’’لاک اپ: سچ یا سزا سیزن ۲‘‘ کے آغاز کے چند ہی دن بعد، ریئلیٹی شو میں گھر کے اندر ڈرامے کا آغاز ہو چکا ہے۔تمام ۱۵؍ امیدواروں نے ایک ساتھ رہنا شروع کر دیا ہے۔

’’لاک اپ: سچ یا سزا سیزن ۲‘‘ کے آغاز کے چند ہی دن بعد، ریئلیٹی شو میں گھر کے اندر ڈرامے کا آغاز ہو چکا ہے۔تمام ۱۵؍ امیدواروں نے ایک ساتھ رہنا شروع کر دیا ہے جبکہ میزبان فرح خان اور رتیش دیش مکھ نے ہر قیدی کو اس کی شخصیت کے مطابق ایک شناخت دی اور دوسرے ہی دن پہلا ٹاسک بھی متعارف کرا دیا۔ اب شو کے بنانے والوں  نے ایک اور بڑا موڑ سامنے لاتے ہوئے اعلان کیا ہے کہ کنگنا رناوت شو میں خصوصی شرکت کریں گی۔
کنگنا رناوت کی ’’لاک اپ ۲‘‘ میں واپسی
کنگنا اس ہفتے کے اختتام پر  جنتا کی آواز  کے کردار میں لاک اپ میں داخل ہوں گی۔ اس کردار کا مقصد مقابلہ کرنےوالوں اور ناظرین کے درمیان ایک مضبوط رابطہ قائم کرنا ہے، جب کہ تمام شرکا اپنی اصلاح اور نجات کے سفر سے گزر رہے ہوں گے۔ ان کی آمد شو کی پہلی برطرفی  کے موقع پر ہوگی، جس سے یہ سوال پیدا ہو گیا ہے کہ آیا وہ قیدیوں کے لیے راحت کا پیغام لائیں گی یا ایسا سخت فیصلہ سنائیں گی جو کھیل کا رخ بدل دے۔
اپنے جوش و خروش کا اظہار کرتے ہوئے کنگنا نے کہا ’’یہ شو ہمیشہ اپنی سچائی کو قبول کرنے کے بارے میں رہا ہے، چاہے وہ کتنی ہی تکلیف دہ کیوں نہ ہو۔ اس ہفتے لاک اپ: سچ یا سزا کی پہلی برطرفی کے موقع پر فرح اور رتیش کے ساتھ بطور جیوری یا جنتا کی آواز  شامل ہو رہی ہوں، تو بس اتنا کہوں گی کہ ہر فیصلے کی ایک قیمت ہوتی ہے! ‘‘

یہ بھی پڑھئے:تیل کمپنیوں نے اے ٹی ایف کی قیمتوں میں تقریباً ۵؍ روپے فی لیٹر کی کمی کی

 ایکتا کپور نے کنگنا کے میزبان نہ بننے کی وجہ بتائی
ممبئی میں ’’لاک اپ: سچ یا سزا‘‘ کی لانچ تقریب کے دوران شو کی تخلیق کار ایکتا کپور نے بتایا کہ کنگنا اس بار میزبان کے طور پر واپس کیوں نہیں آئیں۔ انہوں نے کہا’’ شو کا پورا فارمیٹ، اس کا وژن اور جیلر-جج کا انداز مکمل طور پر بدل دیا گیا ہے۔ اصل شو کی تقریباً کوئی چیز برقرار نہیں رکھی گئی۔ نہ جیلر، نہ میزبان۔ اگر ہم پرانی چیزوں کو برقرار رکھتے تو برانڈنگ کو نئی اور تازہ پیشکش دینا ممکن نہ ہوتا۔ مجھے یقین ہے کہ کنگنا اس بات کو سمجھ گئی ہوں گی۔ 
ایکتا کپور نے نیٹ فلکس پر شو کی پیشکش کے حوالے سے بھی بات کی۔ ان کا کہنا تھا’’ برسوں کے دوران میں نے کئی ٹی وی شوز بنائے، لیکن ’’لاک اپ: سچ یا سزا‘‘ اپنی نوعیت کا منفرد پروگرام ہے۔ یہ لوگوں سے تمام نقاب اور آسائشیں چھین لیتا ہے اور انہیں ایسے ماحول میں رکھتا ہے جہاں ہر فیصلہ، ہر رشتہ اور ہر راز کے نتائج ہوتے ہیں۔ جب آپ بیرونی دنیا سے مکمل طور پر کٹ جاتے ہیں تو چھپنے کی کوئی جگہ نہیں رہتی۔ یہ صرف ایک ریئلیٹی شو نہیں بلکہ ایک سماجی تجربہ ہے، جو تفریح، ڈرامے اور حیرت انگیز موڑ سے بھرپور ہے۔ نیٹ فلکس پر اس کی پیشکش ہمیں اسے پہلے سے کہیں بڑے پیمانے پر نئے انداز میں پیش کرنے کا موقع فراہم کرتی ہے۔

یہ بھی پڑھئے:فیفا ورلڈ کپ :میکسیکو نے ۴۰؍ سال بعد ناک آؤٹ مرحلے میں کامیابی حاصل کر لی

’’ لاک اپ۲‘‘ کے بارے میں
 اس نئے سیزن میں معروف اداکار، ٹیلی ویژن شخصیات اور سوشل میڈیا انفلوئنسرز ایک ہی جیل میں بطور  قیدی  بند ہیں۔ امیدواروں  میں سنیتا آہوجا، رام کپور، شیوانگی جوشی، آکانکشا چودھری، ہرشد چوپڑا، یوگیش راوت، ریاض علی، دھیراج دھوپر، شریا کلرا، آکانکشا چمولہ، سریشٹھا ایّر اور صوفی موتی والا شامل ہیں۔ بیرونی دنیا سے مکمل طور پر الگ تھلگ اور روزمرہ کی سہولتوں سے محروم یہ تمام شرکا سخت مقابلوں، مشکل ٹاسکس، حکمتِ عملی پر مبنی اتحاد اور کڑے فیصلوں کا سامنا کریں گے، کیونکہ ایک غلط قدم پورے کھیل کا نقشہ بدل سکتا ہے۔