انڈین اسپیس ریسرچ آرگنائزیشن (اسرو) نے’یوویکا پروگرام(ینگ سائٹنسٹ پروگرام)۲۰۲۴ء‘ کا اعلان کیا ہے۔ اسکا مقصد اسکول کی عمر میں خلائی سائنس کے بارے میں طلبہ میں بیداری پیدا کرنا ہے۔ تاکہ وہ اس شعبے میں نئی ​​ٹیکنالوجیز کے بارے میں معلومات حاصل کرسکیں۔

انڈین اسپیس ریسرچ آرگنائزیشن(اسرو)   اسکول کےطلبہ کیلئے’’ینگ سائنٹسٹ پروگرام (یووا ویگیانی کاریاکرم)، یوویکا۲۰۲۴ء کے نام سے ایک خصوصی پروگرام کا انعقاد کر رہا ہے۔ تاکہ نوجوان طلباء کو خلائی سائنس اور اسپیس سائنس میں ابھرتے ہوئے رجحانات میں خلائی ٹیکنالوجی، خلائی سائنس اور خلائی ایپلی کیشنز کے بارے میں بنیادی معلومات فراہم کی جائیں اور انجینئرنگ اور ریاضی (STEM) میں تحقیق اور کریئر کے حصول کیلئے مزید طلبہ کی حوصلہ افزائی کرنا ہے۔
اہم تاریخیں
پروگرام کا اعلان:۱۵؍فروری ۲۰۲۴ء
رجسٹریشن کا آغاز:۲۰؍فروری ۲۰۲۴ء
رجسٹریشن کی آخری تاریخ:۲۰؍مارچ۲۰۲۴ء
پہلی انتخابی فہرست کا اجراء:۲۸؍مارچ ۲۰۲۴ء
دوسری سلیکشن لسٹ : ۴؍ اپریل ۲۰۲۴ء
اسرو کے منتخبہ مراکز پر چنے گئے طلبہ کو اس تاریخ پر رپورٹنگ کرنی ہوگی:۴؍اپریل ۲۰۲۴ء
’پروگرام YUVIKA 13‘کب سے شروع ہوگا؟: ۲۴؍مئی۲۰۲۴ء
طلبہ کاانتخاب ایسے ہوگا
’یوویکا ۲۰۲۴ء‘  میں انتخاب درج ذیل پیرامیٹرز کی بنیاد پر کیا جائے گا:
آٹھویں  کے امتحان میں حاصل کردہ نمبرات کم ازکم ۵۰؍فیصد
آن لائن کوئز میں کارکردگی۱۰؍فیصد
سائنس میلے میں شرکت (اسکول / ضلع/ ریاست اور پچھلے۳؍ سالوں میں اس سے اوپر کی سطح)۲؍فیصد۵؍فیصد،۱۰؍فیصد
اولمپیاڈ یا اسکے مساوی رینک (اسکول / ضلع/ ریاست میں ایک   سے۳؍ رینک اور پچھلے ۳؍ سال میں اس سے اوپر کی سطح) ۲،۴،۵ء۵؍فیصد
کھیلوں کے مقابلوں کے فاتح (گزشتہ ۳؍ سال میں اسکول/ضلع/ریاست اور اس سے اوپر کی سطح میں ایک سے ۳؍رینک)۲،۴،۵؍فیصد
گزشتہ ۳؍سال میں اسکاؤٹ اور گائیڈز / این ایس ایس/این سی سی ممبر۵، ۷؍فیصد)
اس پروگرام کی منصوبہ بندی اسرو کے سات مراکز پر کی گئی ہے۔
(۱) انڈین انسٹی ٹیوٹ آف ریموٹ سینسنگ (آئی آئی آر ایس)، دہرادون۔  (۲) وکرم سارا بھائی خلائی مرکز(وی ایس ایس سی)، ترواننت پورم۔(۳)  ستیش دھون خلائی مرکز(ایس ڈی ایس سی)، سری ہری کوٹا۔  (۴) یو آر راؤ سیٹلائٹ سینٹر (یو آر ایس سی)، بنگلورو۔(۵)  اسپیس ایپلیکیشن سینٹر(ایس اے سی) ، احمد آباد۔(۶)  نیشنل ریموٹ سینسنگ سینٹر(این آر ایس سی) ، حیدرآباد۔(۷)  شمال مشرقی خلائی ایپلی کیشن سینٹر (NE-SAC)، شیلانگ۔
 اخراجات اور سہولیات
صرف منتخب طالب علم کے سفرکیلئے خرچ (سیکنڈ اے سی ٹرین کا کرایہ) یا اے سی بس  کا کرایہ۔ طالبعلم کو متعلقہ اسرو مرکز سے سفری کرایہ کی ادائیگی کے لیے سفر کا اصل ٹکٹ پیش کرنا ہوگا۔  پورے کورس کے دوران کورس کا سامان، قیام و طعام وغیرہ اسرو برداشت کرے گا۔
کون درخواست کا اہل ہے؟
 یکم جنوری ۲۰۲۴ء  تک نویں جماعت میں زیرتعلیم طلبہ  درخواست دینے کے اہل ہیں۔
رجسٹریشن ایسے کریں
سب سے پہلے ’اسرو انترکش جگیاسا‘نامی پلیٹ فارم پر رجسٹریشن کرائیں:
 https://jigyasa.iirs.gov.in/registration 
 مذکورہ بالا ویب سائٹ پر رجسٹریشن کے بعد موصول ہونے والے اپنے ای میل کی تصدیق کریں۔  براہ کرم اپنے رجسٹرڈ ای میل آئی ڈی پر بھیجے گئے تصدیقی لنک پر کلک کریں۔
اب’اسپیس کوئز‘ میں حصہ لیں۔ کوئز میں شرکت کرنے سے پہلے کوئز کے رہنما خطوط کو غور سے پڑھیں۔
 اپنی ذاتی پروفائل اور تعلیم کی تفصیلات پُر کریں۔
طلباء کو سرٹیفکیٹ کی فوٹو کاپی لینے کی ضرورت ہے اور تصدیق کے لیے سرٹیفکیٹ پر دستخط کرتے ہوئے پرنسپل/ہیڈ آف اسکول سے اس کی تصدیق کرنی ہوگی۔  تصدیق شدہ سرٹیفکیٹ کو اسکین کرکے ویب سائٹ پر اپ لوڈ کرنے کی ضرورت ہے۔  تصدیق شدہ سرٹیفکیٹ کی فوٹو کاپی اور تصدیق کیلئے سرٹیفکیٹ ویب سائٹ پر اپ لوڈ کرنے کی ضرورت ہے۔
 اپنے پرنسپل/ ہیڈ آف اسکول/ والدین/ سرپرست کے ذریعے تصدیق کیلئے  اپنا سرٹیفکیٹ تیار کریں 
 اپنے دستاویز کو اسکین کرکے اپ لوڈ کریں اور درخواست جمع کروائیں۔ 

۲۰؍مارچ ۲۰۲۴ء تک اس ۲؍ہفتے کے رہائشی تربیتی پروگرام کیلئے رجسٹریشن کا عمل جاری  رہے گا۔