نہانے کے بعد جلد صاف، نرم اور تر و تازہ رہتی ہے، اس وقت اگر کچھ مخصوص چیزیں چہرے پر لگائی جائیں تو جلد کے مسائل پیدا ہوسکتے ہیں۔ نہانے سے جلد کے مسام کھل جاتے ہیں اور وہ زیادہ حساس ہو جاتی ہے، اس وقت کسی بھی پروڈکٹ یا گھریلو نسخے کا فوری استعمال جلد کو نقصان پہنچا سکتا ہے۔ ماہر ین جلد کے مطابق، کچھ عام غلطیوں سے نہ صرف جلدی مسائل جیسے جلن، خشکی اور مہاسے پیدا ہوسکتے ہیں بلکہ یہ طویل مدت میں جلد کی صحت پر بھی اثر انداز ہوسکتے ہیں۔ اس لئے یہ جاننا ضروری ہے کہ نہانے کے بعد کون کون سی چیزیں نہیں لگانی چاہئیں تاکہ جلد صحت مند اور چمکدار رہے:

ماہرین کا کہنا ہے کہ الکحل جلد کی قدرتی نمی کو چھین لیتا ہے۔ نہانے کے بعد جب جلد نرم ہوتی ہے، الکحل والے ٹونر یا پرفیوم استعمال کرنے سے سرخی، جلن اور خشکی بڑھ سکتی ہے۔

کھلے ہوئے مساموں پر ان تیزابی اشیاء کا استعمال جلد پر کیمیکل برن اور رنگت خراب ہونے کا خطرہ بڑھا دیتا ہے۔ ماہرین اس بات کی سختی سے ممانعت کرتے ہیں کہ ایسی تیزابیت والی چیزیں جلد پر فوراً لگائی جائیں۔

نہانے کے بعد جلد پہلے ہی نرم اور حساس ہو جاتی ہے۔ ایسی حالت میں اسکرب کرنے سے جلد میں مائیکرو کٹس پیدا ہوسکتے ہیں جس سے جلن، خشکی اور مہاسوں کی شکایت بڑھ سکتی ہے۔

میک اپ پروڈکٹس

گیلی یا ہلکی نم جلد پر میک اپ کرنے سے مسام بند ہوجاتے ہیں جس سے بلیک ہیڈز اور مہاسے پیدا ہوسکتے ہیں۔ اس لئے ضروری ہے کہ جلد کو مکمل طور پر خشک ہونے دیں اور پھر میک اپ لگائیں۔

ماہرین جلد کا کہنا ہے کہ نہانے کے فوراً بعد ہارڈ کریم یا تیل لگانے سے جلد کے مسام بند ہوسکتے ہیں۔ خاص طور پر اگر آپ کی جلد چکنی ہو تو جلد پر داغ دھبے اور مہاسے نکلنے کا امکان زیادہ ہوتا ہے۔ اسلئے انہیں لگانے سے پرہیز کریں۔

ریٹنول، ایسڈز یا سیریم نہانے کے فوراً بعد لگانے سے جلن اور جلد کی پرت اتر سکتی ہے۔ ان پروڈکٹس کو استعمال کرنے کیلئے نہانے کے بعد کم از کم ۲۰؍ سے ۳۰؍ منٹ کا وقفہ ضروری ہے۔

ماہرین تجویز کرتے ہیں کہ نہانے کے بعد چہرے کو ہلکے ہاتھوں سے صاف کریں اور جلد کو ۵؍ سے ۱۰؍ منٹ تک سکون سے رہنے دیں تاکہ جلد معمول پر آ جائے۔

 اس کے بعد بغیر خوشبو والا موئسچرائزر لگائیں اور دن کے دوران سن اسکرین لگانا نہ بھولیں۔ صحیح اسکن کیئر روٹین اپنانے سے آپ نہانے کے بعد بھی اپنی جلد کو صحتمند، نرم اور چمکدار رکھ سکتی ہیں۔

 یاد رکھیں، جلد کی دیکھ بھال میں جلد کی نوعیت کو سمجھتے ہوئے اس کا خیال رکھنا چاہئے۔