حکام نے اب تک احمد آباد میں ایئر انڈیا کے طیارہ حادثے کے ۳۱؍ متاثرین کی ڈی این اے ٹیسٹنگ کے ذریعے شناخت کی ہے اور ۱۲؍ خاندانوں نے اب تک مردہ باقیات کا دعویٰ کیا ہے۔

حکام نے اب تک احمد آباد میں ایئر انڈیا کے طیارہ حادثے کے ۳۱؍ متاثرین کی ڈی این اے جانچ کے ذریعے شناخت کی ہے اور ۱۲؍ خاندانوں نے اب تک مردہ باقیات کا دعویٰ کیا ہے، ایک اہلکار نے اتوار کو اس کی اطلاع دی۔ سول اسپتال کے ایڈیشنل میڈیکل سپرنٹنڈنٹ ڈاکٹر رجنیش پٹیل نے بتایا کہ، گجرات کے سابق وزیر اعلیٰ وجے روپانی کی لاش کی شناخت کا عمل ابھی جاری ہے کیونکہ اسپتال انتظامیہ ابھی تک ان کے ڈی این اے کو میچ نہیں کر سکی ہے۔روپانی ۱۲؍ جون کو احمد آباد میں اے آئی ۱۷۱؍ طیارے کے حادثے کے ۲۴۱؍ مہلوکین میں شامل تھے۔واضح رہے کہ بوئنگ ۷۸۷؍ کی پرواز، جو لندن کے گیٹوک ہوائی اڈے کے لیے جا رہی تھی، ٹیک آف کے فوراً بعد گر کر تباہ ہو گئی۔ فلائٹ اے آئی  ۱۷۱؍میں کل ۲۴۲؍ افراد سوار تھے جن میں ۲۳۰؍ مسافر، عملے کے ۱۰؍ ارکان اور دو پائلٹ شامل تھے۔

یہ بھی پڑھئے: مہلوکین کی تعداد ۲۷۴؍تک پہنچ گئی ، جانچ کیلئےکمیٹی تشکیل

حکام نے پہلے بتایا کہ متاثرین کے خاندانوں کے ساتھ ہم آہنگی کے لیے ۲۳۰؍ ٹیمیں تشکیل دی گئی تھیں۔ مہلوکین میں لندن جانے والی پرواز میں سوار ۲۴۲؍ مسافروں اور عملے کے ارکان میں سے ۲۴۱؍ شامل تھے۔ سانحہ میں ہلاک ہونے والوں میں سابق وزیر اعلیٰ روپانی بھی شامل تھے۔اس حادثہ میں ایک مسافر معجزاتی طور پر بچ گیا۔