کیا آپ نے کبھی سوچا ہے کہ آلو زہریلا ہو سکتا ہے؟ ہیلتھ کوچ منکیرت کور بتاتی ہیں کہ صرف ایک خاص قسم کا آلو کھانے سے ۳؍ لوگوں کی موت ہوگئی

آلو سب سے زیادہ کھائی جانے والی چیزوں میں سے ایک ہے۔ گھر کا کھانا ہو یا باہر کا کھانا، آلو کا استعمال بہت زیادہ کیا جاتا ہے لیکن کیا آپ نے کبھی سوچا ہے کہ آلو بھی زہریلا ہو سکتا ہے؟ جی ہاں، ہیلتھ کوچ منکیرت کور بتاتی ہیں کہ صرف ایک خاص قسم کا آلو کھانے سے تین لوگوں کی موت ہوگئی۔ یہ سن کر کافی چونکا دینے والی بات ہے لیکن سچ یہ ہے کہ جن چیزوں کو ہم عام سمجھ کر کھاتے ہیں، وہ بعض اوقات سنگین خطرہ بن سکتی ہیں۔ اب سوال یہ ہے کہ یہ کس قسم کے آلو ہیں؟ ہیلتھ کوچ منکیرت نے ایک ویڈیو پوسٹ کے ذریعے اس بارے میں بڑی تفصیل سے معلومات شیئر کی ہیں۔
ایسے آلو بھول کر بھی نہ کھائیں
عموماً بہت سارے آلو گھروں میں اکٹھے ہوتے ہیں۔ ان میں مختلف قسم کے آلو ہوتے ہیں۔ ان میں سے دو قسم کے آلو کھانے سے سخت پرہیز کرنا چاہیے۔ ہیلتھ کوچ منکیرت کا کہنا ہے کہ اگر آلو پر سبز دھبہ ہو یا آلو اگ گیا ہو جسے آلو کی آنکھ بھی کہا جاتا ہے۔ تو ایسے آلو بھولے سے بھی نہ کھائیں۔ یہ زہریلے ہیں اور صحت کے لیے سنگین خطرہ بن سکتے ہیں۔
انہیں زہریلا کیا بناتا ہے؟
ہیلتھ کوچ کا کہنا ہے کہ ہرے آلو اور آنکھ والے آلو میں `سولانائن نامی ٹاکسن کی مقدار بڑھ جاتی ہے۔ یہ عام طور پر اس وقت ہوتا ہے جب آلو طویل عرصے تک روشنی کے سامنے رہتے ہیں۔ ماہرین کا کہنا ہے کہ اس طرح کے آلو کھانے سے قے، متلی، پیٹ میں درد، سردرد، دل کی دھڑکن کی بے قاعدگی یا کئی سنگین صورتوں میں موت بھی واقع ہوسکتی ہے۔
آلو کو مناسب طریقے سے ذخیرہ کریں
آلو کے صحت مند رہنے کے لیے ضروری ہے کہ انہیں مناسب طریقے سے ذخیرہ کیا جائے۔ انہیں ہمیشہ ٹھنڈی، خشک اور تاریک جگہ پر رکھیں۔ انہیں بہت زیادہ روشنی کے سامنے نہ آنے دیں۔ ماہرین کا کہنا ہے کہ آلو کو کبھی بھی فریج میں نہیں رکھنا چاہیے۔ اس کے علاوہ پیاز کے ساتھ آلو بھی نہیں رکھنا چاہیے۔ اگر آپ کے پاس آلو کا بڑا ذخیرہ ہے تو ان کو چیک کرتے رہیں اور ان میں سے سڑے ہوئے اور پھٹے ہوئے آلو کو نکال دیں۔