گلوکار زین ملک نے تصدیق کی ہے کہ ان کا پانچواں اسٹوڈیو البم کوناکول (Konnakol) ۱۷؍ اپریل کو مرکری ریکارڈز کے تحت ریلیز ہوگا۔ سابق ون ڈائریکشن رکن نے یہ بھی اعلان کیا کہ البم کا پہلا سنگل ڈائی فار می (Die For Me )چھ فروری کو جاری کیا جائے گا۔

 گلوکار زین ملک نے تصدیق کی ہے کہ ان کا پانچواں اسٹوڈیو البم کوناکول  (Konnakol) ۱۷؍ اپریل کو مرکری ریکارڈز کے تحت ریلیز ہوگا۔ سابق ون ڈائریکشن رکن نے یہ بھی اعلان کیا کہ البم کا پہلا سنگل ڈائی فار می (Die For Me )چھ فروری کو جاری کیا جائے گا۔ زین ملک نے سوشل میڈیا پر لکھاکہ ’’وہ وقت پھر آ گیا ہے، میں خود کو خوش قسمت سمجھتا ہوں کہ مجھے اپنا پانچواں اسٹوڈیو البم بنانے کا موقع ملا۔‘‘لاس ویگاس میں پارک ایم جی ایم کے ڈولبی لائیو میں ہونے والے اپنے حالیہ شوز کے دوران، انہوں نے البم کے نئے گانے بھی پیش کیے، جیسا کہ رولنگ اسٹون نے رپورٹ کیا۔
البم کا عنوان ہندوستانی کرناٹک موسیقی سے ماخوذ ہے، جہاں  ’کوناکول ‘ سے مراد آواز کے ذریعے تال اور ڈھول کی لے کی نقل کرنا ہوتا ہے۔زین نے ایک بیان میں کہاکہ ’’کوناکول  کی لغوی تعریف تو آواز کے ذریعے تال پیدا کرنا ہے، لیکن میرے لیے اس کا مطلب کہیں زیادہ گہرا ہے۔ یہ ایک ایسی آواز ہے جو الفاظ کے وجود میں آنے سے پہلے کے زمانے کی بازگشت اپنے اندر سموئے ہوئے ہے۔‘‘

یہ بھی پڑھئے:مغربی بنگال کے عبوری بجٹ میں ’ممتا‘ کی جھلک،کئی دلکش اعلانات

انہوں نے مزید کہا کہ ’’جب سے میں نے اپنی موسیقی خود بنانا شروع کی، میں ہمیشہ اپنی وراثت سے متاثر رہا ہوں۔ یہ البم اس سمجھ بوجھ کا تسلسل ہے اب میں پہلے سے زیادہ جانتا ہوں کہ میں کون ہوں، کہاں سے آیا ہوں اور کہاں جانا چاہتا ہوں۔‘‘  کوناکول ، زین ملک کے ۲۰۲۴ء کے البم  روم انڈر دی اسٹیئرس  کے بعد آ رہا ہے، جو ایک صوتی (اکوسٹک) انداز کا البم تھا اور جسے پروڈیوسر ڈیو کوب کے ساتھ تیار کیا گیا تھا، جہاں کہانی پر مبنی شاعری کو خاص اہمیت دی گئی تھی۔ نئے پروجیکٹ کے ساتھ،۳۳؍ سالہ موسیقار ایک بار پھر آر اینڈ بی پاپ کی طرف واپس آ رہے ہیں۔

یہ بھی پڑھئے:پہلی فلم کے بعد چار سال تک دوسری فلم سائن کرنے پر پابندی تھی: اہان شیٹی

یہ پہلا موقع نہیں کہ زین نے اپنے ہندوستانی  پس منظر کو اپنے کام میں اجاگر کیا ہو۔ ان کا پہلا سولو البم ’’مائنڈ آف مائن‘‘، جو مارچ میں اپنی دسویں سالگرہ منا رہا ہے، ایک اردو زبان کے انٹرلُیو پر مشتمل تھا۔لاس ویگاس میں ہونے والی پرفارمنسز کے دوران، انہوں نے اس تھیم کو برفانی تیندوے (Snow Leopard) کی ویژولز کے ذریعے چھیڑا، جو جنوبی ایشیا میں آزادی اور طاقت کی علامت سمجھا جاتا ہے اور شو کا آغاز ایک غیر جاری شدہ گانے سے کیا۔