ایمی یافتہ کامیڈین ویر داس کی نئی کامیڈی فلم ’’فول والیوم‘‘ ۱۸؍ جولائی ۲۰۲۵ء کو نیٹ فلکس پر ریلیز ہوگا۔ قبل ازیں نیٹ فلکس پر ان کی چھ کامیڈی شوز ریلیز ہوچکے ہیں۔ ۲۰۲۳ء میں انہیں اپنی سیریز ’’ویر داس: لینڈنگ‘‘ کیلئے ایمی ایوارڈ دیا گیا تھا۔

انٹرنیشنل ایمی یافتہ کامیڈین ویر داس کی نیا کامیڈی شو ’’فول والیوم‘‘ ۱۸؍ جولائی ۲۰۲۵ء کو نیٹ فلکس پر نشر ہوگا۔ نیٹ فلکس نے  شو کا اعلان  کرتے ہوئے لکھا ہے کہ ’’ہندوستانی کامیڈی خاموش نہیں رہے گی۔ ایمی یافتہ کامیڈین ویر داس کا نیا کامیڈی شو نیٹ فلکس پر ریلیز ہوگا۔‘‘ یاد رہے کہ یہ نیٹ فلکس کے ساتھ ساتویں شراکت داری ہے۔ قبل ازیں ۲۰۱۷ء میں انہوں نے ’’ابروڈ انڈر اسٹینڈنگ‘‘ نے دنیا بھر کے صارفین کو ان کے ہیومر سے متعارف کروایا تھا۔

یہ بھی پڑھئے: ’’ہاؤس فل ۵‘‘ نے ۱۷۵؍ کروڑ روپے کا ہندسہ پار کرلیا

بعد ازیں ان کے کامیڈی شوز ’’ہنسمکھ‘‘ (۲۰۱۹ء)، ’’لوزنگ اٹ‘‘ (۲۰۱۸ء)، ’’فار انڈیا‘‘ (۲۰۲۰ء) ریلیز ہوچکے ہیں۔ ۲۰۲۳ء میں نیٹ فلکس کی اپنی خصوصی سیریز ’’ویر داس: لینڈنگ‘‘ کیلئے انہیں ایمی ایوارڈ تفویض کیا گیا تھا جس پر عالی ثقافت پر روشنی ڈالی گئی تھی۔ ۴۶؍ سالہ داس اپنی یادگار ’’دی آؤٹ سائیڈر: اے میمائر فار مس فٹس‘‘ کے ذریعے بطور مصنف اپنے کریئر کی شروعات کریں گے۔ فی الحال وہ اپنے انٹرنیشنل مائنڈ فول ٹور میں مصروف ہیں جس کے ذریعے وہ اپنی کامیڈی کو ۳۳؍ ممالک تک پہنچائیں گے۔