جیکب اینڈ کو ونتارا واچ: معروف گھڑی ساز برانڈ جیکب اینڈ کو نے گجرات میں قائم ونتارا گلوبل وائلڈ لائف ریسکیو اینڈ کنزرویشن سینٹر سے متاثر ہو کر ایک منفرد گھڑی متعارف کروائی ہے۔ اس گھڑی کو ’ونتارا‘ کا نام دیا گیا ہے جو اس محفوظ پناہ گاہ کے سرپرست اننت امبانی کے لیے ایک خراجِ تحسین ہے۔

جیکب اینڈ کو ونتارا واچ:  معروف گھڑی ساز برانڈ جیکب اینڈ کو نے گجرات میں قائم ونتارا گلوبل وائلڈ لائف ریسکیو اینڈ کنزرویشن سینٹر سے متاثر ہو کر ایک منفرد گھڑی متعارف کروائی ہے۔ اس گھڑی کو ’ونتارا‘ کا نام دیا گیا ہے جو اس محفوظ پناہ گاہ کے سرپرست اننت امبانی کے لیے ایک خراجِ تحسین ہے۔ بتایا جاتا ہے کہ اس گھڑی کی مالیت ۵ء۱؍ ملین ڈالر سے زائد ہے۔ یہ نہ صرف قیمتی جواہرات سے مزین ہے بلکہ اس کے ڈائل کے عین وسط میں اننت امبانی کا مجسمہ بھی نصب ہے۔
 دنیا کی انتہائی پیچیدہ مشینری میں شمار ہونے والی اس گھڑی کے ڈائل کے مرکز میں اننت امبانی کو دکھایا گیا ہے، جو فطرت کے لیے ان کی ذمہ داری اور سرپرستی کی علامت ہے۔ گھڑی کے ڈائل میں چار متحرک عناصر شامل ہیں، جن میں ایک کرہ   اور ایک بنگال ٹائیگر بھی شامل ہے، جو ونتارا میں موجود جنگلی حیات کے وسیع تنوع کی نمائندگی کرتے ہیں۔
 ۳۹۷؍ جواہرات،۹۸ء۲۱؍ قیراط 
یہ ملین ڈالر کی گھڑی اپنی نمایاں سبز کیموفلاج ڈیزائن کے باعث فوراً توجہ کھینچ لیتی ہے، جو فطرت سے اس کے گہرے تعلق کی عکاسی کرتا ہے۔ گھڑی کو ڈیمینٹائیڈ گارنیٹس، ساوَرائٹس، گہرے سبز نیلم اور چمکتے سفید ہیروں سے نہایت شاندار انداز میں سجایا گیا ہے۔ مجموعی طور پر۳۹۷؍ باریک بینی سے جڑے ہوئے جواہرات، جن کا مجموعی وزن۹۸ء۲۱؍  قیراط ہے، ڈیزائن میں گہرائی، ساخت اور حرکت پیدا کرتے ہیں۔ یہ گھڑی انجینئرنگ کے کمال کے ساتھ ساتھ ایک فن پارہ بھی ہے۔

A story told in miniature.

At the center of the dial, a hand-painted figurine of Anant Ambani anchors the scene, surrounded by finely detailed depictions of a lion and a Bengal tiger.
Framed by a green camouflage motif crafted from demantoid garnets, tsavorites, green… pic.twitter.com/WqJ38z18Z5

— Jacob&Co (@_Jacobandco) January 21, 2026

 ’ونتارا‘ سے موسوم یہ گھڑی محض پرتعیش ہونے تک محدود نہیں۔ یہ اعلیٰ درجے کے زیورات اور نفیس گھڑی سازی کا حسین امتزاج پیش کرتی ہے، جہاں بے مثال کاریگری ایک بامعنی پیغام بن جاتی ہے۔ اس کا ہر پہلو تحفظِ فطرت کے عزم کی عکاسی کرتا ہے، جو اسے محض تعریف کے قابل شے نہیں بلکہ فطرت، فن اور ذمہ دارانہ لگژری کو خراجِ تحسین بناتا ہے۔

یہ بھی پڑھئے:سدھارتھ ملہوترا باتوں سے زیادہ کام میں یقین رکھتے ہیں

’’سب کچھ دکھائی دیتا ہے، وقت نہیں‘‘ ۵ء۱؍ ملین ڈالر کی گھڑی پر سوشل میڈیا کا مذاق 
وائرل ڈیزائن پر ردِعمل دیتے ہوئے جہاں کچھ ماہرین نے اس کی شاندار کاریگری کی تعریف کی، وہیں بعض افراد نے یہاں تک کہا کہ یہ گھڑی شاید مصنوعی ذہانت کے ماڈلز سے تیار کی گئی لگتی ہے۔ ایک صارف نے لکھا، ’’اس ’گھڑی‘ میں سب کچھ نظر آتا ہے مگر وقت نہیں،‘‘ اور اس کے حد سے زیادہ بھرپور ڈیزائن پر تنقید کی۔ ایک اور صارف نے بھی یہی سوال اٹھایا کہ ’’یہ وقت کہاں دکھاتی ہے؟‘‘

یہ بھی پڑھئے:’’دنیا اب طاقتور ممالک کے درمیان مقابلے کے ایک نئے دور میں داخل ہو چکی ہے‘‘

کچھ لوگوں نے اسے برانڈ کی جانب سے اپریل فول مذاق قرار دیا، جبکہ دوسروں نے اسے ایک ’خوفناک نمونہ‘ کہا۔ انسٹاگرام پر صارفین نے اسے گھڑی کے طور پر ناکام قرار دیا، تاہم ملین ڈالر مالیت کے ہیروں سے جڑے اس فن پارے کو آرٹ اور جیولری کے نقطۂ نظر سے سراہا گیا۔