بالی ووڈ کے سپر اسٹار سلمان خان نے شدید سردی اور چوٹ کے باوجود اپنی آنے والی فلم ’بیٹل آف گلوان‘ کا پہلا شیڈول مکمل کر لیا۔ سلمان خان نہ صرف کروڑوں دلوں پر حکمرانی کرتے ہیں بلکہ باکس آفس پر شاندار پرفارمنس دینے کے لیے بھی مشہور ہیں۔

 بالی ووڈ کے سپر اسٹار سلمان خان نے شدید  سردی اور چوٹ  کے باوجود اپنی آنے والی فلم ’بیٹل آف گلوان‘ کا پہلا شیڈول مکمل کر لیا۔ سلمان خان نہ صرف کروڑوں دلوں پر حکمرانی کرتے ہیں بلکہ باکس آفس پر شاندار پرفارمنس دینے کے لیے بھی مشہور ہیں۔ کئی بلاک بسٹر فلمیں دینے کے بعد اب وہ اپنی نئی فلم ’بیٹل آف گلوان‘ کی تیاری میں پوری طرح مصروف ہیں۔  سلمان خان نے اس فلم کی شوٹنگ۲؍ سے ۳؍ ڈگری درجہ حرارت میں کی اور فلم کا سب سے مشکل  شیڈول جو۴۵؍ دنوں کا تھا،جس کی شوٹنگ لداخ  میں کی گئی ، مکمل کر لیا، جس میں وہ۱۵؍ دن تک وہاں موجود رہے۔ کم آکسیجن لیول اور کئی جسمانی چوٹوں کے باوجود سلمان خان نے شوٹنگ جاری رکھی تاکہ فلم کا تسلسل قائم رہے۔ اب فلم کا دوسرا شیڈول ایک ہفتے بعد شروع ہوگا۔ اس دوران وہ اپنی چوٹوں سے صحت یاب ہونے کے لیے وقت نکالیں گے۔ 

یہ بھی پڑھیئے:مَیں راحا کیلئے کامیڈی فلم کرنا چاہتی ہوں: عالیہ بھٹ

یہ فلم، جس کی ہدایت کاری اپوروا لاکھیا کر رہے ہیں،  ۲۰۲۰ء میں گلوان وادی میں ہندوستانی اور چینی فوجیوں کے درمیان ہونے والی خوفناک جھڑپ پر مبنی ہے۔ اُس وقت یہ ایک غیر معمولی سرحدی تصادم تھا، جس میں فوجیوں نے بغیر کسی جدید ہتھیار کے، صرف لاٹھیوں اور پتھروں سے لڑائی لڑی اور اپنی جانیں قربان کیں۔ یہی وجہ ہے کہ یہ واقعہ حالیہ ہندوستانی تاریخ کی سب سے زیادہ جذباتی کہانیوں میں شمار کیا جاتا ہے۔  بیٹل آف گلوان میں سلمان خان کے ساتھ چترانگدا سنگھ  بھی اہم کردار میں نظر آئیں گی۔