نیا سال صحت کے عزائم کیلئے انتہائی موزوں وقت ہے۔ لیکن خیال رہے کہ یہ آسان اور قابل ِ عمل ہوں۔ سخت اور پیچیدہ ڈائٹ یا معمولات کا انتخاب کرنے کے بجائے چند چھوٹی چھوٹی عادتیں اپنا کر انسان صحتمند رہ سکتا ہے۔
اچھی صحت کے لئے جسمانی طور پر فعال رہنے کی ضرورت ہوتی ہے۔ تصویر: آئی این این
نیا سال صحت کے عزائم کیلئے انتہائی موزوں وقت ہے۔ لیکن خیال رہے کہ یہ آسان اور قابل ِ عمل ہوں۔ سخت اور پیچیدہ ڈائٹ یا معمولات کا انتخاب کرنے کے بجائے چند چھوٹی چھوٹی عادتیں اپنا کر انسان صحتمند رہ سکتا ہے۔ آج اس کالم میں صحت کے حوالے چند معمولی مگر مؤثر عادتوں کا ذکر کیا جا رہا ہے:
صحتمند عادتیں
متوازن غذا کھائیں۔
جسم کو ہائیڈریٹ رکھیں۔
کھانا ترک نہ کریں۔
جسمانی طور پر فعال رہنے کے لئے اپنی پسندیدہ سرگرمیاں اپنائیں۔ مثال کے طور پر چہل قدمی، یوگا یا اسپورٹس۔
مناسب نیند لیں۔
ذہنی دباؤ سے خود کو دور رکھیں۔
یہ عادتیں انسانی جسم کو صحتمند رکھنے میں معاون ثابت ہوسکتی ہیں۔
آسان اور قابل عمل عزائم
نئے سال میں ’ہیلتھ ریزولیشن‘ لیتے وقت خیال رہے کہ وہ آسان اور قابل عمل ہوں تاکہ آپ پورے سال ان پر قائم رہیں۔ چھوٹے چھوٹے ہدف طے کریںا ور انہیں پورا کریں۔ ہر کامیابی کا جشن منائیں۔ خیال رہے کہ اچھی صحت حاصل کرنے کے لئے پرفیکشن کی نہیں مسلسل کوشش کی ضرورت ہوتی ہے۔
لہٰذا اس نئے سال میں چند اچھی عادتیں اپنائیں اور صحتمند رہیں۔
