پربھاس کے لیے ۲۰۲۶ء کی شروعات اچھی نہیں رہی ہے۔ جی ہاں، ان کی فلم ’راجہ صاب‘ ریلیز ہوئی تھی جو باکس آفس پر بری طرح ناکام رہی۔ اسی سال ’فوجی‘ بھی ریلیز ہونے والی ہے جس پر وہ اس وقت کام کر رہے ہیں۔ ساتھ ہی اب ’ کالکی‘ کے سیکوئل کا کام بھی شروع ہو چکا ہے۔ کیا فلم کا نام بدلنے والا ہے؟

پربھاس کی اگلی فلم کا بے صبری سے انتظار کیا جا رہا ہے۔ جی ہاں، وہ ’فوجی‘ سے واپسی کر رہے ہیں جسے اسی سال ریلیز کرنے کی تیاری ہے اور اسے ہنو راگھاوپڈی بنا رہے ہیں۔ ویسے تو سال کے آغاز میں ہی ’’دی راجہ صاب‘‘ ریلیز ہوئی تھی، مگر فلم کے ساتھ ہی ناکام  ہو جانا کسی نے نہیں سوچا تھا۔ تاہم انہوں نے پہلے ہی سندیپ ریڈی وانگا کی ’اسپرٹ‘ پر کام شروع کر دیا تھا جو اگلے سال ریلیز ہوگی۔ لیکن ان سب کے علاوہ ان کی فلم ’’کالکی‘‘ کے سیکوئل پر بھی کام جاری ہے۔ جی ہاں، امیتابھ بچن نے خود تصاویر شیئر کر کے اپڈیٹ دیا تھا۔ اسی دوران یہ خبر بھی سامنے آئی ہے کہ فلم کے ٹائٹل کو تبدیل کرنے پر غور کیا جا رہا ہے۔ ساتھ ہی انٹرول ایپیسوڈ کے بارے میں بھی اپڈیٹ مل گیا ہے۔
۲۰۲۴ء میں ’کالکی اے ڈی ۲۸۹۸‘ ریلیز ہوئی تھی جو اس سال کی پہلی بلاک بسٹر فلم ثابت ہوئی۔ اس نے باکس آفس پر۱۰۰۰؍ کروڑ روپے سے زیادہ کا کاروبار کیا تھا۔ فلم میں پربھاس کے مقابل دپیکا پڈوکون نے کام کیا تھا۔ لیکن اب اس فلم سے ان کا کردار ختم کر دیا گیا ہے۔ وہ اس پروجیکٹ سے باہر ہو چکی ہیں۔ ان کی جگہ کئی اداکاراؤں کے نام زیرِ غور ہیں، مگر ابھی تک کسی کو فائنل نہیں کیا گیا۔ اب نیا اپڈیٹ جانتے ہیں۔

یہ بھی پڑھئے:ایران جنگ کے نتیجے میں جرمنی میں ۲؍ لاکھ ملازمتیں ختم ہو سکتی ہیں: رپورٹ

کالکی کے سیکوئل پر کیا اپڈیٹ آیا؟
 کالکی کے سیکوئل کو لے کر ماحول تیار ہے۔ جب سے فلم کی شوٹنگ شروع ہوئی ہے، مداح بھی کافی پرجوش ہیں۔ وہ جاننا چاہتے ہیں کہ فلمساز کہانی کو آگے کیسے بڑھا رہے ہیں۔ حال ہی میں ایک نیوز ویب سائٹ کی رپورٹ میں بتایا گیا کہ میکرز نئے شیڈول کی تیاری میں مصروف ہیں۔ کہا جا رہا ہے کہ وہ انٹرول والے حصے کے لیے ایک بڑا اور شاندار سیٹ تیار کروا رہے ہیں۔
اس انٹرول حصے میں پربھاس کے ساتھ امیتابھ بچن اور کمل ہاسن بھی نظر آئیں گے۔ حال ہی میں یہ بھی معلوم ہوا تھا کہ پچھلے شیڈول میں کمل ہاسن اور امیتابھ بچن کے مناظر شوٹ کیے جا چکے ہیں۔ اب فلم کا ایک اور بڑا اپڈیٹ ٹائٹل کے حوالے سے ہے۔

یہ بھی پڑھئے:کیا کارتک آرین اور سری لیلا کی رومانوی فلم کی شوٹنگ مکمل ہو گئی؟

جی ہاں، رپورٹ کے مطابق ’’کالکی‘‘ کے میکرز اس سیکوئل کا نام ’’کرن بی سی ۳۱۰۲‘‘ رکھنے پر غور کر رہے ہیں۔ اس کا مطلب یہ ہے کہ یہ دوسرا حصہ اب ’کالکی ۲ ‘ نہیں ہوگا۔ دراصل سیکوئل میں پرانوں سے جڑی کہانیوں پر زیادہ فوکس ہونے کی توقع ہے۔ پہلے حصے کے آخر میں پربھاس کو ’کرن‘ کے روپ میں دکھایا گیا تھا۔ اب دیکھنا یہ ہے کہ میکرز ٹائٹل کے بارے میں کب حتمی اعلان کرتے ہیں۔