۲۰۲۳ءمیں تین فلموں کے ساتھ دھوم مچانے اور دنیا بھر کے باکس آفس پر چھا جانے کے بعد، اب شاہ رخ خان اپنی آنے والی فلم ’’کنگ‘‘ کے ذریعے ایک بار پھر سنیما گھروں میں تہلکہ مچانے کے لیے تیار ہیں۔ اس وقت فلم کی شوٹنگ جنوبی افریقہ میں جاری ہے جہاں سے تصاویر لیک ہو گئی ہیں۔ اس پر فلم کے ڈائریکٹر سدھارتھ آنند نے ردعمل دیا ہے۔

 بالی ووڈ سپر اسٹار شاہ رخ خان کی فلمیں سنیما گھروں میں خاص جادو رکھتی ہیں اور ان کی آنے والی فلموں کے لیے مداحوں میں زبردست جوش پایا جاتا ہے۔۲۰۲۳ء میں اسپائی تھرلر فلم ’’پٹھان‘‘ کے ذریعے شاہ رخ خان نے شاندار کارکردگی دکھائی اور ایک بار پھر بالی ووڈ کی ڈوبتی ہوئی کشتی کو سہارا دیا۔ اسی سال ان کی فلم ’’جوان‘‘ نے بھی ۱۰۰۰؍ کروڑ کا بزنس کیا، جبکہ ’’ڈنکی‘‘ کو بھی اچھا رسپانس ملا۔
۲۰۲۴ء اور ۲۰۲۵ء میں بطور مرکزی اداکار ان کی کوئی بڑی فلم ریلیز نہیں ہوئی، لیکن اب ۲۰۲۶ء میں وہ ’’کنگ‘‘ کے ساتھ واپسی کے لیے تیار ہیں۔ فلم کی ریلیز تاریخ کا اعلان ہو چکا ہے اور اس کے ساتھ ہی شاہ رخ خان کا فرسٹ لک بھی سامنے آ گیا ہے۔ فی الحال فلم کی شوٹنگ جنوبی افریقہ میں جاری ہے جہاں سے تصاویر لیک ہو گئی ہیں، جس کے بعد ٹیم کافی پریشان ہے۔

pic.twitter.com/sTvx9IP4w3

— Siddharth Anand (@justSidAnand) May 1, 2026

ڈائریکٹر سدھارتھ آنند کا ردعمل
جنوبی افریقہ شیڈول سے تصاویر لیک ہونے پر سدھارتھ آنند نے تشویش کا اظہار کیا ہے اور مداحوں سے درخواست کی ہے کہ وہ لیک ہونے والی تصاویر کو شیئر یا وائرل نہ کریں۔ انہوں نے کہا کہ ٹیم دن رات محنت کر رہی ہے تاکہ ناظرین کو بہترین سنیما تجربہ دیا جا سکے۔ انہوں نے مداحوں سے صبر کرنے کی اپیل کی اور کہا کہ اصل ویڈیوز اور مناظر ٹیم کی جانب سے خود جاری کیے جائیں گے۔ انہوں نے مزید کہا کہ کنگ کے سیٹ سے لیک ہونے والے کسی بھی مواد کو پھیلایا نہ جائے اور سب سرپرائز کا انتظار کریں۔

یہ بھی پڑھئے:فیڈرر، ندال اور سنر کی کامیابی کی برابری کر کے زیوریو سیمی فائنل میں

لیک ہونے والے مناظر
حال ہی میں شاہ رخ خان اور دپیکا پڈوکون کی ایک سین کی تصاویر سامنے آئی ہیں جس میں شاہ رخ چیک شرٹ اور سن گلاسیز میں جبکہ دپیکا پرنٹڈ ڈریس میں نظر آ رہی ہیں۔ دونوں ایک دوسرے کا ہاتھ پکڑے آگے بڑھتے دکھائی دے رہے ہیں۔

یہ بھی پڑھئے:فیڈرر، ندال اور سنر کی کامیابی کی برابری کر کے زیوریو سیمی فائنل میں

فلم ’’کنگ‘‘ کب ریلیز ہوگی؟
یہ فلم کرسمس کے موقع پر۲۴؍ دسمبر۲۰۲۶ء کو ریلیز کی جائے گی۔ اس ککا پروڈکشن گوری خان کر رہی ہیں جبکہ ہدایت کاری سدھارتھ آنند کے ذمہ ہے۔ فلم کا بجٹ تقریباً  ۳۵۰؍ کروڑ روپے بتایا جا رہا ہے اور اس سے  ۱۰۰۰؍ کروڑ کے بزنس کی توقع کی جا رہی ہے۔ فلم کی کاسٹ میں شاہ رخ خان کے ساتھ دپیکا پڈوکون، رانی مکھرجی، سہانا خان (آغاز)، ابھیشیک بچن، ابھی ویرما، انل کپور اور ارشد وارثی سمیت کئی بڑے نام شامل ہیں۔