پین انڈیا اسٹار پربھاس اس وقت کئی فلموں میں مصروف ہیں، جن میں سے ایک ’’فوجی‘‘ بھی ہے۔ کافی عرصے سے اس فلم کے بارے میں بات چیت جاری ہے اور اب اس پر ایک بڑا اپڈیٹ سامنے آیا ہے۔ فلم کے سیکوئل کے بارے میں میکرز کا کیا پلان ہے، اس کی اہم معلومات مل گئی ہیں۔

ہندوستان کے سب سے بڑے سپر اسٹارز میں سے ایک پربھاس ان دنوں کافی مصروف ہیں کیونکہ ان کے پاس کئی فلمیں موجود ہیں۔ سندیپ ریڈی وانگا کے ساتھ ان کی’’اسپرٹ‘‘ بھی خبروں میں ہے، لیکن ’’فوجی‘‘ بھی مسلسل توجہ کا مرکزہے۔ یہ فلم ۲۰۲۶ء اور۲۰۲۷ء تک ریلیز ہونے کی توقع ہے۔ مداحوں کو پربھاس کی ’’فوجی‘‘ کا بے صبری سے انتظار ہے۔ یہ ایک پیریڈ وار ایکشن ڈراما ہے جس کی ہدایت کاری ہنو راگھاوپودی کر رہے ہیں۔ فلم میں جنگ کے میدان کے زبردست ایکشن کے ساتھ ایک جذباتی اور رومانوی کہانی بھی دکھائی جائے گی۔ اس فلم میں ایمانوی مرکزی کردار ادا کریں گی، جو پربھاس کے ساتھ اپنا آغاز کر رہی ہیں۔
مائتری مووی میکرز کے بینر تلے بننے والی ’’فوجی‘‘ ۱۹۴۰ء کی دہائی کے پس منظر پر مبنی ایک جنگی فلم ہے۔ اس سال کئی فلموں کے سیکوئل آنے کی بات ہو رہی ہے، جن کا ناظرین کو انتظار ہے۔ اسی تناظر میں پربھاس کی آنے والی فلم ’’فوجی‘‘ کو بھی دو حصوں میں بنانے کی باتیں ہو رہی تھیں، لیکن میکرز نے اپنا پلان واضح کر دیا ہے۔ وہ’’فوجی‘‘ کا سیکوئل نہیں بلکہ پری کوئل بنانے کی تیاری کر رہے ہیں۔

یہ بھی پڑھئے:فرح خان، سونو سود سمیت دیگر فلمی شخصیات راہل رائے کی حمایت میں سامنے آئے

کیا بنے گا ’’فوجی‘‘ کا پری کوئل؟
حال ہی میں مائتری مووی میکرز کے پروڈیوسرز نے فلم کی کہانی کے بارے میں دلچسپ اپڈیٹ دی ہے۔ اگرچہ اسے سیکوئل بیسڈ فرنچائز بنانے کا کوئی پلان نہیں ہے، لیکن ایک پری کوئل بنانے کا ارادہ ضرور ہے۔ ان کے مطابق کہانی کا ایک اہم حصہ ابھی تک نہیں دکھایا گیا، جس میں مرکزی کردار کی ابتدا (اوریجنز) کو تفصیل سے دکھایا جا سکتا ہے۔ اسی پہلو کو سامنے لانے کے لیے پری کوئل کی ابتدائی تیاری کا کام شروع ہو چکا ہے۔

یہ بھی پڑھئے:فیڈرر، ندال اور سنر کی کامیابی کی برابری کر کے زیوریو سیمی فائنل میں

فوجی کب ریلیز ہوگی؟
اگر یہ منصوبہ حقیقت بنتا ہے تو یہ پربھاس کے کیریئر کا ایک بڑا پروجیکٹ ہوگا۔ پہلی بار ہنو راگھاوپودی اپنی کہانی کو ایک بڑے فرنچائز فارمیٹ میں پیش کریں گے۔ یہ فلم مائتری مووی میکرز کے تحت بڑے پیمانے پر ۷۰۰؍ کروڑ روپے سے زائد بجٹ میں بنائی جا رہی ہے۔ کاسٹ میں انوپم کھیر، جیا پردا، متھن چکرورتی اور چیترا جے آچار جیسے تجربہ کار اداکار اہم کرداروں میں نظر آئیں گے۔ وشال چندر شیکھر کی موسیقی سے سجی یہ فلم اس سال کے آخر میں کئی زبانوں میں ریلیز ہوگی۔