ہندی سنیما میں کئی ایسے ستارےگزرےہیں جنہوں نے کبھی فلم انڈسٹری کے ساتھ ساتھ لوگوں کے دلوں پر بھی راج کیا۔ لیکن وقت گزرنے کے ساتھ ساتھ ان کی چمک دمک چلی گئی اور وہ فلمی دنیا سے گمنام ہو گئے۔ ایسی ہی ایک اسٹار اداکارہ نیلم کوٹھاری ہیں۔ نیلم کوٹھاری کو فلمیں چھوڑے۲؍دہائیوں سے زیادہ کا عرصہ گزر چکا ہے لیکن آج بھی وہ خبروں میں نظر آتی رہتی ہیں۔ اس کی وجہ ان کا کروڑوں کا کاروبار  ہے۔ نیلم بھلے ہی فلموں سے دور ہوں لیکن آج وہ اپنے جیولری بزنس کے بل بوتے پر کروڑوں کما رہی ہیں۔ نیلم کوٹھاری۹؍ نومبر۱۹۶۹ءکوہانگ کانگ میں پیدا ہوئیں۔ ان کے والد وشنو دیو چودھری اور والدہ ساوتری دیوی ہیں۔ انہیں بچپن سے ہی موسیقی کا شوق تھا ۔  انہوں نےکی بورڈ بجانا اور جاز بیلے ڈانس کرناسیکھا۔ ان کے خاندان کا زیورات بنانے کا روایتی کاروبار ہے۔ انہوں نے آئی لینڈ اسکول میں تعلیم حاصل کی ۔ جب وہ نوعمر تھیں تو ان کا خاندان بنکاک چلا گیا ۔  ایک بار جب نیلم ممبئی میں چھٹیاں منا رہی تھیں ، تو ہدایت کار رمیش بہل نے ان سے رابطہ کیا۔انہوں نے ۱۹۸۴ءمیںنیلم اور کرن شاہ کے ساتھ فلم جوانی بنائی ۔

نیلم کوٹھاری۸۰ء اور ۹۰ءکیدہائی میں ایک بڑی اسٹار تھیں۔ انہوں نے نہ صرف بڑے پردے پربلکہ لوگوں کے دلوں پر بھی راج کیا۔ گووندا کے ساتھ ان کی جوڑی ایسی تھی کہ ہر فلمساز انہیں اپنی فلم میں سائن کرنےکاخواہش مندرہتا تھا۔ لیکن جس طرح ہر صبح کے بعد شام اور رات ہوتی ہے اسی طرح نیلم کے فلمی کریئر کا سورج بھی غروب ہونے لگا۔نیلم نے گووندا کے ساتھ ایک بہت مقبول جوڑی بنائی اور انہوں نے۱۴؍فلموں میں ایک ساتھ کام کیا ۔ ان کی ایک ساتھ ہٹ فلموں میں لو۸۶؍،خود غرض ، سندور، بلو بادشاہ، دو قیدی، ہتیا اور طاقتور شامل ہیں۔ انہوں نے چنکی پانڈے کے ساتھ ۵؍ہٹ فلموں آگ ہی آگ ، پاپ کی دنیا ، خطروں کے کھلاڑی،مٹّی اور سونا اور گھر کا چراغ میں کام کیا ۔ انہوں نے بنگالی فلم بدنام (۱۹۹۰ء)میں پروسنجیت چٹرجی کے ساتھ بھی کام کیا ہے۔

۱۹۹۸ءمیں، نیلم نے سپر ہٹ فلم کچھ کچھ ہوتا ہےمیں کام کیا ، جس میں انہوں نے وی جے کا کردار اداکیا۔ انہوں نے خاندانی ڈرامہ سپر ہٹ فلم ہم ساتھ ساتھ ہیں(۱۹۹۹ء)میںبھی اہم معاون کردار ادا کیا ۔ اداکاری میں کریئر بنانے کے دوران ، نیلم زیورات کی ڈیزائننگ میںدلچسپی رکھتی تھیں اور اپنے خاندانی کاروبار میں شامل تھیں۔ انہوں نے ممبئی میں جیولری ڈیزائننگ کا کورس کیا۔ ۲۰۰۱ء میںعارضی طور پر فلمیںچھوڑنے کے بعد ، انہوں نے نیلم جیولز کے نام سے اپنا کاروبار شروع کیا۔  انہوں نے۲۰۰۴ءمیں ممبئی میں ایک شو روم کھولا۔ نیلم نے۲۰۱۱ءمیںممبئی میںنیلم کوٹھاری فائن جیولز کے نام سےاپنا جیولری اسٹورشروع کیا ۔ نیلم نے بینا مستری کے ہاٹ ہاٹ میوزک ویڈیو میں کام کیاہے۔  یہ گانا۱۹۹۵ءمیں بی ایم جی کی ریلیز میں ڈانس ہٹ کی تالیف کا حصہ ہے ، جس کا عنوان چینل وی ہٹس: دی الٹیمیٹ ڈانس کلیکشن ہے۔  یہ گانا اس وقت ہٹ ہوا جب اسے بینڈ اٹ لائک بیکہم(۲۰۰۲ء)کےساؤنڈ ٹریک کے حصے کے طور پر پیش کیا گیا ۔۱۹۹۹ءمیںنیلم کوٹھاری نے فلموں سے ریٹائرمنٹ لے لیا۔ان کی آخری فلم۲۰۰۱ءمیں ’قسم‘ تھی لیکن اس سے پہلے ہی نیلم کوٹھاری کاروباری دنیا میںقدم رکھ چکی تھیں۔ فلمی دنیا سے غائب ہونے کے باوجود وہ کاروباری دنیا میں’نیلم‘کی طرح چمک رہی ہیں۔۲۰۲۰ءمیں،وہ سیریز’فابولس لائیوز آف بالی ووڈ وائفس‘کے ساتھ اداکاری کی دنیا میں واپس آئیں۔