اداکار ابھیشیک بچن اپنی پہلی مراٹھی فلم ’’راجا شیو اجی‘‘ کے ذریعے مراٹھی سنیما میں آغاز کرنے کے لیے تیار ہیں۔ ممبئی فلم کمپنی اور جیو اسٹوڈیوز کی اس فلم میں ابھیشیک سنبھاجی شاہ جی بھوسلے کا زبردست کردار ادا کرتے دکھائی دیں گے۔

اداکار ابھیشیک بچن اپنی پہلی مراٹھی فلم  ’’راجا شیو اجی‘‘ کے ذریعے مراٹھی سنیما میں آغاز کرنے کے لیے تیار ہیں۔ ممبئی فلم کمپنی اور جیو اسٹوڈیوز کی اس فلم میں ابھیشیک سنبھاجی شاہ جی بھوسلے کا زبردست کردار ادا کرتے دکھائی دیں گے۔
فلم کا پہلا لک ٹیزر حال ہی میں جاری ہوا ہے، جسے ناظرین نے خوب سراہا ہے۔ ابھیشیک بچن نے بتایا کہ یہ فلم ان کے لیے صرف ایک فلم نہیں بلکہ ایک خاص تجربہ ہے۔ انہوں نے کہا’’رتیش دیشمکھ، جنہیں میں اپنا بھائی سمجھتا ہوں، اس فلم کا خواب بہت برسوں سے دیکھ رہے تھے۔ تقریباً ۲۵؍ سال پہلے جب میں لاتور میں فلم کی شوٹنگ کر رہا تھا  تب رتیش پہلی بار ملے تھے۔ اسی وقت انہوں نے مجھے بتایا کہ وہ ایک دن چھترپتی شیوا جی مہاراج پر فلم بنانا چاہتے ہیں۔‘‘
ابھیشیک نے مزید کہا کہ رتیش دیشمکھ اس فلم کی ہدایت کاری کر رہے ہیں اور یہ مراٹھی سنیما کے لیے ایک اہم منصوبہ ہے۔ انہوں نے کہا’’رتیش نے اپنی پچھلی فلم میں ثابت کر دیا ہے کہ وہ کتنے بہترین ہدایت کار ہیں۔ مجھے پورا یقین ہے کہ ’’راجا شیو اجی‘‘مراٹھی سنیما کے لیے ایک سنگِ میل ثابت ہوگی۔ اس فلم کا حصہ بن کر مجھے بہت خوشی ہو رہی ہے۔‘‘

یہ بھی پڑھئے:آسٹریلیا کی خواتین ٹیم نے ون ڈے سیریز میں ویسٹ انڈیز کو کلین سویپ کیا

فلم کا ٹیزر جاری ہوتے ہی ناظرین نے اس کی شاندار مناظر، ایکشن اور بہادری کی تعریف کی ہے۔ ٹیزر میں ابھیشیک بچن ایک جنگجو کے طور پر دکھائی دے رہے ہیں، جو اپنے چھترپتی شیو جی مہاراج کے ساتھ کھڑے ہیں۔’’راجاشیواجی‘‘ میں رتیش دیشمکھ کے ساتھ ابھیشیک بچن کے علاوہ سنجے دت، ودیا بالن، مہیش مانجریکر، سچن کھیڈیکر، بومن ایرانی، بھاگیہ شری، فردین خان، جتندر جوشی، امول گپتے اور جینیلیا دیشمکھ جیسے اداکار بھی اہم کرداروں میں ہیں۔

یہ بھی پڑھئے:پرینیتی چوپڑہ نے راگھو چڈھا کی حمایت کی

چھترپتی شیوا جی مہاراج کی میراث اور ان کی بنیاد کی شاندار کہانی کو بڑے پردے پر پیش کرنے والی فلم کا موسیقی اجے اتول نے ترتیب دیا ہے۔ جیو اسٹوڈیوز اور ممبئی فلم کمپنی کے بینر کے تحت جیوتی دیشپانڈے اور جینیلیا دیشمکھ نے فلم کا پروڈکشن کیا ہے۔ ’’راجا شیو اجی‘‘ یکم مئی کو مراٹھی، ہندی اور تیلگو زبانوں میں دنیا بھر کے سنیما گھروں میں ریلیز ہوگی۔