بڑھتی عمر کے ساتھ جلد کی نگہداشت کا انداز بھی بدلتا ہے۔ ۳۰؍ سال کی عمر کے بعد چہرے پر جھریاں نظر آنے لگتی ہیں۔ ایسے میں ضروری ہے کہ جلد پر خاص توجہ دی جائے۔

بڑھتی عمر کے ساتھ جلد کی نگہداشت کا انداز بھی بدلتا ہے۔ ۳۰؍ سال کی عمر کے بعد چہرے پر جھریاں نظر آنے لگتی ہیں۔ ایسے میں ضروری ہے کہ جلد پر خاص توجہ دی جائے۔ جلد کی حفاظت کے چند بنیادی طریقے اپنی روز مرہ زندگی میں اپنانے سے آپ اپنی جلد کو کئی طرح کے مسائل سے بچاسکتی ہیں:
کلینزنگ کی اہمیت
 جلد کی کلینزنگ، موئسچرائزنگ اور ٹوننگ کو اپنے روٹین میں شامل کریں۔ کلینزنگ، موئسچرائزنگ اور ٹوننگ کی یہ روٹین جلد کو گرد اور میل کچیل سے پاک کرنے کے ساتھ جلد کو تروتازہ اور صحتمند بناتی ہے۔
بیوٹی پروڈکٹس کے اجزاء
 چہرے خوبصورتی بڑھانے کیلئے جو کاسمیٹکس آپ استعمال کرتی ہیں وہ چاہے قدرتی ہوں یا کمپنی کے بنے ہوئے ہوں، ان میں ایسے اجزاء شامل ہونے چاہئیں جو جلد کو تروتازہ بنانے میں مدد دیں۔ اینٹی آکسیڈنٹ، وٹامن سی اور گلائی کولک جلد کو وقت سے پہلے نمودار ہونے والی جھریوں اور خشکی سے بچاتے ہیں اور جلد کو تروتازہ بناتے ہیں۔
پھلوں اور سبزیوں کا استعمال
 اپنی غذا میں پھل اور سبزیاں شامل کریں ۔ تازہ پھل اور سبزیوں کا سلاد جلد کو ٹوکسن سے پاک کرنے میں مدد دیتا ہے اور جلد کو صحتمند بناتا ہے۔
سپلیمنٹ اور وٹامن
 جلد کو مضبو ط بنانے اور اس کا کھنچاؤ  برقرار رکھنے کے لئے وٹامن سی اور وٹامن ای کا سپلیمنٹ استعمال کریں۔ یہ وٹامنز کولیجن بناتے ہیں، جو جلد کا کھنچاؤ لمبے عرصے تک برقرار رکھنے میں مدد دیتے ہیں۔
فیس ماسک
 بہتر یہ ہوگا کہ گھر میں موجود قدرتی اجزاء سے تیار فیس ماسک کا استعمال کریں۔ اس معاملے میں ماہرین سے مشہور کیا جاسکتا ہے۔ خیال رہے، جلد پر ماسک لگانے سے پہلے پیچ ٹیسٹ کر لینا چاہئے۔
فیشیل
 خوبصورت اور تر و تازہ جلد کے لئے فیشیل بھی نہایت مفید ہے۔ آپ کتنی ہی مصروف کیوں نہ ہوں مہینے میں ایک مرتبہ فیشیل ضرور کرائیں یا گھر پر خود ہی کریں۔ہر ماہ فیشیل کرانے سے جلد میں نمایاں تبدیلی آئے گی۔