نیرج گھیوان کی فلم ہوم باؤنڈ، جس میں ایشان کھٹر، وشال جیٹھوا اور جھانوی کپور اداکاری کر رہے ہیں، ۲۰۲۶ء کے آسکرس میں بہترین بین الاقوامی فیچر فلم کے زمرے کے لیے ہندوستان کی باضابطہ انٹری ہے۔

ہندوستان نے فلمساز نیرج گھیوان کی انتہائی متوقع ڈرامہ فلم ہوم باؤنڈ کو۲۰۲۶ء کے اکیڈمی ایوارڈس کے لیے بہترین بین الاقوامی فیچر فلم کے زمرے کے لیے باضابطہ بھیجنے کا فیصلہ کیا ہے۔ یہ اعلان اس ماہ کے آخر میں فلم کی تھیٹر میں ریلیز سے پہلے ہوا ہے، جس سے اس کی آسکر مہم کا مرحلہ طے ہو گا۔

یہ بھی پڑھیئے:سنگاپور:مشہور گلوکار زوبین گرگ اسکوباڈائیونگ حادثے میں انتقال کرگئے

خبر رساں ایجنسی پی ٹی آئی کی خبر کے مطابق فلم فیڈریشن آف انڈیا (ایف ایف آئی)، جو ملک کے سرکاری اندراج کا انتخاب کرتی ہے، نے جمعہ کو اس فیصلے کی تصدیق کی۔ اس انتخاب کے ساتھ، ہوم باؤنڈ اگلے سال کے اکیڈمی ایوارڈس میں نامزدگی کے لیے ۱۰۰؍ سے زیادہ ممالک  کی فلموں سے مقابلہ کرے گی۔ اب تک صرف ۳؍ ہندوستانی فلمیں، مدر انڈیا (۱۹۵۸ء) ، سلام بامبے (۱۹۸۹ء) اور لگان (۲۰۰۲ء)  نے اس زمرے میں نامزدگی حاصل کی ہے، لیکن دونوں میں سے کوئی بھی ایوارڈ نہیں جیتا۔ 
 ابھی تک ہندوستان میں ریلیز نہیں ہونے والی فلم  ہوم باؤنڈ نے بین الاقوامی سطح پر اثر ڈالا ہے۔ فلم کا مئی میں کانز فلم فیسٹیول میں اس کا ورلڈ پریمیر ہوا، جہاں اسے کھڑے ہو کر داد وصول کی۔ یہ بعد میں ۵۰؍ ویں ٹورنٹو انٹرنیشنل فلم فیسٹیول میں بھی گئی اور باوقار انٹرنیشنل پیپلز چوائس ایوارڈ کے زمرے میں دوسرے نمبر پر رہی۔
کرن جوہر نے کہا کہ ہم بے حد اعزاز اور شکر گزار ہیں کہ ہوم باؤنڈ کو اکیڈمی ایوارڈز میں ہندوستان کی باضابطہ انٹری کے طور پر منتخب کیا گیا ہے۔ نیرج گھیوان کی محنت یقیناً دنیا بھر کے کروڑوں دلوں میں جگہ پائے گی۔ نیرج گھیوان نے کہاکہ مجھے بے حد  خوشی  ہے کہ ہوم باؤنڈ کو آسکر کے لیے ہندوستان کی باضابطہ انٹری کے طور پر منتخب کیا گیا ہے۔ ہماری سرزمین اور اپنے لوگوں کی محبت میں جڑی ہوئی۔ اپنی کہانیوں کو دنیا کے سامنے لانا اور سنیما کے سب سے بڑے عالمی پلیٹ فارمز میں سے ایک پر ہندوستان کی نمائندگی کرنا، دونوں ہی عاجزی  اور خوشی کی بات ہے۔