پوسٹ دیکھی ہے۔ وہ صرف ایک ’’کلاؤٹ چیزر‘‘ (وہ شخص جو سوشل میڈیا کے ذریعے شہرت حاصل کرنے کا خواہشمند ہو) اور شہرت کی بھوکی ہیں۔ ان کے نزدیک نہ ہی اپنے ملک اور نہ ہی اپنی کوئی عزت ہے۔‘‘ 

یہ بھی پڑھئے: وراٹ کوہلی کے حادثاتی ’لائیک‘ سے انسٹاگرام پر اونیت کور کے فالوورز میں اضافہ

دوسرے سوشل میڈیا صارف نے کمینٹ کیا ہے کہ ’’ہانیہ عامر نے نیا انسٹاگرام اکاؤنٹ بنایا ہے۔ وہ ہندوستانی مداحوں کے ویوز کی بھوکی ہے جو شرمندگی کی بات ہے۔‘‘ کام کے محاذ پر ہانیہ عامر دلجیت دوسانجھ کی فلم ’’ سردار جی ۳‘‘ میں نظر آنے والی تھیں لیکن ’’پہلگام دہشت گردانہ حملے‘‘ کے بعد انہیں فلم سے ہٹا دیا گیا ہے۔