ہندوستانی اداکارہ سمانتھا روتھ پربھو اس وقت اپنی زندگی کے انتہائی خاص دور سے گزر رہی ہیں۔ وہ ماں بننے والی ہیں لیکن فی الحال وہ ایک نئے پروجیکٹ کی تیاریوں میں مصروف ہیں۔ انہیں کوکنگ ریئلیٹی شو ’’سیلیبرٹی ماسٹر شیف تمل‘‘ کی میزبانی کے لیے چنا گیا ہے۔

ہندوستانی  اداکارہ سمانتھا روتھ پربھو اس وقت اپنی زندگی کے انتہائی خاص دور سے گزر رہی ہیں۔ وہ ماں بننے والی ہیں لیکن فی الحال وہ ایک نئے پروجیکٹ کی تیاریوں میں مصروف ہیں۔ انہیں کوکنگ ریئلیٹی شو ’’سیلیبرٹی ماسٹر شیف تمل‘‘ کی میزبانی کے لیے چنا گیا ہے۔ یہ شو سمانتھا کے لیے بھی خاص ہے کیونکہ اس میں وہ اپنے پچھلے کام سے بالکل مختلف کردار میں نظر آئیں گی۔ اس شو میں تمل فلم انڈسٹری کے کئی معروف ستارے کچن میں کھانا پکاتے اور ایک دوسرے کو چیلنج کرتے نظر آئیں گے۔

یہ بھی پڑھئے:’’اسپائیڈر مین : بیونڈ دی اسپائیڈر ورز‘‘ کا ٹریلر آن لائن لیک، مداحوں میں زبردست جوش

سمانتھا اپنے نئے پروجیکٹ کے تعلق سے  بہت پرجوش ہیں۔ انہوں نے کہا’’میں ناظرین کو اس شو کے بارے میں بتانے کے لیے کافی عرصے سے انتظار کر رہی ہوں۔ میں نے اس سے پہلے کبھی ’’سیلیبرٹی ماسٹر شیف تمل‘‘ جیسا پروجیکٹ نہیں کیا  اور یہی چیز مجھے اس کی طرف راغب کرتی ہے۔‘‘ سمانتھا نے شو کے ذریعے کھانے کے بارے میں اپنے خیالات بھی بتائے۔ انہوں نے کہا’’کھانا صرف بھوک مٹانے کا ایک طریقہ نہیں ہے، یہ لوگوں کو قریب لانے اور یادیں پیدا کرنے کا ایک بہترین طریقہ بھی ہے۔ کھانا پکانے سے انسان کا ایک پہلو سامنے آ سکتا ہے جسے عام طور پر ہمیں کیمرے پر دیکھنے کا موقع نہیں ملتا ہے۔‘‘
سمانتھا شو میں تمل ستاروں کو باورچی خانے کے مختلف چیلنجوں کو نیویگیٹ کرتے ہوئے دیکھنے کی بھی بے تابی سے منتظر ہے۔ انہوں نے کہا کہ ’’میں یہ دیکھنا چاہتی ہوں کہ جب انڈسٹری کے پسندیدہ اداکار کھانا پکانے کی ذمہ داری اٹھاتے ہیں تو وہ کیسے خطرہ مول لیں گے اور غلطیوں سے سیکھیں گے۔‘‘

یہ بھی پڑھئے:فاطمہ ثنا خواتین ایشیا کپ اور ایشیائی کھیلوں میں پاکستان ٹیم کی قیادت کریں گی

’’سیلیبرٹی ماسٹر شیف تمل‘‘ بنجے ایشیا کے بینر تلے تیار کی جا رہی ہے۔ یہ عالمی سطح پر مقبول کوکنگ ریئلیٹی شو ’’ماسٹر شیف‘‘ کے فارمیٹ پر مبنی ہوگا۔ اس میں مقامی ذائقوں پر زور دیا جائے گا اور تمل فلم انڈسٹری کی نمایاں شخصیات کو شامل کیا جائے گا۔ شو کا پریمیئر جلد ہی سونی ویزا اور سونی لیو پر ہوگا۔