پرینکا چوپڑہ نے سنیچر کو اپنے انسٹاگرام پر ’’رام چاہے لیلا‘‘ کا ایک ویڈیو شیئر کیا تھا جس کے بعد یہ قیاس آرائیاں جاری تھیں کہ وہ سنجے لیلا بھنسالی کی فلم ’’لو اینڈ وار‘‘ میں نظر آئیں گی۔ تاہم، حالیہ رپورٹس میں یہ تصدیق کی گئی ہے کہ وہ فلم کا حصہ نہیں ہوں گی۔

سنجے لیلا بھنسالی کی فلم ’’لو اینڈ وار‘‘ میں پرینکا چوپڑہ کے کام کرنے کی قیاس آرائیاں جاری تھیں۔ تاہم، اب پرینکا چوپڑہ اس فلم کا حصہ نہیں ہوں گی جن میں عالیہ بھٹ اور وکی کوشل کلیدی کردار نبھائیں گے۔ ایک ذرائع نے اپنی رپورٹ میں کہا ہے کہ ’’ پرینکاچوپڑہ نے اپنے انسٹاگرام پر نغمے ’’چاہے لیلا‘‘ کا ویڈیو اپلوڈ کیا تھا۔ پرینکا چوپڑہ اور سنجے لیلا بھنسالی ایک دوسرے کے کام کی عزت کرتے ہیں لیکن ان قیاس آرائیوں میں کوئی حقیقت نہیں ہے کہ پرینکا چوپڑہ سنجے لیلا بھنسالی کی فلم ’’لو اینڈ وار‘‘ میں نظر آئیں گی۔

یہ بھی پڑھئے: کیا پرینکا چوپڑہ، سنجے لیلا بھنسالی کی ’’لو اینڈ وار‘‘ کا حصہ ہوں گی؟

یاد رہے کہ سنیچر کو پرینکا چوپڑہ نے اپنے مشہور نغمے ’’رام چاہے لیلا‘‘ کا ویڈیو انسٹاگرام پر شیئر کیا تھا جس کے بعد سے یہ قیاس آرائیاں جاری تھیں کہ وہ سنجے لیلا بھنسالی کی فلم ’’لو اینڈ وار‘‘ میں نظر آئیں گی۔