ایسا ہوا ہوگا کہ آپ نے چپس یا بسکٹ کے پیکٹ کو اُٹھا کر اس کے نیوٹریشن لیبل کو پڑھا ہو اور وہ سمجھ میں نہ آیا ہو۔

ایسا ہوا ہوگا کہ آپ نے چپس یا بسکٹ کے پیکٹ کو اُٹھا کر اس کے نیوٹریشن لیبل کو پڑھا ہو اور وہ سمجھ میں نہ آیا ہو۔ یہی فوڈ سیفٹی اینڈ اسٹینڈرڈز اتھاریٹی آف انڈیا (ایف ایس ایس اے آئی) تبدیل کرنا چاہتی ہے۔ آج اس کالم میں اس بارے میں تفصیل سے جانئے:

ایف ایس ایس اے آئی کی ذمہ داری

ایف ایس ایس اے آئی ہندوستان کا فوڈ سیفٹی ریگولیٹر ہے۔ یہ محکمہ اس بات کو یقینی بناتا ہے کہ جو کھانا ہم کھاتے ہیں وہ محفوظ اور صحت بخش ہوں اور ان پر لگا ہوا لیبل درست ہو۔ حال ہی میں ایف ایس ایس اے آئی نے فوڈ کمپنیوں کو ہدایت دی ہے کہ وہ غذائیت سے متعلق اہم معلومات جیسے کہ ایڈیڈ شوگر، سیچوریٹیڈ فیٹ، اور سوڈیم (نمک) کو پیکجڈ فوڈ لیبلز پر نمایاں کریں۔ اس سے صارفین کو خریدنے سے پہلے یہ سمجھنے میں مدد ملتی ہے کہ پیکٹ کے اندر کیا ہے۔

یہ بھی پڑھئے: مجموعی صحت کے لئے صبح یہ تین عادتیں اپنائیے

یہ کیوں اہم ہے؟

شوگر، غیر صحتمند چکنائی اور نمک کی زیادتی سے موٹاپا، ذیابیطس، ہائی بلڈ پریشر اور دل کے امراض کا خطرہ بڑھ جاتا ہے۔ پروڈکٹ پر لگے نیوٹریشن لیبل واضح انداز میں درج ہونے سے صارفین کے لئے پروڈکٹس کے درمیان موازنہ کرنے اور صحت بخش پروکٹس کا انتخاب کرنے میں مدد ملتی ہے۔

پروڈکٹس کا ’Healthy‘ یا ’Natural‘ دعویٰ کرنے پر نہ خریدیں۔ ہمیشہ نیوٹریشن لیبل اور اجزاء کی لسٹ پڑھ کر ہی پروڈکٹ خریدیں۔

حرفِ آخر، لیبل پڑھ کر پروڈکٹس خریدنے کی معمولی عادت سے آپ کی صحت میں نمایاں تبدیلی آسکتی ہے۔ آپ آج بیدار ہوں گے تو کل صحتمند ہوں گے۔