جب شکایت کرنا آپ کی عادت بن جاتی ہے یا طویل عرصے تک ایک ہی بات دہرائی جاتی ہے تو اس کا اثر آپ کی صحت پر پڑ سکتا ہے۔

شکایت کرنے کا مطلب ہوتا ہے جو بھی چیز آپ کو صحیح یا اطمینان بخش نہیں ہوتی ہے اس کے بارے میں آواز اٹھانا۔ اپنی ناخوشی کو ظاہر کرنے کے کئی طریقے ہوسکتے ہیں، مثال کے طور پر شکایت کرنا، چڑچڑا پن، رونا دھونا، اعتراض کرنا، مخالفت کرنا یا تنقید کرنا۔ ان سبھی طریقوں اور لفظوں سے منفی رویہ ظاہر ہوتا ہے۔ ہمیں ضرورتاً اور عادتاً شکایت کے درمیان فرق سمجھنے کی ضرورت ہے۔ جب بھی کوئی غلط چیز آپ کے سامنے، یا آپ کے ساتھ ہو، تب اعتراض کریں۔ مثال کے طور پر اگر ٹریفک کے قانون توڑنے کیلئے آپ پر غلط طریقے سے جرمانہ عائد کیا جا رہا ہے تو آپ کو شکایت درج کرنے کا حق ہے۔ وہیں مسلسل اس بات کیلئے رونا کہ کس طرح زندگی نے آپ کے حصے میں صرف کانٹے ہی کانٹے بو دیئے ہیں یا پھر یہ سوچنا کہ ہر کوئی مجھے ہی غلط سمجھتا ہے اور اپنے حالات کیلئے کسی اور کو ذمہ دار ٹھہرانا وغیرہ یہ ظاہر کرتا کہ آپ کو شکایت کرنے کی عادت ہے۔ ماہرین کے مطابق، اگر شکایت کرنا آپ کی عادت میں شامل ہے تو آپ کے نقصاندہ ثابت ہوسکتا ہے۔ جو کچھ بھی ہمارے مطابق یا جو امید کی ہے، ویسا نہ ہو تو شکایت کرنا فطری عمل ہے۔ اگر یہ صرف اسی لمحے ظاہر کیا جائے تو اس میں نقصان نہیں ہے۔ ہوسکتا ہے کہ کبھی کسی وجہ سے یہ شکایت دوبارہ ظاہر ہوسکتی ہے۔ لیکن جب شکایت کرنا آپ کی عادت بن جاتی ہے یا طویل عرصے تک ایک ہی بات دہرائی جاتی ہے تو اس کا اثر آپ کی صحت پر پڑ سکتا ہے۔
 عام طور پر شکایت کرنا ایک فطری عمل ہے۔ دراصل ہم سبھی ایک ایسے ماحول میں رہتے ہیں جہاں ناراضگی ظاہر کرنا اور شکایت کرنا معمول ہے۔ مسلسل شکایت کرنے کی عادت کچھ اس طرح سے آپ کی خوشیوں میں گرہن لگ سکتا ہے۔ اس لئے بہتر یہ ہے کہ اپنی زندگی سے مطمئن رہیں۔ ہر وقت شکوہ نہ کریں۔ اللہ رب العزت نے جتنا نوازا ہے اس پر شکر کرنا سیکھیں۔