حالیہ انٹرویو میں کبیر خان نے کہا کہ اگر عامر خان اور اکشے کمار ۸؍ گھنٹہ کام کرسکتے ہیں تو دپیکا کیوں نہیں؟ ہر اداکار کو کام اور اپنی ذاتی زندگی میں توازن رکھنا چاہئے۔ دپیکا پڈوکون کی مانگ ناجائز نہیں تھی۔

ہدایتکار سندیپ ریڈی وانگا کے ساتھ ان کے ۸؍ گھنٹے کام کی شفٹ کے مطالبے پر ان کے مبینہ طور پر ہونے والے تنازع کے درمیان فلمساز کبیر خان دپیکا پڈوکون کی حمایت میں سامنے آئے ہیں۔ موویفائیڈ سے بات کرتے ہوئے کبیر نے دپیکا کے موقف کی حمایت کی اور انکشاف کیا کہ عامر خان اور اکشے کمار جیسے صنعت کار بھی اسی طرح کے معمولات کی پیروی کرتے ہیں۔ انہوں نے فلم کے سیٹ پر کام اور ذاتی زندگی کے توازن کی ضرورت پر زور دیا۔ انہوں نے کہا کہ ’’میں ایک سیٹ پر ۵۰۰؍ لوگوں کے ساتھ کام کرتا ہوں۔ ہر ایک کا ایک خاندان ہے اور کام کے علاوہ بھی ان کی زندگی ہے۔ دماغی صحت اور کارکردگی اتنی ہی اہم ہے۔ ‘‘انہوں نے دپیکا کے ۸؍ گھنٹے کے کام کے دن کے مطالبے کو ’’منصفانہ نقطہ‘‘ قرار دیا۔

یہ بھی پڑھئے:ٹام کروز کی ’’مشن: امپاسبل‘‘ ہندوستان میں ۱۰۰؍ کروڑ کلب میں شامل ہونے کے قریب

انہوں نے مزید کہا کہ ’’عامر خان ۸؍ گھنٹے کی شفٹ میں کام کرتے ہیں اور اکشے کمار بھی۔ تو میں نہیں سمجھتا کہ دپیکا کو یہ سہولت نہ دی جائے۔‘‘ کبیر نے یہ بھی کہا کہ وہ اوور ٹائم سے گریز کرتے ہیں، شوٹنگ کے اوقات کو محدود کرتے ہیں، اور ہفتے کے ساتویں دن کبھی کام نہیں کرتے۔ یہ بنیادی اصول ہیں۔‘‘ دپیکا کی جانب سے ’’اسپرٹ‘‘ کیلئے ۲۵؍ کروڑ روپے کی فیس کی مانگ پر کبیر نے مرد اداکاروں کی زیادہ فیس کے بارے میں بھی بات چیت کی۔ انہوں نے کہا کہ اس طرح کے مفروضوں کو اکثر غلط سمجھا جاتا ہے اور ’’اسٹار پاور‘‘ کی اہمیت پر زور دیا جاتا ہے۔ جو کوئی بھی ناظرین کو سنیما گھر تک لاتا ہے، چاہے وہ اداکار ہو، ہدایتکار ہو، مرد ہو یا عورت، وہ اپنی فیس کے مستحق ہیں۔ دپیکا کے نام پر ہجوم سنیما گھروں میں آتا ہے اس لئے انہوں نے اپنی فیس بڑھائی ہے۔ ‘‘
کبیر نے یہ کہتے ہوئے بات کا اختتام کیا کہ ہر اداکار کو پیشہ ورانہ حدود طے کرنے کا حق ہے۔ اگر کوئی فلمساز راضی نہیں ہوتا، تو ان کے پاس ایک معقول وجہ ہونی چاہئے۔ یہ اتنا ہی آسان ہے۔‘‘ کام کے محاذ پر دپیکا، ایٹلی اور اللو ارجن کی آنے والی فلم میں شامل ہیں۔