ہندوستان کا مالیاتی دارالحکومت ممبئی ہمیشہ سے اپنی تیز رفتار زندگی اور گلیمر کے لیے جانا جاتا ہے۔ حالیہ برسوں میں، ممبئی میں ہوا کا معیار مسلسل خراب ہوتا جا رہا ہے، جس سے لوگوں کے لیے روز مرہ کی زندگی مشکل ہوتی جا رہی ہے۔

 ہندوستان کا مالیاتی دارالحکومت ممبئی ہمیشہ سے اپنی تیز رفتار زندگی اور گلیمر کے لیے جانا جاتا ہے۔ حالیہ برسوں میں، ممبئی میں ہوا کا معیار مسلسل خراب ہوتا جا رہا ہے، جس سے لوگوں کے لیے روز مرہ کی زندگی مشکل ہوتی جا رہی ہے۔ آلودگی نے نہ صرف عام لوگوں کی صحت کو متاثر کیا ہے بلکہ مشہور شخصیات کو بھی نہیں بخشا جا رہا ہے۔
ٹی وی کی مقبول اداکارہ حنا خان نے سوشل میڈیا پوسٹ میں کہا کہ وہ بڑھتی ہوئی آلودگی سے پریشان ہیں جس سے ان کی صحت بری طرح متاثر ہو رہی ہے۔حنا خان نے کہاکہ ’’ممبئی کی بگڑتی ہوئی ہوا کے معیار کی وجہ سے، مجھے سانس لینے میں دشواری ہو رہی ہے۔ مجھے آلودگی کی وجہ سے مسلسل کھانسی رہتی ہے، جس سے میری صحت بری طرح متاثر ہو رہی ہے۔ چھاتی کے کینسر سے لڑنا، یہ میرے لیے اور بھی چیلنجنگ ہے۔‘‘

یہ بھی پڑھئے:شریاس ایّر کی شاندار واپسی، ممبئی نے ہماچل کو ۷؍ رن سے شکست دی

حنا خان نے کہاکہ ’’آلودہ ہوا نے میری باہر جانے اور کسی بھی قسم کی جسمانی سرگرمی کرنے کی صلاحیت کو محدود کر دیا ہے۔ یہ میری روزمرہ کی معمول کی سرگرمیوں کو بھی متاثر کر رہا ہے۔‘‘اپنے تجربے کو مزید واضح کرنے کے لیے، حنا نے اپنے انسٹاگرام اسٹوریز پر ممبئی کے ایئر کوالٹی انڈیکس (اے کیو آئی ) کا اسکرین شاٹ شیئر کیا۔ اسکرین شاٹ نے شہر کا اے کیو آئی ۲۰۹؍ پر دکھایا، جس سے ظاہر ہوتا ہے کہ ہوا کا معیار ’’خراب‘‘ سطح پر ہے۔حنا نے کیپشن میں لکھاکہ ’’کیا ہو رہا ہے؟ میں سانس نہیں لے پا رہی۔ میں نے باہر جانا کم کر دیا ہے۔ مجھے مسلسل کھانسی آ رہی ہے۔ صبح سے بہت برا ہو رہا ہے۔‘‘

یہ بھی پڑھئے:کنگنا رناوت ایک سال بعد سیٹ پر واپس،’’ بھارت بھاگیہ ودھاتا ‘‘پر کام شروع

اس سے قبل، حنا خان نے اداکارہ سوہا علی خان کے پوڈ کاسٹ ’’آل اباؤٹ اس‘‘ پر کینسر سے لڑتے ہوئے اپنے چیلنجنگ سفر کے بارے میں بات کی۔ اس نے وضاحت کی کہ اس کا علاج مشکل تھا، اور اس نے اچھے اور برے دونوں دنوں کا تجربہ کیا۔حنا نے بتایا کہ وہ ہر تین ہفتے بعد کیموتھراپی کراتی ہیں اور کیموتھراپی کا پہلا ہفتہ بہت تکلیف دہ تھا۔ لیکن بقیہ دو ہفتے انہوں نے معمول کی زندگی گزارنے اور اپنے خاندان اور پیاروں کے ساتھ وقت گزارنے کی کوشش کی۔اپنے تجربے کو شیئر کرتے ہوئے حنا نے کہاکہ ’’نقطہ نظر بہت اہم ہے۔ لوگ سوچتے ہیں کہ جیسے ہی انہیں کسی سنگین بیماری کی تشخیص ہوتی ہے ان کی زندگی ختم ہو جاتی ہے۔ میں بھی ایسا ہی سوچتی تھی۔ لیکن اس کا تجربہ کرنے کے بعد، میں نے محسوس کیا کہ جہاں زندگی میں برے اور تکلیف دہ دن ہوتے ہیں، وہیں اچھے دن بھی ہوتے ہیں جب آپ خاندان اور محبت سے گھری ہوئی عام زندگی گزارتے ہیں۔ یہ توازن زندگی کی خوبصورتی ہے۔‘‘