بالی ووڈ کے معروف اداکارسنی دیول اپنی آنے والی فلم ’’بٹوارہ ۱۹۴۷ء‘‘ کی تشہیری مہم میں مصروف ہیں۔ تقسیمِ ہند کے پس منظر پر مبنی اس فلم کی تشہیر کا آغاز انہوں نے اپنے بیٹے کرن دیول کے ساتھ بہار کے دارالحکومت پٹنہ سے کیا۔

بالی ووڈ کے معروف اداکارسنی دیول   اپنی آنے والی فلم ’’بٹوارہ ۱۹۴۷ء‘‘ کی تشہیری مہم میں مصروف ہیں۔ تقسیمِ ہند کے پس منظر پر مبنی اس فلم کی تشہیر کا آغاز انہوں نے اپنے بیٹے کرن دیول کے ساتھ بہار کے دارالحکومت پٹنہ سے کیا۔ اتوار کو سنی دیول اور کرن دیول پٹنہ ایئرپورٹ پہنچے، جہاں مداحوں اور میڈیا نمائندوں نے ان کا پرتپاک استقبال کیا۔ دونوں نے مسکراتے ہوئے مداحوں کا خیرمقدم کیا اور تصاویر بھی بنوائیں۔

یہ بھی پڑھئے:گلویر نے چار ملی سیکنڈ کے فرق سے اپنا دوسرا کامن ویلتھ میڈل جیتا

میڈیا سے گفتگو کرتے ہوئے سنی دیول نے بتایا کہ پٹنہ کو فلم کی تشہیری مہم کے پہلے شہر کے طور پر منتخب کیا گیا ہے۔ ان کے مطابق فلم کی پوری ٹیم مختلف شہروں کا دورہ کرے گی تاکہ ناظرین سے براہِ راست ملاقات کی جا سکے، اور اس سفر کا آغاز پٹنہ سے کیا گیا ہے۔
سنی دیول نے یہ بھی کہا کہ ’’بٹوارہ  ۱۹۴۷ء‘‘ان کی پہلی فلم ہے جس میں وہ اپنے بیٹے کرن دیول کے ساتھ ایک ہی اسکرین پر نظر آئیں گے۔ انہوں نے اس تجربے کو اپنے لیے ایک یادگار لمحہ قرار دیا جبکہ کرن دیول نے بھی فلم کا حصہ بننے پر خوشی کا اظہار کیا۔ حال ہی میں فلم کا ٹریلر جاری کیا گیا، جسے ناظرین کی جانب سے مثبت ردِعمل ملا۔ فلم۱۹۴۷ء میں برصغیر کی تقسیم کے دوران ہونے والی خونریزی، ہجرت اور لاکھوں خاندانوں کی مشکلات کو جذباتی انداز میں پیش کرتی ہے۔

یہ بھی پڑھئے:سونو نگم کا دعویٰ: کاپی رائٹ کی لڑائی کے بعد ٹی سیریز اور زی میوزک نے مجھ پر پابندی لگا دی

فلم میں سنی دیول اور کرن دیول کے علاوہ شبانہ اعظمی، پریٹی زنٹا، علی فضل اور ابھیمنیو  بھی اہم کردار ادا کر رہے ہیں۔ رپورٹس کے مطابق یہ فلم معروف ادیب اصغر وجاہت  کے مشہور ڈرامے ’’جس لاہور نئی ویکھیا او جمیا ہی نئی‘‘ سے متاثر ہے۔ فلم کی ہدایت کاری راجکمار سنتوشی نے کی ہے جبکہ اسے عامر خان  نے پروڈیوس کیا ہے۔  ’’بٹوارہ۱۹۴۷ء‘‘ اگست  کو سنیما گھروں میں ریلیز ہوگی۔