ہندوستان کا۵۶؍ واں بین الاقوامی فلم فیسٹیول اس وقت گوا میں جاری ہے۔ فیسٹیول میں کلاسک بالی ووڈ فلمیں دکھائی جا رہی ہیں۔ ہدایتکار مظفر علی کی فلم ’’امراؤ جان‘‘ بھی نمائش کے لیے پیش کی گئی اور ہدایت کار نے اسکریننگ پر ردعمل کا اظہار کیا۔

بین الاقوامی فلم فیسٹیول آف انڈیا(اِفّی ۲۰۲۵ء)    ۲۰؍ نومبر کو گوا میں شروع ہوا۔ یہ میلہ ۲۸؍ نومبر ۲۰۲۵ءتک جاری رہے گا۔ اس دوران ہندوستان اور بیرون ملک فلموں کی نمائش کا سلسلہ جاری ہے۔ اس باوقار فلم فیسٹیول میں بالی ووڈ کے کئی پرانے کلاسک بھی شامل کیے گئے ہیں۔ ہدایت کار مظفر علی نے فیسٹیول میں ’’امراؤ جان‘‘ کی نمائش پر خوشی کا اظہار کیا۔

’’امراؤ جان‘‘ کی نمائش پر خوشی کا اظہارمظفر علی نے خبر رساں ایجنسی پی ٹی آئی کے ساتھ    امراؤ جان  کی  نمائش کے بارے میں بات کی اور اداکارہ ریکھا کے ساتھ کام کرنے کا اپنا تجربہ بھی شیئر کیا۔ فلمساز اور فیشن ڈیزائنر مظفر علی نے کہا کہ ’’فلم کی  نمائش شائقین اور لوگوں کے درمیان دوبارہ جڑنے کی طرح ہے۔ اگرچہ یہ فلم  ۱۹۸۱ء میں ریلیز ہوئی تھی، لیکن یہ آج بھی لوگوں کو اسی تازگی کے ساتھ جوڑتی ہے۔ اس کی دوبارہ ریلیز میرے لیے بھی اچھی بات ہے۔ ‘‘

یہ بھی پڑھئے:اسٹیل انڈسٹری کو راحت، ۵۵؍ آئی ایس معیارات کا نفاذ مؤخر

ریکھا کے ساتھ کام کرنے کا آپ کا تجربہ کیسا رہا؟ریکھا کے ساتھ کام کرنے کی آپ کی یادوں کے بارے میں پوچھے جانے پر، انہوں نے کہا کہ ’’ان کا جوش و جذبہ حیرت انگیز ہے۔ ان کا کردار، اس کی روح حیرت انگیز ہے۔ انہوں نے یہ کردار بہت زبردست طریقے سے ادا کیا۔‘‘ اس فلم میں نمائش کے لیے جن کلاسک فلموں کا انتخاب کیا گیا ان میں امراؤ جان  اور مظفر علی کی گمان  شامل ہیں۔ ۸۱؍ ممالک کی ۲۴۰؍ سے زیادہ فلمیں اِفّی میں نمائش کے لیے پیش کی جائیں گی۔ اس سال بالی ووڈ کی متعدد کلاسک فلموں کی خصوصی اسکریننگ طے کی گئی ہے۔ ریکھا کی اداکاری والی فلم ’’امراؤ جان‘‘ کے علاوہ، گرو دت کی ’’پیاسا‘‘ اور رتوک گھاٹک کی ’’سوورناریکھا‘‘ سمیت تقریباً دس بحال شدہ کلاسک فلمیں دکھائی جائیں گی۔ ’’امراؤ جان‘‘ ۲۱؍ نومبر کو نمائش کے لیے پیش کی گئی۔