عالمی سطح پر اکتوبر میں ہوائی سفر کی مانگ میں ۶ء۶؍ فیصد اضافہ درج کیا گیا، جس میں بین الاقوامی مانگ ۵ء۸؍فیصد اور گھریلو سفر کی مانگ ۴ء۳؍فیصد بڑھی ہے۔ ہوائی سفر کی مانگ کو ریونیو پیسنجر کلومیٹر (آر پی کے) کے طور پر ناپا جاتا ہے۔

عالمی سطح پر اکتوبر میں ہوائی سفر کی مانگ میں ۶ء۶؍ فیصد اضافہ درج کیا گیا، جس میں بین الاقوامی مانگ ۵ء۸؍فیصد اور گھریلو سفر کی مانگ ۴ء۳؍فیصد بڑھی ہے۔ ہوائی سفر کی مانگ کو ریونیو پیسنجر کلومیٹر (آر پی کے) کے طور پر ناپا جاتا ہے۔ 
انٹرنیشنل ایئر ٹرانسپورٹ اسوسی ایشن (آئی اے ٹی اے) کے جمعہ کو جاری کردہ اعداد و شمار کے مطابق اکتوبر ۲۰۲۵ءمیں مجموعی مانگ اکتوبر ۲۰۲۴ء کے مقابلے ۶ء۶؍ فیصد بڑھی ہے۔ وہیں کل صلاحیت (دستیاب نشست کلومیٹر) ۸ء۵؍فیصد بڑھی اور لوڈ فیکٹر۶ء۸۴؍ فیصد تک پہنچ گیا، جو ایک برس پہلے کے مقابلے۷ء۰؍ فیصد زیادہ ہے۔ ایئر لائن کمپنیوں نے بین الاقوامی سفر کے لیے صلاحیت میں۱ء۷؍ فیصد اور گھریلو سفر کے لیے ۶ء۳؍ فیصد اضافہ کیا ہے۔
آئی اے ٹی اے کے ڈائریکٹر جنرل ویلی والش نے کہا کہ اکتوبر کا مہینہ مضبوط کارکردگی والا رہا۔ کئی ماہ کی سست کارکردگی کے بعد شمالی امریکہ میں بین الاقوامی ٹریفک میں ۵ء۴؍فیصد اضافہ قابل ذکر ہے۔ انہوں نے کہا کہ سال کے آخری دو مہینوں کے لیے رجحان حوصلہ افزا ہیں۔ شیڈول کے مطابق نومبر میں نشستوں کی صلاحیت۶ء۳؍ فیصد اور دسمبر میں ۷ء۴؍ فیصد بڑھے گی۔
جاری اعداد و شمار کے مطابق تیسری  سہ ماہی میں مغربی ایشیا میں ہوائی سفر کی مانگ سب سے زیادہ ۵ء۱۰؍ فیصد بڑھی۔ افریقہ میں یہ  ۸ء۸؍فیصد، ایشیا پیسیفک میں ۱ء۸؍ فیصد، یورپ میں ۷ء۶؍ فیصد، لاطینی امریکہ و کیریبین میں ۱ء۶؍ فیصد اور شمالی امریکہ میں ۵ء۲؍ فیصد اضافہ ہوا ہے۔

یہ بھی پڑھئے:امریکہ نے افغان شہریوں کے ویزا اورپناہ گزینی سے متعلق درخواست پر روک لگائی

آئی اے ٹی اے نے اکتوبر کے لیے ایئر کارگو ٹرانسپورٹ کے اعداد و شمار بھی جاری کیے ہیں۔ مال برداری کی مانگ جسے کارگو ٹن کلومیٹر (سی ٹی کے) کے طور پر ناپا جاتا ہے، اکتوبر میں۱ء۴؍فیصد اضافہ ہوا ہے۔ یہ مسلسل آٹھواں مہینہ ہے، جب اس میں اضافہ درج کیا گیا ہے۔ 

یہ بھی پڑھئے:’’گھر پر جنوبی افریقہ کے خلاف نہیں جیت سکتے، ۲۰۲۷ء ورلڈ کپ بھول جائیں‘‘

انڈیگو نوی ممبئی سے کویمبٹور، چنئی اور وڈودرا کے لیے پروازیں شروع کرے گی
 ملک میں گھریلو مسافروں کی تعداد کے اعتبار سے سب سے بڑی ایئر لائن کمپنی انڈیگو نے ہفتہ کو نوی ممبئی ایئرپورٹ سے اضافی پروازوں کا اعلان کیا۔   قابل ذکر ہے کہ نوی ممبئی ہوائی اڈے کا افتتاح وزیراعظم نریندر مودی نے ۸؍ اکتوبر کو کیا تھا۔ تجارتی پروازوں کا آغاز۲۵؍ دسمبر سے ہوگا۔  انڈیگو نے  سنیچر کو ایک پریس ریلیز میں بتایا کہ وو ۲۶؍ دسمبر سے نوی ممبئی سے شمالی گوا (موپا) کے لیے پرواز شروع کرے گی، جو پیر اور جمعرات کے علاوہ ہفتے میں پانچ دن دستیاب ہوگی۔ اس کے بعد ۲۹؍ دسمبر سے کویمبٹور اور چنئی کے لیے روزانہ پروازیں شروع کی جائیں گی۔  نوی ممبئی سے وڈودرا کے لیے پرواز۳۰؍ دسمبر سے شروع ہوگی، جو ہفتے میں پانچ دن-منگل، بدھ، جمعہ، ہفتہ اور اتوارکو دستیاب ہوگی۔