ہدایت کار کرسٹوفر نولن کی انتہائی متوقع فلم The Odyssey کی ریلیز سے قبل ہی اس کے ٹکٹوں کی غیرمعمولی مانگ دیکھنے میں آ رہی ہے۔ فلم کے IMAX شوز کے ٹکٹ چند لمحوں میں فروخت ہوگئے، جس کے بعد بلیک مارکیٹ اور سیکنڈری پلیٹ فارمز پر ان کی قیمتیں کئی گنا بڑھ گئی ہیں۔ بعض ٹکٹ ۴۵۰؍ ڈالر (تقریباً ۴۳؍ ہزار روپے) تک فروخت کیے جا رہے ہیں، جبکہ شائقین اپنی پسندیدہ نشست حاصل کرنے کے لیے اصل قیمت سے کئی گنا زیادہ رقم ادا کرنے پر مجبور ہیں۔

ہدایت کار کرسٹوفر نولن کی نئی فلم The Odyssey کی ریلیز سے تقریباً ایک سال قبل ہی اس کے ٹکٹوں کی غیرمعمولی مانگ نے نیا ریکارڈ قائم کردیا ہے۔ فلم کے IMAX شوز کے لیے پیشگی بکنگ شروع ہوتے ہی تمام نشستیں تیزی سے فروخت ہوگئیں، جس کے بعد بلیک مارکیٹ اور سیکنڈری ٹکٹ پلیٹ فارمز پر قیمتیں کئی گنا بڑھ گئی ہیں۔The Odyssey کے ٹکٹوں کی پیشگی فروخت گزشتہ سال ۱۷؍ جولائی کو شروع کی گئی تھی، تاہم ابتدائی مرحلے میں صرف IMAX اسکریننگز کے لیے بکنگ کھولی گئی تھی۔ بعد ازاں جون میں دیگر شوز کی ٹکٹیں بھی فروخت کے لیے پیش کی گئیں، جہاں شائقین کے غیرمعمولی رش کے باعث بیشتر شوز فوری طور پر ہاؤس فل ہوگئے۔

یہ فلم Oppenheimer کی عالمی کامیابی کے بعد کرسٹوفر نولن کا پہلا نیا تخلیقی منصوبہ ہے، جس کے باعث شائقین میں اس کے لیے بے حد جوش و خروش پایا جا رہا ہے۔ ٹکٹوں کی زبردست مانگ کے بعد ٹکٹ اسکیلپرز ایک بار پھر سرگرم ہوگئے ہیں۔ مختلف سیکنڈری پلیٹ فارمز، خصوصاً eBay پر فلم کے ٹکٹ اصل قیمت سے کئی گنا زیادہ نرخوں پر فروخت کیے جا رہے ہیں۔ رپورٹ کے مطابق بعض ٹکٹ ۲۲۵؍ ڈالر سے ۴۵۰؍ ڈالر (تقریباً ۱۹؍ ہزار سے ۴۳؍ ہزار ہندوستانی روپے) تک میں فروخت کیے جا رہے ہیں۔ امریکہ کے مختلف شہروں میں اسکریننگ کے ٹکٹ ۷۵؍ ڈالر سے ۴۵۰؍ ڈالر کے درمیان درج کیے گئے ہیں۔

یہ بھی پڑھئے: ۲۶؍ سال بعد نصیرالدین شاہ کی تمل سنیما میں واپسی، دھنش، مموٹی کی فلم OM کا حصہ

ڈلاس اور لاس اینجلس میں سب سے مہنگے ٹکٹ
رپورٹ کے مطابق Cinemark Dallas XD & IMAX میں دوپہر دو بجے ہونے والی اسکریننگ کا ایک ٹکٹ ۲۲۵؍ ڈالر (تقریباً ۱۹؍ ہزار روپے) میں فروخت کے لیے پیش کیا گیا۔ اسی طرح لاس اینجلس کے مشہور TCL Chinese Theatre میں ہونے والی اسکریننگ کا ایک ٹکٹ ۳۵۰؍ ڈالر (تقریباً ۳۰؍ ہزار روپے) میں فروخت ہوا۔ اب تک سب سے مہنگا ٹکٹ بھی Cinemark Dallas XD & IMAX کی اسکریننگ کا رہا، جس کی قیمت ۴۵۰؍ ڈالر (تقریباً ۴۳؍ ہزار ہندوستانی روپے) تک پہنچ گئی۔

یہ بھی پڑھئے: پنجاب: ’’ستلج‘‘ کی کمیونٹی اسکریننگ شروع، لوگ اسے ’سیوا‘ کہہ رہے ہیں: سویندر وکی

IMAX 70mm کی محدود اسکریننگ نے مانگ بڑھا دی
فلم کی ٹکٹوں کی غیرمعمولی طلب کی ایک بڑی وجہ یہ بھی ہے کہ The Odyssey سنیما کی تاریخ کی پہلی فیچر فلم ہوگی جسے مکمل طور پر IMAX فلم کیمروں پر شوٹ کیا گیا ہے۔ اس کے علاوہ امریکہ میں صرف محدود تعداد میں ایسے سنیما گھر موجود ہیں جو IMAX 70mm فارمیٹ میں فلم کی نمائش کی صلاحیت رکھتے ہیں، جس کے باعث ان شوز کے ٹکٹ چند لمحوں میں فروخت ہوگئے۔سرکاری بکنگ پلیٹ فارمز پر نشستیں ختم ہونے کے بعد اب شائقین کو eBay اور دیگر سیکنڈری ویب سائٹس کا رخ کرنا پڑ رہا ہے، جہاں انہیں اصل قیمت سے دو سے تین گنا زیادہ ادائیگی کرنا پڑ رہی ہے۔

یہ بھی پڑھئے: ’’ڈُون ۳‘‘ کا ٹریلر جاری، پال ایٹریڈیز کی آخری جنگ کی پہلی جھلک، مداح پُرجوش

نولن کی فلموں میں پہلے بھی ایسا ہو چکا ہے
یہ پہلا موقع نہیں جب کرسٹوفر نولن کی کسی فلم کے ٹکٹ بلیک مارکیٹ میں اتنی زیادہ قیمت پر فروخت ہو رہے ہوں۔ اس سے قبل بھی ان کی فلموں کے لیے ٹکٹ اسکیلپرز سرگرم رہے ہیں۔ نولن کی گزشتہ فلم Oppenheimer نے، Barbie کے ساتھ سخت مقابلے کے باوجود، دنیا بھر میں تقریباً ۸ء۹۷۵؍  ملین ڈالر کا بزنس کیا تھا، جس کے بعد ان کی نئی فلم کے لیے شائقین کی دلچسپی مزید بڑھ گئی۔

یہ بھی پڑھئے: گرودت نے لازوال مزاحیہ اور بے مثال سنجیدہ فلمیں بنائیں

ہومر کی شہرۂ آفاق رزمیہ داستان پر مبنی فلم
The Odyssey قدیم یونانی شاعر ہومر کی شہرۂ آفاق رزمیہ نظم Odyssey پر مبنی ہے، جس میں ٹروجن جنگ کے بعد بادشاہ اوڈیسیئس کے اپنے وطن اتھاکا واپس پہنچنے کے دس سالہ سفر کو پیش کیا گیا ہے۔ فلم میں میٹ ڈیمن بادشاہ اوڈیسیئس کا کردار ادا کر رہے ہیں، جبکہ اینی ہیتھ وے ان کی اہلیہ پینیلوپ اور ٹام ہالینڈ ان کے بیٹے ٹیلیماکس کے کردار میں نظر آئیں گے۔فلم کی دیگر نمایاں کاسٹ میں زینڈایا، رابرٹ پیٹنس، لوپیتا نیئونگ، ایلیٹ پیج، میا گوتھ اور شارلیز تھیورن شامل ہیں۔