سلمان خان اس وقت فرحان اختر کے ساتھ ایک بڑے تاریخی ایپک کے حوالے سے بات چیت کر رہے ہیں، جو ہندوستانی تاریخ کی ایک انتہائی مشہور شخصیت کے گرد گھومتی ہے۔

سلمان خان نے مشہور فلم ساز جوڑی راج اور ڈی کے (راج نِدیمورو اور کرشنا ڈی کے) کے ساتھ ایک ایکشن کامیڈی انٹرٹینر کے لیے ہاتھ ملایا ہے، جس میں ایک ریٹائرڈ ہونے والے سپر ہیرو کی کہانی دکھائی جائے گی۔
 جہاں یہ پروجیکٹ ابھی بھی آگے بڑھ رہا ہے، وہیں سپر اسٹار نے اب اپنی توجہ ایک اور ممکنہ طور پر بڑی اور اہم فلم کی طرف مرکوز کر دی ہے۔ ہمیں معلوم ہوا ہے کہ سلمان خان اس وقت فرحان اختر کے ساتھ ایک بڑے تاریخی ایپک کے حوالے سے بات چیت کر رہے ہیں، جو ہندوستانی تاریخ کی ایک انتہائی مشہور شخصیت کے گرد گھومتی ہے۔
ذرائع کے مطابق سلمان خان اور فرحان اختر پچھلے ایک ماہ سے مسلسل بات چیت کر رہے ہیں اور اس بڑے پیمانے کے پروجیکٹ پر ممکنہ اشتراک کے امکانات پر غور کر رہے ہیں۔ کہا جا رہا ہے کہ اداکار کو اس کہانی اور اس عظیم وژن نے کافی متاثر کیا ہے جو اس فلم کے لیے تیار کیا جا رہا ہے اور اسے ایک تھیٹریکل ایکشن اسپیکٹیکل کے طور پر دیکھا جا رہا ہے۔

یہ بھی پڑھئے:’’ دیوانے ہیں‘‘ کے ساتھ لوٹا پرانے بالی ووڈ کے جشن کا رنگ، ’’ویلکم ٹو دی جنگل‘‘ کا نیا گانا ریلیز

ایک ذرائع نے بتایا کہ ’’سلمان خان اور فرحان اختر پچھلے ایک ماہ سے باقاعدگی سے ملاقاتیں کر رہے ہیں اور ممکنہ تعاون پر گفتگو کر رہے ہیں۔ سلمان کو اب تک جو کچھ سننے ملا ہے وہ انہیں بہت پسند آیا ہے اور انہوں نے پروجیکٹ میں گہری دلچسپی ظاہر کی ہے۔ بات چیت ابھی ابتدائی مرحلے میں ہے اور ابھی کاغذی کارروائی تک نہیں پہنچی لیکن دونوں فریق پہلی بار ایک ساتھ آنے کے امکان پر پرجوش ہیں۔‘‘
مزید اندرونی معلومات کے مطابق’’یہ ایک بہت بڑا پیریڈ ایکشن ڈراما ہے جو شاندار پیمانے پر بنایا جا رہا ہے۔ ان کا خیال ہے کہ اسے دو فلموں میں بیان کیا جائے۔‘‘ اگرچہ یہ پروجیکٹ ابھی ترقی کے مراحل میں ہے، لیکن اس کے مستقبل کے بارے میں زیادہ واضح تصویر سال کے آخر تک سامنے آنے کی توقع ہے۔
اگر یہ معاہدہ طے پا جاتا ہے تو یہ نامعلوم تاریخی کہانی سلمان خان کی اگلی بڑی فلم ہو سکتی ہے، ان کی پہلے  سے اعلان شدہ راج اور ڈی کے کے ساتھ سپر ہیرو کامیڈی کے بعداس پروجیکٹ پر کام شروع ہوگا۔

یہ بھی پڑھئے:کین اور بیلنگھم کی شاندار کارکردگی سے انگلینڈ نے کروشیا پر سنسنی خیز کامیابی

فی الحال اداکار ہدایتکار وامشی پڈیپلی کی آنے والی ایکشن فلم کی شوٹنگ میں مصروف ہیں اور توقع ہے کہ وہ اکتوبر ۲۰۲۶ء کے آس پاس راج اور ڈی کے کی فلم پر کام شروع کریں گے۔ یہ مجوزہ پیریڈ ڈراما فرحان اختر اور ریتیش سِدھوانی کے تحت ایکسل انٹرٹینمنٹ کے بینر تلے پروڈیوس کیا جائے گا اور اس کی شوٹنگ ممکنہ طور پر ۲۰۲۷ء کے موسمِ گرما میں شروع ہوگی۔
دلچسپ بات یہ ہے کہ اگرچہ اس پروجیکٹ کے ہدایتکار کا ابھی تک انکشاف نہیں کیا گیا، ذرائع واضح کرتے ہیں کہ فرحان اختر صرف اس کے پروڈیوسر ہوں گے اور وہ بطور ہدایتکار اس فلم کے پیچھے نہیں ہوں گے۔