آپ نے اکثر سنا ہوگا کہ مٹی یا گردوغبار کی وجہ سے ہمارے اسمارٹ فون جلدی گندے ہوجاتے ہیں اور بعض اوقات اسپیکر، ایئر پیس یا چارجنگ پورٹ ٹھیک سے کام کرنا بند کردیتے ہیں لیکن تصور کریں کہ کیا یہ مٹی آپ کے فون کو دوبارہ نئے جیسا بنا دیتی ہے؟

آپ نے اکثر سنا ہوگا کہ مٹی یا گردوغبار کی وجہ سے ہمارے اسمارٹ فونس جلدی گندے ہوجاتے ہیں اور بعض اوقات اسپیکر، ایئر پیس یا چارجنگ پورٹ ٹھیک سے کام کرنا بند کردیتے ہیں  اس کے باوجود  تصور کریں کہ کیا یہ مٹی آپ کے فون کو دوبارہ نئے جیسا بنا دیتی ہے؟ جی ہاں، مارکیٹ میں ایک خاص قسم کی صفائی کی پُٹّی  موجود ہے جو کہ  مٹی کی طرح دکھائی دیتی ہے لیکن آپ کے فون کے لیے کلینر کی طرح کام کرتی ہے۔
 پُٹّی کے ذریعہ صفائی   
پُٹّی کلینر دراصل مٹی اور ربڑ جیسے مواد کا مرکب ہے، جو انتہائی لچکدار اور قدرے چپچپا ہوتا ہے۔ یہ آسانی سے کوئی بھی شکل اختیار کر لیتا ہے اور فون کے ان حصوں تک پہنچ جاتا ہے، جنہیں عام طور پر صاف کرنا مشکل ہوتا ہے۔
کن جگہوں پر مفید ہے؟
اسمارٹ فون کے اسپیکر اور ایئر پیس میں جمع ہونے والی گندگی کو دور کرنے کے لیے، چارجنگ پورٹ کو صاف کرنے کے لیے، ایئرفون اور چارجر جیسے آلات  سے دھول کو ہٹانے کے لیے،جب یہ پُٹّی فون کے تنگ حصوں میں جاتی ہے تو یہ اپنے ساتھ گندگی کو کھینچ لیتی ہے۔ نتیجہ یہ ہے کہ آپ کا فون دوبارہ صاف اور نیا نظر آنے لگتا ہے۔

یہ بھی پڑھیئے:بارش میں کپڑوں کی بدبو سے۵؍ منٹ میں نجات پائیں

 یہ خاص کیوں ہے؟
 عام طور پر لوگ فون کے چارجنگ پورٹ یا اسپیکر سے گندگی کو دور کرنے کے لیے پن، ٹوتھ پک یا کوئی تیز چیز استعمال کرتے ہیں۔ لیکن ایسا کرنے سے فون کے نازک حصوں کو نقصان پہنچ سکتا ہے۔ دوسری جانب پُٹّی کلینر نہ صرف محفوظ ہے بلکہ یہ فون کی تنگ جگہوں کی شکل بھی اختیار کر لیتا ہے اور اندر پھنسی ہوئی دھول کو آسانی سے باہر نکال لیتی ہے۔
 کیسے استعمال کریں؟
پیکٹ سے پُٹّی کا ایک چھوٹا ٹکڑا نکالیں۔اسے اپنے ہاتھوں میں کچھ دیر رگڑیں تاکہ یہ زیادہ نرم اور لچکدار ہوجائے۔ اب اسے فون کے ایئر پیس، اسپیکر گرل یا چارجنگ پورٹ پر دبائیں۔ چند سیکنڈس کے بعد باہر نکالیں، اس کے ساتھ گندگی بھی باہر آجائے گی۔ یعنی آپ کا فون چند منٹوں میں بغیر کسی خطرے کے صاف ہو جائے گا۔