اداکارہ سیامی کھیر نے فلم ساز وکرم پھڈنیس کی آنے والی بغیر عنوان والی رومانوی ڈراما فلم سے اپنا شاندار فرسٹ لک شیئر کیا ہے۔ اس فلم کی کہانی انسانی رشتوں اور جذبات کے گرد گھومتی ہے۔

اداکارہ سیامی کھیر نے فلم ساز وکرم پھڈنیس کی آنے والی بغیر عنوان والی رومانوی ڈراما فلم سے اپنا شاندار فرسٹ لک شیئر کیا ہے۔ اس فلم کی کہانی انسانی رشتوں اور جذبات کے گرد گھومتی ہے، جس میں محبت، احساسات اور رشتوں کی پیچیدگیوں کو نہایت حساس انداز میں پیش کیا جائے گا۔
جاری کیے گئے فرسٹ لک میں سیامی ایک فیشن فوٹوگرافر کے کردار میں نظر آ رہی ہیں۔ تصویر میں وہ ایک پروفیشنل کیمرا ہاتھ میں لیے قدرتی آؤٹ ڈور لوکیشن پر دکھائی دے رہی ہیں۔ ان کا سادہ اور حقیقت سے قریب انداز فلم کے جذباتی اور زمینی مزاج کو خوبصورتی سے ظاہر کرتا ہے۔ اس کردار کے لیے سائیامی نے اپنی حقیقی زندگی کی دوست اور ہندوستان کی مشہور فیشن فوٹوگرافر ترس تاراپور والا سے متاثر ہو کر تیاری کی ہے۔
فلم میں طاہر راج بھسین اور ونیت کمار بھی اہم کرداروں میں نظر آئیں گے۔ یہ فلم وکرم پھڈنیس کے لیے بھی بے حد خاص ہے، کیونکہ یہ ان کی پہلی ہندی ہدایتکاری والی فلم ہوگی جو ریلیز ہونے جا رہی ہے۔ وکرم اپنی بہترین اسٹائل سینس، جذبات کی گہرائی اور کہانی سنانے کے منفرد انداز کے لیے جانے جاتے ہیں۔
فلم اور وکرم پھڈنیس کے ساتھ کام کرنے کے تجربے پر سیامی کھیر نے کہا’’جب وکرم نے مجھے فلم کی کہانی سنائی تو میں نے فوراً ہاں کر دی۔ میں خود کو بہت خوش قسمت سمجھتی ہوں کہ مجھے اتنا مضبوط اور مصنف پر مبنی کردار ملا۔ میرے جیسے فنکار ایسے طاقتور کرداروں کا انتظار کرتے رہتے ہیں، اس لیے جب بھی مجھے ایسا موقع ملتا ہے تو میں خود کو بے حد خوش نصیب محسوس کرتی ہوں۔ یہ فلم وکرم کے لیے بہت ذاتی حیثیت رکھتی ہے، اسی لیے ان کی امیدوں پر پورا اترنے کی ذمہ داری بھی مجھ پر زیادہ تھی۔ امید ہے کہ میں اس پر پوری اتری ہوں۔‘‘

یہ بھی پڑھئے:سنیل دت نے اینٹی ہیرو سےآغاز کیا اورزندگی میں ہیرو بنے

سیامی نے مزید کہاکہ ’’وکرم بہت اچھے انسان ہیں۔ ان کی ایمانداری، محنت اور اپنے وژن پر اعتماد ہی اس فلم کو ممکن بنا پایا ہے۔ انہیں پوری طرح معلوم تھا کہ وہ کیا بنانا چاہتے ہیں۔ فیشن انڈسٹری میں اتنا بڑا نام ہونے اور انڈسٹری میں اتنی رسائی رکھنے کے باوجود وہ اس کردار کے لیے کسی بڑے اسٹار کو منتخب کر سکتے تھے، لیکن انہوں نے کردار کے ساتھ ایماندار رہنے اور اپنے فیصلوں پر بھروسہ کرنے کو ترجیح دی۔‘‘

یہ بھی پڑھئے:ریئل میڈرڈ نے فتح کے ساتھ لالیگا سیزن کا اختتام کیا

اپنی بات ختم کرتے ہوئے سیامی  نے کہا’’میں اس فلم میں ایک فوٹوگرافر کا کردار ادا کر رہی ہوں اور ہر فلم کے ساتھ کچھ نیا سیکھنا ہمیشہ ایک شاندار تجربہ ہوتا ہے۔ جیسا کہ آپ دیکھ سکتے ہیں، وکرم نے مجھے اس فلم میں بالکل نیا لک دیا ہے۔ مجھے ونیت اور طاہر جیسے بہترین اداکاروں کے ساتھ کام کرنے کا موقع ملا، جو میرے لیے خوشی کی بات ہے۔ دونوں ہی لاجواب، پُراعتماد اور تعاون کرنے والے فنکار ہیں، جس سے کام کرنا اور بھی آسان ہو جاتا ہے۔ میں خود کو خوش قسمت سمجھتی ہوں کہ مجھے ’’حیوان ‘‘ جیسی فلم اور یہ فلم ملی دونوں ایک دوسرے سے بالکل مختلف کردار اور کہانیاں ہیں۔ میری بس یہی امید ہے کہ مجھے کیمرے کے سامنے ایسی کئی نئی زندگیاں جینے کا موقع ملتا رہے۔‘‘ اپنی جذباتی کہانی اور مضبوط اسٹارکاسٹ کی وجہ سے یہ فلم پہلے ہی ناظرین کے درمیان تجسس پیدا کر رہی ہے۔ مداح اب سیامی کھیر کو ایک اور منفرد اور پرفارمنس پر مبنی کردار میں دیکھنے کے لیے بے حد پُرجوش ہیں۔