• Mon, 26 February, 2024
  • EPAPER

Inquilab Logo

اوڑھنی اسپیشل: ایک تفریحی مقام کی میری یادیں

Updated: November 30, 2023, 5:08 PM IST | Saaima Shaikh | Mumbai

گزشتہ ہفتے مذکورہ بالا عنوان دیتے ہوئے ہم نے ’’اوڑھنی‘‘ کی قارئین سے گزارش کی تھی کہ اِس موضوع پر اظہارِ خیال فرمائیں۔ باعث مسرت ہے کہ ہمیں کئی خواتین کی تحریریں موصول ہوئیں۔ ان میں سے چند حاضر خدمت ہیں۔

Photo: INN
بھاگتی دوڑتی زندگی سے دور پُر کیف فضا میں کچھ وقت گزارنا ذہن کو سکون بخشتا ہے اور ہماری یادوں کا حصہ بن جاتا ہے۔ تصویر: آئی این این

مروڈ جنجیرہ کا قلعہ


مہاراشٹر کے رائے گڑھ میں واقع ایک قلعہ جس کا اپنا ہی جلوہ ہے وہ جنجیرہ کا قلعہ ہے۔ یہ سمندر کے درمیان واقع ہے اور مضبوطی کی علامت ہے۔ یہ قلعہ مہاراشٹر کے علی باغ سے کم و بیش ۵۵؍ کلومیٹر کی دوری پر مروڈ کے ساحل پر ہزاروں سیاحوں کی دلچسپی کا مرکز بنا رہتا ہے۔ اس قلعہ کی سب سے اہم اور خاص بات اس کا مضبوط حصار ہے۔ اس قلعہ تک جانے کے لئے باد بانی کشتی کا استعمال کیا جاتا ہے جو ہوا کے رخ سے اپنی سمتوں کو پار کرتے ہوئے قلعہ تک پہنچتی ہے۔ یہ قلعہ کسی عام جگہ پر واقع نہیں ہے بلکہ چاروں طرف سے کھارے پانی کے سمندر سے گھرا ہوا ہے۔ اس کا فن تعمیر اور ڈیزائن  ایسا ہےکہ دشمن اس قلعے میں داخل ہونے سے پہلے ہی الجھ جاتے تھے۔ اس قلعہ کی کشش اور اطراف کے مناظر اب بھی آنکھوں کے سامنے گردش کر رہے ہیں۔
آفرین عبدالمنان شیخ (شولاپور، مہاراشٹر)
تاریخی مقامات کی سیر