رائل چیلنجرز بنگلورو (آر سی بی) نے انڈین پریمیئر لیگ (آئی پی ایل) کے نئے سیزن کی تیاری شروع کر دی ہے، کیونکہ دفاعی چیمپئن ۲۰۲۶ء مہم سے قبل نئے عزم کے ساتھ ایم چناسوامی اسٹیڈیم میں واپس آ گئے ہیں۔

رائل چیلنجرز بنگلورو (آر سی بی) نے انڈین پریمیئر لیگ (آئی پی ایل) کے نئے سیزن کی تیاری شروع کر دی ہے، کیونکہ دفاعی چیمپئن ۲۰۲۶ء مہم سے قبل نئے عزم کے ساتھ ایم  چناسوامی اسٹیڈیم میں واپس آ گئے ہیں۔ پہلے ٹریننگ سیشن کے دوران ٹیم سے خطاب کرتے ہوئے اسٹار بلے باز وراٹ کوہلی نے ان معیارات کو برقرار رکھنے کی اہمیت پر زور دیا جن کی بدولت فرنچائز نے گزشتہ سال ٹائٹل جیتا تھا۔
کوہلی نے کہاکہ ’’ہم نے گزشتہ دو سے تین سیزن میں جو کچھ حاصل کیا ہے، اس کے لیے ہم نے بہت محنت کی ہے، اور یہ مزید مشکل ہونے والا ہے کیونکہ دیگر ٹیمیں ہمیں سخت مقابلہ دیں گی۔‘‘ تیاری کے وقت کا بھرپور فائدہ اٹھانے پر زور دیتے ہوئے کوہلی نے کہاکہ ’’ہم ان دنوں کو ضائع نہیں کرتے، ہم آگے رہتے ہیں۔ اس لیے ابھی سے تیار ہو جائیں۔ آئیے ہم جس بھی سیشن کا حصہ ہوں، اس کا ایک منٹ بھی ضائع نہ کریں۔ ہمیں ان ڈھائی مہینوں میں اپنا ۱۲۰؍ فیصد دینا ہوگا۔‘‘

We can watch him bat all day long. 😍❤️

First training sesh of the season and our Captain Ra Pa is hitting ‘em clean in the nets. 😮‍💨

This is Emmvee presents RCB Shorts.#PlayBold #ನಮ್ಮRCB #IPL2026 pic.twitter.com/s5Ccok46as

— Royal Challengers Bengaluru (@RCBTweets) March 21, 2026

ابتدائی سیشن میں کئی نئے کھلاڑیوں کو ٹیم میں شامل کیا گیا۔ ہیڈ کوچ اینڈی فلاور نے نئے کھلاڑیوں کا خیرمقدم کیا، جن میں وینکٹیش ایئر، منگیش یادو، جارڈن کاکس، وکی اوستوال اور ساتوک دیسوال شامل ہیں۔ انہوں نے انڈر۱۹؍ ورلڈ کپ کے فاتح کنیشک چوہان اور ویہان ملہوترہ کا بھی خاص طور پر ذکر کیا۔

یہ بھی پڑھئے:امریکی محکمہ انصاف کا ہارورڈ پر مقدمہ، سام دشمنی کا الزام

 فلاور نے کہا کہ ’’ہماری نیلامی دلچسپ رہی اور میرا ماننا ہے کہ ہم نے اپنی ٹیم کو مزید بہتر بنایا ہے۔ ہم نے کچھ بہترین نئے کھلاڑی شامل کیے ہیں۔ وراٹ اور رجت کی قیادت میں موجود کھلاڑیوں کے ساتھ ان کا ہم آہنگ ہونا اس ٹیم کی تشکیل کا ایک دلچسپ پہلو ہے۔‘‘ انہوں نے مزید کہاکہ ’’اس سال ایک فرق ہے، ہماری شرٹ پر ایک ستارہ ہے، جو تمام آر سی بی شائقین کے لیے فخر کی بات ہے۔ لیکن وہ سیزن گزر چکا ہے۔ اب ہمارے سامنے ایک نیا چیلنج ہے اور یہ نہایت دلچسپ ہے۔ ہم اس سال کا آئی پی ایل جیتنے کے لیے یہاں موجود ہیں۔‘‘

یہ بھی پڑھئے:امریکہ روس کو تمام توانائی کے بازاروں سے باہر نکالنے کی کوشش کر رہا ہے: لاوروف

نئے کھلاڑی اور وکٹ کیپر بلے باز جیتیش شرما نے بھی ٹیم میں شامل ہونے پر خوشی کا اظہار کیا۔ انہوں نے کہا، ’’سب ایک دوسرے سے مل کر بہت پرجوش تھے۔ مجھے زیادہ بیٹنگ کا موقع ملا جس سے خوشی ہوئی۔ مجھے تمام کوچز سے ملنے اور دوبارہ ٹریننگ شروع کرنے کا موقع ملا۔‘‘ فلاور نے ہوم گراؤنڈ پر مہم کے آغاز کے فائدے پر بھی روشنی ڈالی۔ انہوں نے کہاکہ ’’ہمارا پہلا میچ یہاں چناسوامی میں ہے، جو ہمارے لیے ابتدا ہی میں مومنٹم بنانے اور اپنے گھریلو شائقین کا استقبال کرنے کا بہترین موقع ہے۔ آؤٹ فیلڈ شاندار، سرسبز اور خوبصورت نظر آ رہی ہے۔‘‘ آر سی بی ۲۸؍ مارچ کو ایم  چناسوامی اسٹیڈیم میں سن رائزرس حیدرآباد کے خلاف اپنے ٹائٹل کے دفاع کا آغاز کرے گی۔