ایک ایسی انڈسٹری میں جہاں اکثر سفر غیر متوقع انداز میں مکمل ہوتے ہیں، اداکارہ سیامی کھیر ایک انتہائی ذاتی اور پیشہ ورانہ سنگِ میل کا تجربہ کر رہی ہیں۔ اپنے کیریئر کے ابتدائی دور میں ایک اشتہاری فلم میں سیف علی خان کے ساتھ کام کرنے کے بعد، اب وہ ۱۲؍ سال بعد فلم ساز پریا درشن کی آنے والی فلم ’’حیوان ‘‘میں ان کے ساتھ بطور شریک اداکار اسکرین شیئر کر رہی ہیں۔

ایک ایسی انڈسٹری میں جہاں اکثر سفر غیر متوقع انداز میں مکمل ہوتے ہیں، اداکارہ سیامی کھیر ایک انتہائی ذاتی اور پیشہ ورانہ سنگِ میل کا تجربہ کر رہی ہیں۔ اپنے کیریئر کے ابتدائی دور میں ایک اشتہاری فلم میں سیف علی خان کے ساتھ کام کرنے کے بعد، اب وہ ۱۲؍ سال بعد فلم ساز پریا درشن کی آنے والی فلم ’’حیوان ‘‘میں ان کے ساتھ بطور شریک اداکار اسکرین شیئر کر رہی ہیں۔
یہ دوسری ملاقات سیامی کے سفر میں ایک اہم لمحہ ہے، جو ترقی، استقامت اور ان خوابوں کی تعبیر کی علامت ہے جو کبھی دور محسوس ہوتے تھے۔ ایک نوآموز اداکارہ سے لے کر اب انڈسٹری کے ایک نامور اداکار کے ساتھ مرکزی فلم میں کام کرنے تک، ان کا سفر ارتقا اور مضبوطی کی عکاسی کرتا ہے۔

یہ بھی پڑھئے:آبنائے ہرمز امریکہ کےکنٹرول میں، کسی جہاز کو ایرانی بندرگاہ جانے کی اجازت نہیں

اس لمحے کے بارے میں بات کرتے ہوئے سیامی  کھیر نے کہاکہ ’’میں نے اپنے ابتدائی ماڈلنگ کے کیریئر میں ایک آئی وئیر برانڈ کے کیمپن کی شوٹنگ کی تھی جس میں سیف سر اس برانڈ کے ایمبیسیڈر تھے۔ مجھے یاد ہے کہ اُس وقت، تقریباً ۱۲؍ سال پہلے بھی وہ بہت مزاحیہ اور بہت ہی پر سکون تھے۔ میں نے ہمیشہ ان کے کام کی بہت تعریف کی ہے اور اب سالوں بعد پریان سر کی فلم میں ان کے ساتھ اسکرین شیئر کرنا بہت اچھا محسوس ہو رہا ہے، یہ حیرت انگیز ہے کہ وہ آج بھی بالکل ویسے ہی دکھائی دیتے ہیں۔‘‘
سیامی نے مزید کہا کہ ’’۱۲؍ سال بعد ان کے ساتھ دوبارہ کام کرنا ایسا محسوس ہوتا ہے جیسے زندگی ایک خوبصورت انداز میں مکمل ہو گئی ہو۔ اس میں ایک مانوسیت کا احساس ہے۔ سیف ہمیشہ سے بہت گرمجوش اور شائستہ رہے ہیں، اور اب ان کے ساتھ بطور برابر ساتھی کام کرنا بہت سکون بخش ہے۔‘‘

یہ بھی پڑھئے:شروَری نے ’’یہ پریم مول لیا‘ ‘کو بہت خاص فلم قرار دیا

حیوان کے ساتھ، سیامی کھیر نہ صرف ایک نئی کہانی کا حصہ بن رہی ہیں بلکہ اپنے ماضی اور حال کو خوبصورتی سے جوڑتے ہوئے ایک اہم سنگِ میل بھی حاصل کر رہی ہیں، جو اس اشتراک کو خاص طور پر قابلِ توجہ بناتا ہے۔