منوج باجپائی کی کرائم تھریلر فلم ’’انسپکٹر زینڈے‘‘ ۵؍ ستمبر ۲۰۲۵ء کو نیٹ فلکس پر ریلیز ہوگی۔ اس فلم میں جرم سربھ نے مجرم کارل بھوج راج کا کردار نبھایا ہے۔

منوج باجپائی نے نیٹ فلکس فلم ’’انسپکٹر زینڈے‘‘ میں پولیس آفیسر انسپکٹر زینڈے کا کردار نبھایا ہے جنہیں انٹرپول کے مجرم کارل بھوج راج (جم سربھ)کو پکڑنے کا ٹاسک دیا گیا ہے۔ نیٹ فلکس نے انسٹاگرام پر فلم کا پوسٹر شیئر کرتے ہوئے کیپشن میں لکھا ہے کہ ’’چور پولیس کا کھیل اب ہوگا شروع۔ انسپکٹر زینڈے اپنی ڈیوٹی پر واپس آرہے ہیں۔ منوج باجپائی اور جم سربھ کی انسپکٹر زینڈے ۵؍ ستمبر کو نیٹ فلکس پر دیکھئے۔‘‘

Jim Sarbh and Manoj Bajpayee found guilty of another fire performance 🥰

Watch Inspector Zende, out 5 September, only on Netflix.#InspectorZendeOnNetflix pic.twitter.com/GZHXmKPZEy

— Netflix India (@NetflixIndia) August 7, 2025

چمنے ڈی منڈلیکر کی ہدایتکاری میں بنی اس سیریز میں انسپکٹر زینڈے انٹرپول کے سب سے مطلوب مجرم کارل بھوج راج کو پکڑتے ہوئے نظر آئیں گے جو ۳۲؍ قتل کے لئے ذمہ دار ہے۔ بھوج راج مبینہ طور پر جیل سے بھاگنے کے بعد گوا میں چھپا ہوا ہے۔ ۱۵؍ سال پہلے انسپکٹر زینڈے نے بھوج راج کو پکڑ کر شہرت حاصل کی تھی اوراب بھوج راج کے دوبارہ بھاگ جانے کے بعد انہیں ہی اسے ڈھونڈنے کا ٹاسک دیا گیا ہے۔ ۵؍ ستمبر کو ریلیز ہونے والی اس فلم کو جے شیوکرمانی اور اوم راؤت پروڈیوس کریں گے۔

یہ بھی پڑھئے: ’’وار ۲‘‘ میں رتیک روشن اور جونیئر این ٹی آر میں رقص کا مقابلہ، ’’جنابِ عالی‘‘ کا ٹیزر جاری

کام کے محاذ پر آخری مرتبہ منوج باجپائی کو کانو بہل کی فلم ’’ڈسپیج ‘‘ میں دیکھا گیا تھا۔ ۵۶؍ سالہ اداکار نے امیزون پرائم ویڈیو کی مشہور اسپائی تھریلر سیریز ’’دی فیملی مین‘‘ کے سیزن ۳؍ میں بھی اداکاری کی تھی۔ علاوہ ازیں جم سربھ آخری مرتبہ شیکھر کمولا کی فلم ’’کبیرا‘‘ میں نظر آئے تھے۔